افكاركم في تعطير المنزل
 

السلام عليكم ورحمة الله وبركاته
بليييييييييييييييييييز ساعدوني انا زوجي مسافر وبيرجع يوم الثلاثاء الجاي وابغاه لمن يدخل يشتم رائحة المنزل وتكون حلوه ابغاكم تعطوني طرق تخليه وده مايطلع من البيت من كثر ماجالس يشتم بالضافه الى غرفة النوم ابغاها تكون عطرة جدا خصوصا ان غرفتي النوم مافيها نافذه للتهويه ابغاه لمن يدخل يقول هذي مو شقتي بليييييييييييز.

ليش شفيها شقتك يا سيما ؟ هل تعانين من رائحة سجائر زوجك مثلا ؟

افتحي النوافذ بالشقة وخليها تتهوى كل هالاسبوع الجو الآن حلو


وقبل لا يجي اشتري مخلط أو مرشوش الخاص بالفرش وبعد ما تغسلي الفرش وتهويه عطريه وشبي دخون

مشكورة اخت بكر الشايب بس زوجي مايدخن ولا يستعمل اشياء ثانيه بس اللي بغيته ان تكون ريحة الشقة وكانها زجاجة عطر وانتي عايشة جواها وبعدين انا شقتي كلها سراميك

شوفي ياقمر مالك الا كلام بكورررة الله يجزاها الخير
فكفكي شبابيك البيت كله و الله يعينك على البرد
بس لمدة 3 و لا4 ساعات بعدين سكري الشبابيك و ترشي العطر و تبخري البيت

ولا تطبخي :)

وكرري هذا الشي يوميا لين يوم الثلاثاء .. بيصير البيت فرش و ريحته رووعة

الله يخليه لك ويبارك لكم في بعض

عطري المفارش وبخريهم وحطي في البيت مشموم و عطر الي تحته شمعه ريحته تمسك في البيت اكثر من البخور

يرجع بالسلامة ان شاء الله
اهم شي في ريحة البيت ان الهوا يتحرك فيه فافتحي الشبابيك وخلي الشمس تدخل وتقتل المايكروبات وبعدها احرصي على نظافة البيت من الغبار او الاشياء الصغيرة اللي تكون في الموكيت واستخدم منظفات يعني مثلا انا احب اشم ريحة الديتول لانه دليل على النظافة ..
تعطير المنزل عندك اكثر من حل مثل البخور الطيب ، فواحة ، عطر يكون مرشوش على الاثاث .

انا مره صار معاي موقف .. الغرفة حقتي سيراميك وبالغلط طاح عطري المفضل وانكسر وبعد ما شلت القزاز الريحة جلست اكثر من اسبوع ..

بخري البيت بخور فاخر
وإن شاء الله بيعجبه

مشكورين والله يعطيكم العافية

اخذي فواحات واخذي لها عطور فواحه ومركزه وخليها شغاله على طول بالبيت غرفتك عطري المفرش والستاره وبخريها بخور اسمه المسني يطول ويمسك بالمفروشات00 وسلامتك000