أبي أتزوج <- عيب
 

السلام عليكم ورحمة الله وبركاته :d ..


أنا أدري كثير بيردون علي ويقنعوني انه توه بدري علي .. بس أنا عارفه نفسي .. وهي بالعقل مو بالعمر :d

بس أبيكم تسمعوني للآخر ..

دايـم نسمع أن الولد منهبل يبي يتزوج .. ويزعج أهله :d

والبنت تبي تتزوج بس ساكته .. ولايجيك بنات مسووويه سنعه .. عشان تنخطب:)

وانا مااعررف اسوي هالشششي أبد ..

أكيد عرفتوا وش ابي :25:

صراحه .. أبي أتزوج <- لويسمعني ابوي :23:

أنا توني صغيره تحت الـ 20 !!

بس مو يعني اني مااصلح للزواج :11:

وانا عارفه الكلام اللي يقولونه .. ان البنت تتخيل الزواااج شي حلوو .. وانه مسؤولية ..

عارفه كل هالاشياء .. وكثير بنات متزوجين اعرفهم .. فعارفه حياة البنت المتزوجه :29:

الحمدلله انا متفاهمه انا واهلي .. بس حتى لو مو كل شي .. مو كل شي زي الزوج :25:

وانا ابي بالحـلال .. يعني ماابي اروح اتعرف لي على واحد واكلمه ويكلمني وسوالف حب وخرابيط .. لاني مااعترف بهالشي ابد ..

ومااقدر اروح اقول لاهلي شوفوني عاقله .. ابي اتزوج بالحلال .. مابي اتعرف على واحد .. ابي تفهموني .. خاصة اني بنت .. يعني عييييييييييب :(

والله ادري خربطت كثير بالكلام .. بس ودي افضفض . . وودي اتزوج بس مدري وش اسوي ..

مابي اسوي شي حرام واكلم واحد ماعرفه ولايعرفني .. يلعب علي والعب عليه :25:

يعني باختصار ماقدراقول لاهلي ..

ولااقدر اروح اكلم خطابه ههههههههه مابي خطابه اصلا:d

ولااقدر اخطب لنفسي .. ولااشوف اخو صديقتي :14:


أبي حل اذا كان فيه حل .. واللي ماعنده حل يدعي لي اتزوج عاجلا غير اجل


اللهم ارزقني الزوج الصالح الذي يكون لي جنتي في دنياي واكون له جنته في دنياه
اللهم ارزقني الزوج الصالح الذي يكون لي جنتي في دنياي واكون له جنته في دنياه
اللهم ارزقني الزوج الصالح الذي يكون لي جنتي في دنياي واكون له جنته في دنياه

اللهم اغنني بحلالك عن حرامك
اللهم اغنني بحلالك عن حرامك
اللهم اغنني بحلالك عن حرامك

عطونا وجه انتظركم :d

بسم الله عليكي


اذا عاجبك اخو صاحبتك كلميها




والله انا منفتحه على الحياة ما عندي فرق بين انو الوحده هي تخطب لنفسها


ثم لا عيب في الحلال وان شاء الله نسمع قريبا انك انخطبتي

الحل انك تدعين الله بضراعة أنه يرزقك الزوج الصالح عاجلا غير آجلا

الله يصلحك

اسلوبك يموت ضحك والله

طيب انتي ست بيت شاطره ؟

ممتااااااااااااااااااازه يعني؟


وبعدين بدون ما تطلبين اهلك وتكلمينهم

لمحي لهم


كيف؟

اذا شفتي زواج في التلفزيون قولي آآآآآآآآآآآآآآه عقبالي

اذا جتكم دعوه قولي متى بس اشوف دعوة زواجي على خير


حطي على قناة مسايا في التلفزيون متخصصه تحضير زواجات .. قولي اتعلم عشان زواجي



ادخلي المطبخ واطبخي واغسلي وبدعي في البيت قولي عشان لا يجي ولد الحلال الا وانا جاهزه من مجاميعه


وادعي ربك في سجودك دايم اللهم اتني في الدنيا حسنه وفي الاخرة حسنه وقني عذاب النار

الله يرزقك بالزوج الصالح عاجلا غير اجل يارب
اسمحيلي اقلك بس لاتخلي الزواج اكبر اهتمامك حاولي تشغلي نفسك بأي شئ اخر غيره الا ان يأتي نصيبك خاصه انك مازلتي صغيرة اشغلي نفسك بالدراسه والعلم الدورات ثقفي نفسك واستعدي لتصبحي زوجه ناجحه بمعنى الكلمه
الزواج ليس حب وجنس وفرح فقط الزواج مسؤوليه عظيمه جدا تليها مسؤلية الاولاد اعظم واعظم

عموما حبيبتي ادعي ربي هو خير معين وهو الوحيد الي ممكن تقولي له عن هذا الموضوع انا شخصيا احب البنت الخجوله لانه كما ذكرتي عيب البنت تقول ابغى اتزوج جمال البنت في حياءها

الله يسعدك ويوفقك ويزوجك يارب

ههههههههه المشكله صديقاتي من حظي مالهم اخوان كبار .. او اخوانهم متزوجين ومخلصين ..

آميييييييييييين ياارب الله يسمع منك .. اول وحدده بالمنتدى ببشرها انتي ..تسمعيني الززغروطه

انا واثقه بررربي .. ومارح أمل .. كل يوم بدعي .. وانتوا ادعوووا لي :)

اهم شي وسعت مدري وسعتي صدرك على موضوعي :) عساها دوم الضحكه

الحمدلله انا اشوف نفسي ست بيت هههههه احسن من غيري :)

ومن نااحية التلمييح ..انا وحده اموووووووووت من الحيااا .. واللي مقطع قلبي اهلي ماغر يفتحون سالفة الزواج وينكتون علي وانا من الحيا اذا افتحوا الموضوع اقول لالا بجلس عندكم ههههههههه :) <-- مسكينه

اهلي المشكله يلمحون وانا ماشفت عرساان .. :(

عندكم ؟ :)

والله انا عارفه انه مسؤوليه وحوسه .. بس متزوجه متزوجه الله لايعوق بشر .. ومادام انا ابي من الحين .. وش حادني مو ناقصني شي .. انتظـر فاارس الأحلام بس :)

وجالسه اسوي كل شي واقرا كل شي .. على بال مايطق باب بيتنا فارس احلامي p: