|
هل في رفض الأم أنانية وظلم في حق الشاب وابنتها
السلام عليكم ورحمة الله وبركاته
باختصار تخيلوا وحطوا نفسكم مكان ام لشابة في مرحلة الزواج .. وهاذي الام واثقة بان البنت مافيه أحد بقلبها والحمدلله دين واخلاق وكلن يتمناها .. والفرص بالزواج قدامها كثيرة وحصل بأن تقدم لها شاب ممتاز من كل النواحي وما فيه أي عيب ولكن العيب الوحيد كان في ماضي اهله .. يعني للتوضيح قبل لما كانت الام بنت في عمر الزواج كانت تحب واحد من الأهل وهو كان يحبها ولمافكر يخطبها رفض ابوه ان ولده يتزوج هالانسانه بالذات لأنها مو من مستوى عايلتهم ولأن أبوه أصلا ما كان يحب هالبنت وبدون سبب ..والولد ساعتها ما كافح واستسلم بسرعة لقرار ابوه .. واليوم وبعد ما دار الزمن هاللي جا يخطب بنت الام ما كان سوى ولد هالانسان اللي حبته الام في يوم وما صار لها معاه نصيب بسبب نظرة أبوه المستعلية وقتها .. المهم بالبداية تخيلو تم الرفض بسبب احساس الام بجرح الماضي اللي سببوه لها .. لكن تفاجأت الام بالولد يجي لها ويترجاها توافق بحجة انه يحب البنت من زمااان وما وده بغيرها .. واكتشفت انه فعلا صادق في حبه وموناوي يستغني عن بنتها مهما صار .. ابي اسأل هل في رفض الأم ساعتها انانية وظلم في حق الشاب وبنتها ( مع ان البنت عادي ما تحبه ولا تكرهه ) وإلا يحق للام ترفض بإصرار بسبب الماضي واللي صار لها من هالعايلة ويمكن عشان تنتقم من اهل الشاب وتقول بأنك مش من مستوانا وتحرق قلب ولدهم ؟؟ لو كنتوا مكان الام شتسوون ؟!! |
إذا اتاكم من ترضون دينه وخلقه فزوجوه
ولا تزر وازرة وزر اخرى |
لو كانت الام قادرة على إبعاد الماضي من فكرها فليسألوا عن الشاب واخلاقه ودينه ومستقبله بعيدا عن ما كان سابقا مثله مثل أي شاب يتقدم لأي بنت.
لكن .. رأيي بصراحة .. ابعد عن الشر وغنيله ! يعني .. طالما البنت لا تكن للشاب اي مشاعر وعادي عنده وحتى وإن كان يحبها ومصر عليها فسيكون تعامل الام مع اهل زوج بنتها كله مرتبط بماضيها معهم .. وقد تدفع البنت لمعاندة زوجها واهله بشكل لا شعوري حتى وإن كان الشاب لا دخل له بماضي ابوه .. ولكن طالما في حكاية من هذا القبيل فالافضل الابتعاد عن هذه العائلة وباذن الله يرزقها ربي زوج أفضل |
انا مع شارك في الكلام
بالعكس لازم تقبل حرااااااام تكسر بخاطر الشاب والبنت بالعكس تقارب العائلتين اليوم اقوى من الاول وعم البنت رح يدلل زوجة ابنه |
عذراً ينقل إلى القسم الأنسب .. |
اذا البنت اصلا شعورها محايد، يعني لا بتحبه ولا بتكرهه ، اتوقع الأم ترفض احسن لأنه لو زوجته بنتها ممكن يكون في تعاملها معاه تحامل بناءً على تجربتها الشخصية ، يعني احنا بشر وصعب الواحد يجزم انه نسي .
|
أحط نفسي مكان أم البنت
تخيل ياخوي ، إنه بنتها تتزوج من شاب ،، و أبو الشاب هذا كان بيوم من الأيام راح يتزوجها و يحبها .. تخيل بنتها كل يوم تجي تحكي لها ،، عمي ( أبو زوجها يعني ) قال ؟ و عمي زارنا و زوجة عمي ( أم الشاب ) عملت .. هذه الأشياء ما راح تأثر في مشاعر أم البنت ؟؟؟؟ و بعدين أم الشاب ، ما راح تغار و تحط حرتها في زوجة ولدها علشان تقهر أمها ؟؟؟؟؟؟؟؟؟؟؟؟ أنا برأيي ،، إنها تبعد بنتها عن العائلة هذه أفضل لها و لبنتها |
نعم انانبيه لانه الي فات مات واحنا عيال النهارده على قوله اخواننا المصرين
خصوصا اذا مافي عيب في دينه واخلاقه |
انااشوف انه لازم ماتربط القصتين الا في حاله وحده اذاكانت الام مازال قلبها متعلق بحبهاالقديم اذا كده لازم ترفض
وعلى العموم الي فات مات |
بغض النظر كان الولد ولد مين ولا البنت بنت مين
اعتقد لما نوصل لمرحلة زواج واحنا اللي بنكون الحياة ( شاب او بنت ) من حقنا نختار شريك حياتنا لان احنا اللي بنعيش معاه مو ابوي وامي للاسف كثثييييير اسمع بنات يتخطبوا واهاليهم يرفضوا بدون سبب واحيانا مو عاجبينهم واعرف البنات بعضهم تتضايق لانها تشوفه كويس وتسمع عنه كل زين وبينرفض !! شي مؤلم ورب البيت ان بعض هذولي البنات الحين وصلت اعمارهم 30-35 وهم عاااااااانساااااااااااااااااات هذا ذنب مين بالله ؟ لا واللي يقهر تجيك الأم تقول بناتي ماجاهم نصيبهم!! شلون ماجاهم نصيبهم وانتي وابوها تردون كل الشباب بعضم ايه ينردون مو ذاك الزود ولا مدخنين ولا مافي وظيفة .. لكن بعضهم مافيهم اي عيب يمنع وعيال ناس ليش ينردون !! تجيك تقول لو لها نصيب بآخر الدنيا بيجي ... قمت رديت عليها ( وانتي كل نصيب تردينه وين بيبقى لها نصيب!!! ) قضاء وقدر ماقلنا شي .. بس الاسباب .. فعايل الأهل .. لو الزواج مسألة مافيها أ] تأثير من تصرفات الأهل وردهم أو قبولهم للناس .. يعني انها مسألة قضاء وقدر ومقدر ومكتوب وبسسسس .. كان الرسول ما وصى ( اذا اتاكم من ترضون دينه وخلقه فزوجه ) كان بيقول اللي لها نصيب بيجي وبس ! بالمقابل لو نفس هالام راحت خطبة لولدها عند ناس ورفضوا تجيك صاكه مليون تخاصم ليييييش ررفضوا ولدي وهم الخسرانين احد يلقى مثل ولدي مالت وجع وكل انواع السب والشتم!!! طيب يوم انتي ترفضين ولد الناس مافكرتي بمشاعره اذا كان زين وهو عارف نفسه ويمكن بنتك تبيه !!! للاسف اذا جاوا تكلموا ان نسبة الطلاق بالسعودية 45 % ويحاولون يمنعون الطلاق ويحلون مشاكله لكن المشكلة الاساسية انه ماتم الاختيار من قبل الشاب والشابه .. لا .. لازم يجي شريك الحياة حسب تفصيل الاب والأم !!!!!! و انا شخصيا اكثر من مرة ادخل بجدال هالموضوع مع امي وترد علي بكل مرة بقولها ( انتي مستعجلة تبين تعرسين الظاهر ) واحيانا تقول ( اول عريس بنرميك له ) وانا احاول افهمها ان مو قصدي الزواج .. قصدي ان البنت تختار اللي تبيه .. لان هذي حياتها .. ونفس الشي الولد .. تبي تخطب الحين لأخوي .. تشاورني ببنات اقول لها مو انا بعيش معها.. اسألي اخوي وشاوريه هو !! |
| الساعة الآن 05:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©