|
اختي تكره زوجها
بسم الله الرحمن الرحيم السلام عليكم ورحمه الله وبركاته حبيت اقولكم مشكله اختي متزوجها لها خمسه شهور طبعا تم الزواج بسرعه يعنى خطبه و زواج في شهر بدون شوفه شرعيه هم ناس محترمين والزوج خلوق يعنى صاحب دين واخلاق ويخاف الله المشكله في اختي في ليله زواجها كنا فرحانين ومبسوطين ولما جاء العريس ودخل على اساس يصور ويجون اهله يهنونه ويباركوله وبعدين يأخذ عروسته الا وتصير المصيبه اللى ماكنا متوقعينها طبعأ اختي اول مره تشوفه فلما شافته عصبت وبكت وقالت طلقني وهو انصدم ماتكلم وجاءت امي وامه على اساس يهدون في اختي شوي ويحاولون فيها انها تروح معه وخلاص هذا زوجك الصراحه انا شفته مش وسيم بس ملامحه عاديه في الاخير راحت والنفسيه زفت وحالتها حاله وكل يوم يومين ادق علينا تقول تعالوا اخذوني انا مابيه واستمر الحال يمكن اسبوعين واحنا نحاول فيه وتقول لها توك راح تتعودين في النهايه وتحبينه وترتاحيله المهم لاحد الان وهي تكره ماتحبه مع انه طيب وحنون وكريم لابعد حد ومايقصر عليها بشى بس وكل نهايه اسبوع يجيبها عندنا هي ماتنكر طيبته معها بس تقول ياناس افهموني مااحبه اكره واكره بيتي وما اشتاقله احيانآ تشكيلي وتبكي عندي انا انصحها وما ايدها على كذا بس والله رحمتها مدري وش اسوي معها ابي اختي تعيش مبسوطه وكل اللى صار سبب عادات وتقاليد ملها داعي وفي نفس الوقت مابيها ترجع مطلقه لان الرجال شريها ويحبها ومتحمل وساكت بس هي ماقالت له انها تكره او مش طايقته تقول شعوري اتجاهك عادي ردكم يسعدني ومشكورين
|
لا يكون تبي ------- على غفله !!
قولي لها الراسي يقول يا ------ تعالي ادخلي المنتدى وشوفي مشاكل المتزوجات هنا وراح تقتنعين وتعرفين انك في نعمه ما يعلم فيها الا فاطر السماوات والارض .. انا ما اختلف ان زواجها ما كان مرتب له , لكن خلاص الرجال مو مقصر معها في شي , والله الجمال جمال الروح مو جمال الشكل , لكن اختك ما راح تقتنع لين يتزوجها واحد يكرهها في حياتي ويعيفها نفسها , ساعتها والله ان تتذكر ايام الهنا اللي عاشتها مع هالرجال الطيب .. عموماً مالها الا الدعاء , الله يهديها ويسخرها لزوجها .. اعذريني على اسلوبي وطريقتي .. |
السلام عليكم والله يا اختي ما ادري ايش اقول اضحك ولا ابكي ، المشكله هذه العادات القديمه يعني شلون البنت ما تشوف الرجال ولا الرجال يشوف البنت شلوووووووووووووون !!!!!:29: والله مشكله ، يعني البنت تشوف الرحال وتقعد معاه وتتحدث معاه كم شهر قبل الزواج وبالاخير تيجي البنت يوم الزواج مرعوبه من الخوف من زوجها ومن هذي الليله شلوووووووووووووووون عاد اذا ما شافته وتفاجاة بشكله الرجال وبكل شيء اول ليلة !!!!!!!:24: يعني ما عندي شيء اقوله الا ان هذه البنت معذوره والله ما اقدر احط اللوم عليها واللي صار وردة فعل هالبنيه طبيعي جدا جدا وفغي النهاية اقول بما انكم تمدحون هالرجال خلوق ومحترم وطيب وووووو الخ هالبنيه ما الها غير تصبر حتى تتعود عليه ولها الاجر عند الله..... اخوكم "شمعه تحترق" سابقا |
اختي احساس طبيعي قولي لها
جدا طبيعي ، أنا مع إني شفته و عرفته أيام الملكة ، بس مع الربكة و مع القلق و الخوف من أول أسبوع ، أبغى أتطلق شئ طبيعي لسى ما تعودت عليه ، و هذه نتيجة العادات اللي تخالف الشرع و اللي ما وراها غير المصايب |
أخوي الراسي
تخيل بنت طول عمرها عايشة في بيت أهلها و ما عمرها جلست مع رجال و لا شافت رجال و لا كلمت رجال و بين يوم و ليلة ، يقولولها يالله هذا زوجك و عيشي معاه ، تراها صعبة على البنت أنا أخذت شهووووووور في فترة الملكة عشان بس أتعود على زوجي من جد ماحد يلومها ، خليها تقرى الردود يمكن تقتنع و خلي زوجها يعطيها فرصة ، ماله ذنب المسكين و مالها ذنب ، الغلط غلطة العادات و التقاليد |
يا روح الطير الله يسعدك أنا ما اختلف على اللي تقولينه , هم صحيح وقعوا ضحية العادات والتقاليد الفاشله التي ما أنزل الله بها من سلطان ..
لكن ما دامهم مجبورين على هذا الكلام , لا ينكدون على انفسهم ويتعبون انفسهم .. يعني لو الرجال معها مو كويس ومو محترم كان وقفت معها لكن دامه طيب وابن حلال وش باقي تبي ؟؟؟؟؟ طيب اذا عندها حل , تطرحه لنا هنا !! مع اني اجزم بأن الحل الوحيد هو ان تقتنع بما لديها وتبتعد عن الافكار اللي تضرها ولا تنفعها .. |
بالعكس كلام جميل ومقنع ومشكور اخوي الراسي
|
هو الحل الوحيد إنها تقتنع به صح و أتفق معاك ، بس أقصد إنه احساس طبيعي اللي هي تحس به ، ما نقدر نلومها
بس الإقناع كيف يكون إذا هي ما تقدر تقتنع و نحن نعرف بإنه الأرواح جنود مجندة و الشوفة الشرعية ربي ما فرضها إلا لحكمة يعني زميلتي تطلقت من زوجها و ما يعيبه شئ و لا هي ، بس سبحان الله تقول أرواحنا ما اتفقت أنا ضد الإنفصال أكيييييييييييييييد ، بس أقصد : 1 - احساس طبيعي اللي هي تشعر به 2 - مع الوقت هي راح تنجذب له ، مع الوقت هي راح تحس نفسها غريبة في بيت أهلها ، مع الوقت راح تفتقد لوجوده خاصة إنه شخص طيب و كريم و حنون ، مع الوقت راح تشعر بالفرق بداخلها بس نجي نقول لها ، هذا زوجك ترضي به غصب عنك ، فما راح تقتنع به أختي ، أعطوها فرصة ، خليها تعبر عن مشاعرها ، و قولي لها أصعب سنة هي السنة الأولى من الزواج و يوم تجي عندكم في البيت ( خاصة الفترة هذه ) ، لا تحسسوها إنها عايشة في الجنة في بيت أهلك خليها تحس إنه مالها غير زوجها ، لإنها لو حست إنها في بيت أهلها بتكون مرتاحة ، فراح تسعى للطلاق لا سمح الله و لا تحمل من دحين لحد ما تستقر نفسيتها |
بصى اتكلمى معاها بهدؤ وكلمى والدتك بالموضوع ولو ما هديت شويه ..... قولوا لها كلمه ممكن تكون قاسيه بس ساعات القساوه بتبقى هى الحل....
لو ما اقتنعت انتى وامك قولوا لها خلاص عاوزه تطلقى اوكى واقنعوها انها هتتطلق فعلا بس ما هتاخد شىء خالص لانها هى اللى طالبه الطلاق والراجل ما غلط فيها وتقولوا لها ما فيه لاخروج ولا دخول هترجعى البيت تانى لحد ما ابوكى يلاقى لك عريس تانى يمكن متزوج او كبير ( للتخويف بس ) انتى هتبقى مطلقه يعنى ما يجيلكيش الا دول ( استعملى المنظور المتخلف للمطلقه فى الوطن العربى المره دى لمصلحتها يعنى) وبرضه ما عندنا شوفه يعنى هتشوفيه يوم الفرح وبس برضه. وقولوا لها هتتركوها اسبوع تفكر وترد عليكم فى الفتره دى لو جت عندكم البيت اهملوها شويه ولو كلمتك قولى لها مشغوله مع بيتى وعيالى ، معلش جمدوا قلبكم عليها هى مسكينه بس برضه لازم تفهم بالشده شويه صدقينى ساعات الواحد بيتمنى شىء ولما يقرب يحصل يترعب منه معلش والله قلبى واجعنى وانا بقولك كده بس حكم المشكله من وجهة نظرى ده حله ربنا يهديها والله لو اتجوزت حسين فهمى فى زمانه بعد سنه هيبقى زيه زى اسماعيل ياسين .......عااااااااااااااااااادى |
ماسمعتو عن حديث انو الارواح تتلاقا او تتنافر ؟وانها جنود مجندة
بلكي تكون ارواحهم تنافرت صراحة معاها حق واحد تشوفو اول مرة وفجاة !!! مش عارفة شو اقلك تستغفر الله كتير وان شاءالله يفرجها يارب |
| الساعة الآن 05:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©