|
زوجي مريض نفسي هل أتركه ؟
ماابي منكم شي والله بس ابي مشورتكم علشان بنتي
ياناس و الله قصتي طويلة ومعقدة وما لقيت لها حل واتمنى اني القى الحل عندكم باذن الله انا تزوجت وعمري 18 سنة تزو جت من واحد يكبرني ب15 سنة سئلنا عنه وعن اخلاقه وكان انسان طيب والحمد لله تزوجت وسكنت عند اهله وكانت امه الله يعافيها مريضة عقليا ما لقيت بال لها الموضوع بس لاحظت بعدين ان واحد من اخوانه ايضا مريض وايضا له بنت اخت ايضا مريضة وكانت ما همني كل هذا واحتسبت اني عايشة معهم المهم ان بعد سنة من زواجي حملت ورزقني الله باحلى بنت والحمد لله بعد فترة صرت الاحظ على زو جي انه ياكل حبوب ما ادري وش هذي الحبوب مع العلم اني كنت اشوفه من زمان ياكلها وكل ماسئلته قالي حبوب ضغط وكنت اصدق لان هو كان عنده ضغط غير كذا الاحظ عليه بعدان كل شهر اوشهرين تجيه حاله وهي انه ينام يومين او ثلاثة ايام ورا بعض وكنت افكر انو ارهاق او تعب بس لما صارت الشغلة تطور يعني تجيه هذي الحالة كل شهر كل اسبوعين ما عاد سكت وقلت لازم اعرف وش يصير صرت ادور بين اغراضه الين لقيت حبوب ولما سئلت عن هذي الحبوب صارت حبوب ضد الاكتئاب يعني انه مريض نفسي وانا ما ادري سكتت فترة الين قلتله وقالي اني انا مريض نفسي صار بينا نقاش طويل انه كذب علي و؟و..و المهم انه قدر علي وشكتني لكن اللي تطور الحين ان من فترة 9 شهور صرت الاحظ عليه اشيا ء غريبة كاءن يقولي ان في ناس تلاحقني وانا الجار فلان يبيلي الشر وان هذا الرجال شفته با لدوام وشفته بالسوق وان السيارات اللي با الشارع يلحقوني متفقين علي واشياء ما اتتصدق وان في كاميرات بالبيت تراقبنا انا ما تقبلت الوضع وصرت اسئل الدكاترة النفسية عن الحالة وقالولي ان زوجك مصاب بانفصام الشخصية الشيزوفرينا وانا ما ادري وش اسوي الحين اتركه اكمل معه بنتي وش اسوي فيها انا ضايعة مع العلم انه ترك منفترة قريبة شغله لان حالته كل مالها تزداد تكفووووووووووووووووووووووووون ساعدوني انصحوني وش اسوي و الله ثم و الله اكتب ها الرسالة وانا دموعي ملتني تكفون يا اهل الخير عذراً أختي تم تعديل العنوان ليتضح المضمون/الاشراف |
والله مادري شنو الحل
بس الله يجعل لكي مخرج ان شاء الله |
بسم الله عليها ابنتك
ارقيها حبيبتي |
هو إنفصام الشخصية صحيح. هو مرض وراثي. لذلك إنتبهي لبنتك
|
شوفي حبيبتي ترا الفصام ممكن تتحسن حالته وممكن تستقر كمان لكن حسب حالته
والحمدالله أنه مو مصحوبة بتخلف عقلي كل اللي عنده مجرد ضلالات وتخيلات ممكن تسيطر عليها العلاجات خاصة أنه في بداية المرض لذا يجب عدم إهماله حتى لا تتطور حالته لازم يراجع طبيب نفسي لكن المشكلة في هذا النوع من المرض أن المريض لا يعترف بأنه مصاب بالمرض النفسي لأنه نوع من الذهان وعادة لايكون لدى المريض أستبصار بمرضة عكس الأمراض النفسية الأخرى مثل القلق والإكتئاب والوسواس يكون المريض مستبصر بمرضة ومعترف به لذالك يجب التأكد من ذهابه للطبيب واستخدامه للأدوية والله يشفيه ويعافيه ويفرج همك |
ما ذكرتيه يا اختي هو مرض الفاصام .. زوجك محتاج الي علاج ضروري .. اعملي بحث على قوقل عن مرض الفصام عشان تعرفي من ماذا يعاني زوجك بالضبط .. مثل ما عرفتي تتصلي على الاطباء اذا يجب عليك ان تقنعيه ان يذهب للعلاج .. الله يعينك اختي و يشافي زوجك .. همسه : ديري بالك الا تحملي يا اختي هذه الفتره حتى تستقر امور حياتكم .. |
تركك لزوجك سيزيد الحاله سوء انصحيه بالقرأن والمحافظه على الصلاة في المسجد .. الحمدلله حبوب إكتئاب أفضل من المخدرات والهلوسه الله يشفيه يارب |
الله يشفية ويعافية ويرفع عنه
|
الصراحه مو عارفه شو بدي اقولك
بس الله يشفيه ويحفظلك بنتك |
طيب حبيبتي هل هو ترك الأدوية اللي تقولين عنها ؟
هل يراجع عند معالج نفسي ؟ إذا كان لأ فأقنعيه بالجلسات النفسية ... كثير تعافوا منها إذا يتعالج .. كيف فجأة بدت تظهر الأعراض ،،، تركك له أكبر خطأ يمكن تتفاقم مشكلته ... أنت كوني معاهـ الفترات الجاية لأنه محتاجلك .. وأحتبسي الأجر عند الله الله يفرجها عليكم ويشفي زوجك في القريب العاجل |
| الساعة الآن 03:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©