|
خطوبتي دامت ثلاث سنوات هل أفسخها ؟
السلام عليكم ورحمه الله وبركاته
كيفكم ياعضاء ياحلوين اخباركم ان شاء الله طيبين.... انا مخطوبة وعمري 20 لشخص يعيش بعيدا عني حيث انة يدرس بالخارج كنا اول ماتعرفنا على بعض هو حبني حب جما وقال ليي انا حبيتك وانا بدوري حبيته لانة خطيبي في الاول الاهل ماكانو يرضو نكلم بعض تلفون بعدين احنا بالدس والخش قمنا نكلم بعض تلفون لانة بالاول كان بس بينا مسنجر000 المهم بعد 6 اشهر تغير علي وصار مايحبني مثل اول ولايقول كلام حب بس كلمه احبك على حسب المزاج بالاول كنا لازم نطمن على بعض الحين عادي عنده مايكلمني بال4 ايام وادا كلمني ببرود ولايتكلم الا قليل لين ماصارت مشكله ودريت امو انة يكلمني وصارت مشكله وبعديم مشيناها وكملنا نكلم بعض اتغير الرجال صار عادي يزعلني ويبكيني ويخليني ابكي لحالي بالاربع الايام بعدين يجي ولاكانه مسوي شي وامشيها له وصارت حياتنا كلها مشاكل بسبة انة يكلم بنات 2 على المسن وسكت عنه وماقدرت اقول له شي وقال والله مارح احبهم ولاياخدو مكانك انا بس احب اسولف مع الي يدرسون طب ومن هلكلام واللي نسبتهم فوق يحب يتفلسف معاهم في الرياضيات على قولته :( سكت عنه وحسيت بالامان من كلامه وانة مايكلمهم على الجوال طبعا ه>ي السنة ال3 على خطوبتنا وكل مرة اقول له متى نتزوج يغير كلامه يقول ادا خلصت دراسه واتخرجت مع انة الحين بقى عليه هالسمستر ويتخرج وكله يغير رايه والحين لما قلت له متى بنتزوح الا يقول ماتبيني بالاول اصير دكتور جيو فيزكس اختلعت انا وقمت هاوشته قال بلاش اسافر خلاص انا صرت ماعرف هالشخص صار ليي سنتين وشوي ماشوف كلام حب بس كلمه احبك الا ادا قلتها له انا وادا قلت له مابيك يجيني ركيض ورايي كل مرة يركض ورايي وانا احبك وانا اسف ومن هالكلام صاير يكلمني كانه واجب عليه انة يكلمني عشان يقول انا كلمت الاول كانت مكالماتنا يوالف وضحك والحين يسكت واشوف بروود منه ومن ارسله على جواله احبك تخيلو مايرد علي ااتخيلو يكون جالس على المسن وادا دخلت مايكلمني ولاكانه يشوفني ويقول بالاخير ترى ماشفتك داخله وكل مرة اقول بفسخ الخطوبة بس ماتهون علي العشرة وانا احبه واموت فيه وكل مابي اتركه يلاحقني ويقول لااسوي في نفسي شي وارجع بس يرجع يبكيني ويزعلني صرت ماعرفه مو الشخص اللي حبيته شوفو لي حل الله يخليكم هل افسخ الخطوبة ام احاول اياه مع اني حاولت كثير بس محاولاتي لفترة معينه بعدين يرجع لحاله :) |
ما راح أطول عليك
بس عن نفسي ، ما أحب الحرمة اللي تجلس تزن على الرجال ( متى نتزوج ؟ ) أحسه يبدأ يسترخص من قيمتها اثقلي عليه يا شيخة ، و بعدين إنت رضيتي إنه يكلم بنات بالماسنجر ، شكله الحب ( مغطي على عيونك يا عسل ) |
بس ياروح الطير وش تشوفين حل
ادا قام يغير كلامه وبعدين انا مارضيت يكلم بنات بس هو اصر وقال ليي كلام يطمني شكرا قلبو على مرورك اسعدني |
حبيبتي أنتي غلطانه أنك رضيتي تكلمينه من ورى أهلك صدقيني الشي هذا بيخليه يسترخصك
أيش خليتوا للملكه والزواج؟؟؟؟؟؟؟ ثلاث سنوات الله المستعان ممكن الرجال يمل منك ويهون عن الزواج مادامه لقاك بدون زواج أكيد مابيستعجل على الزواج أنا أشوف أنك تقطعين مكالماتك معاه وتقولين له أن مكالمتكم هذي غلط أساسًا حرام كيف تبغون ربي يوفقك وانتم قاعدين تغضبونه !!!!!!!! وتقولين له أذا يبغاك يعرف بيتكم ؟! واهو أيش اعذاره مايتزوجك هل يدرس ؟ هل هو متوظف ؟ يعني أيش يستنى؟ أهلك أيش دورهم كيف ساكتين 3 سنوات خطوبه بدو أي تطورات غريبه ؟؟؟ |
انا والله مش فاهمه قانونكم
ما هو كل الناس تجلس تكلم بعض ووقت يجي الواحد لخطيبته نقول لا يجوز لماذا نختبئ وراء اصابعنا ما هو العريس يكلم غيرها اثنين ومن ثم الخطوبه طويله والبعد جفااااااااا ومن ثم يا قلبي الدراسه هاده حيلو المسكين يريد من يغير له جو ويكون عنده نكت وضحك وفرفشه مش نكد وما تحبني حبيبتي انتي من طريقة كلامك معه هو يتعلق فيكي انما الخطوبه تمت انو هو يريدك او خطوبه تقليديه |
جرين مايجوز تكلمه لانو رجل غريب عنها الا بعقد القران
وياصاحبه الموضوع اثقلي عليه مايصير كل شوي تكلمينه وبعدين طولت فتره الخطوبه عشان كذا طبيعي المشاكل فيها لاعاد تكلمينه ابد قولي ماراح اكلمك الا بعد العقد واذا شاريك من جد راح يستعجل بالزواج والله يكتب لك الى فيه خير |
اقتباس:
يا سلام ... حسيتي بالأمان؟!!!! الحمدلله!!!!!!!!!!! ماذا تريدين أكثر؟!!!!!!!! سبحان الله!!!! يعني الطب ما يدروسنه شباب إلا حضرته؟؟ .. يعني كل من يدرسون الطب بنات؟!!! وهو ما يعرف يتفلسف إلا مع بنات؟ ... يعني ما ينفع يتفلسف مع شباب؟!!!!! طبعاً لن يقول لكِ كلام حب .. ولن يرد عليكِ ولن يراكِ على الماسنجر ..ولن يستعجل الزواج لأنه (مش فاضي) .. هو مشغول في حل المعادلات الرياضية على الماسنجر يا حرام!!!!!! لا حول ولا قوة إلا بالله!!! يا صغيرتي .. خطيبك يستهبل ـ ومنكِ المعذرة ـ وأنتِ طفلة ساذجة ـ وأيضاً منكِ المعذرة. |
يا جماعة فهموني ، هو مش كلمة مخطوبين معناها مكتوب الكتاب ؟؟ .. معقول سنتين خاطبين من غير كتب كتاب .
انا ما بدي ازيد عليكي ، بس لو انا مكانك بقلق .. لشو هالبرود ؟؟ .. اساليه هيك دوغري .. اذا عنده تردد باتمام الزواج لأنه حقك ترتبطي بانسان يقدرك ويحبك وما يحسسك انه مجبور عليكي ويعاملك ببرود! |
اقتباس:
وآي بنت بتطفش آنآ آقول خلي التفآهم بين اهلك وآهله يآتتزوجون يآبلآآهآ من خطبه وآكيد بيسحب عليك دآم عندهـ 2 غيرك !! الله يعيين بس اذا انتو ماملكتو فكري آنك تتركينه بس اذا عآقدين صعبه شوي لآن فيهآ طلآق وهو مآبيضرهـ شي |
حبيبتي انسان زي هذا ما يخاف ربه ...
لساته خاطب و ما استحى على نفسه و دمه و قعد يكلم بنات طيب بكرة بعد ما تتزوجو و يدخل الروتين و الملل ايش بيسوي .. بيجيبهم البيت و يقول لك بنحل معادلات رياضية؟؟؟؟؟ ياقلبي خافي من اللي مايخاف ربه .... وحل من اثنين .. اما انه ينصلح و يستقيم و يبطل سوالف الهبل اللي يسويها و يصير رجال يكتب كتابه عليك و تكوني الوحيدة بحياته و يكمل دراسته و خلصنا ولا كل واحد بطريق ... ولا تاسفي على هذا الشخص برأيي ارسلي له ايميل مطول و اذكري فيه 1)حرمانية مايفعله مع البنات 2) عدم جواز حديثكم معا ... و اذا باقي عليك يتقدم و يتمم كل شي رسمي 3) استغفري الله و لا عاد تعملي اي شي من وراء اهلك فهذا يرخص من قدرك قدامه 4) لا تصدقي كلامه المعسول .. اما الزواج او الفسخ بلا مماطلة 5) قبل ما تقدمي على الزواج به ... تاكدي ان علاقاته الماسنجرية انتهت و انك الوحيدة بحياته ولا تخليه يستغفلك بقوله هذه سوالف فلسفة وما الى ذلك ... 6) اخيرا و قبل كل شي .. صلي الاستخارة صلي الاستخارة صلي الاستخارة .. و تدعي الله بقلب خاشع لو كان في زواجك من هذا الشخص خير لك ان يوفقكم و ان كان شر ان يبعدك عنه حبيبتي خلاص راح وقت التفكرير بالعاطفة .. من الحين فكري بعقلك فقط و خليي قلبك يجري بعد عقلك مو العكس |
| الساعة الآن 08:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©