|
انخطبت ولكن لم تكتمل فرحتي
السلام عليكم ورحمه الله وبركاته اخباركم اعضاء المنتدى الراقي والمميز
ادخل في الموضوع قبل فتره تقدم لخطبتي رجل مطلق عمره يمكن 46سنه عنده ولدين توهم صغار كانوا اهله محددين كل شى من المهر والسكن وان الحفله تكون مختصره ويبون الرد خلال اسبوع انا صراحه ماقدرت خلال اسبوع ارد بنعم او لا مارتحت للموضوع ردت عليهم الوالده اني رفضت وانتهى الموضوع عارفه راح تقولوا طيب وين المشكله اقولكم المشكله انه قبل اسبوعين كلمتني بنت خالتي ( طبعا الرجال اللى خطبني اخو زوج بنت خالتي ) تقول الرجال يبيك وقال كلميها وخليها تفكر ويبي ردي النهائى الكلام هذا بيني وبينها انا ماقلت لامي انه خطبني مره ثانيه خايفه ان امي تأخذ القرار عني وتوافق لاني ابي افكر واستخير مابي استعجل واندم في الحالتين انا خايفه .. خايفه اني ارفض انسان مافيه شى وخايفه على ابني ان ابوه ياخذه والله اني محتاره اللى اعرفه عن الرجال اللى خطبني انسان عصبي وحريص على عياله يعنى مدلعهم بزياده انا اللى خلاني ارفض المره الاولى ان الرد كانوا يبونه خلال اسبوع واللى قهرني وحز بخاطري انهم محددين كل شى من مهر الى السكن الى الحفله مع انه ماتهمني الحفله بقدر مايهمني السكن يعنى عشاني مطلقه والا ايش !! ثانيأ السكن ماابى اسكن عند اهله لا تقولوا ليش بس انا كذا رغبتي احب اكون بعيدة خصوصا عن اهل الزوج قلولي وش اسوي محتاره واتعبني التفكير ورايكم يهمني واسفه على الاطاله ... |
لعله خير حبيبة قلبي
اكيد يبي يسكن مع اهله علشان عياله يكونون تحت عيون اهله وبالعكس هالشي افضل لك وتخففي عن نفسك مسؤوليات بلغي بنت خالتك انك محتاجة الى وقت اطول للتفكير وللسؤال عنه .. واذا يبيك خل يرجع يتقدم من جديد بدون تحديد مدة اسبوع .. واذا كان فيه خير لك الله يكتبه لك يا رب |
إن شاء الله خيره لكى
وراي من راي اخت بكر الشايب يحاول يتقدم تانى وربنا يسهل امورك يارب ويعوضك |
لا تطلبي منه أن يتقدم مرة أخرى إلا إذا كنت قد عزمت على الموافقة
استخيري الله أولا ثم استشيري بنت خالك فهي قريبة وتستطيع إعطائك جميع المعلومات التي تهمك عن خطيبك والإجابه عن أسئلتك بعدها فكري بتروي فإن شعرتي بالقبول ولم يبقى إلا مسألة السكن فطلبي من ابنة خالك أن تبلغ زوجها ليبلغ أخاه أنك لا تمانعين في إعادة النظر في مسألة الإرتباط به شريطة أن يكون السكن مستقلا عن الأهل طمعا في مزيد من الخصوصيه فإن كان لا يمانع فليتقدم مرة أخرى أما مسألة ابنك فزواجك لا يلغي حضانتك له وإن كان طليقك لا يرغب في عيش ابنه مع زوجك مستقبلا فأمك أولى بحضانته موفقة |
أختي اتعبني الحب كم عمرك أنتي ؟! وكم عمر ابنك ؟! وبعد ردك سأعطيك رأي في موضوعك ؟! |
ربي يعوضك خير منه
|
مساء الخير
شكرا على ردودكم اختي المطلقه الصغيره عمري 25سنه و عمر ابني 5 سنوات |
بصراحة عمرك صغير على واحد عمره 46 وانا قد عرضت موضوع في المنتدى كان عمره اللي تقدم لي تقريبا 46 والكل مأيديني ومعاهم حق رجل كلها 4 سنوات وداخل الخمسين وانتي بعز شبابك أكيد متطلباتك وتفكيرك بيكون غير عنه.. وثانيا السكن مع أهله صعب كثير لازم يكون لك بيت مستقل .. وثالثا: لا تنسين تربية أبناءه ومسؤلياتهم .. وأخيرا إذا كان مايهمك عمره ومستعدة لتربية أبناءه وسكنك مع أهله المشكلة مثل ماقالت الأخت أطياف الرياض قولي لي لقريبتك ان موافقة عليه بس بشرط السكن مستقل واذا وافق فالحمدلله واذا رفض فهذة خيرة الله لك ولا تنسي الأستخارة اولا وأخيرا .. |
انا ماراح اربي ابناءه لانهم بكونوا عند جدتهم
طبعا البيت اللى انا رفضته هو مستقل عن اهله يعنى في الدور اللى فوقهم بس انا كان ودي بيت يكون بعيد عنهم والى الان ماصار شى يعنى متردده دعواتكم واول مايصير شى راح ابلغكم لان رايكم يهمني |
تم نقله إلى هنا , مكانه الأنسب بإذن الله
الإشراف |
| الساعة الآن 01:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©