|
خاطب وخطيبتي تحبني و احبها بس ما في ايدينا شي
بسم الله الرحمن الرحيم السلام عليكم ورحمة الله وبركاته أخواني أخواتي بصراحه حبيت اشارك معاكم عشان تقدمو لي النصيحه والاستشاره لأن من خلال تصفحي للموقع لقيت انه فعلا راح القى حل بأذن الله لمشكلتي أنا أحب بنت عمتي وهي تحبني ونموت في بعض لحد الجنون ولنا تقريبا سبع سنوات وأهلي عارفين واهلها بعد يعرفون هالشي تقدمت لها وخطبتها من ابوها ثلاث مرات وكل مره يقول انا علي يمين ما اقول موافق او لا إلا بعد ماتخلص دراستها لأن في ناس كثير خطبوها والبنت ماتبغا غيري وانا ما ابغا غيرها وحتا اهلها واخوانها يعرفون بالشي هذا وكل اقاربنا واهلي ومع الايام صار بيننا هدايا ومراسله عبر الجوال ومكالمات جلسنا تقريبا سنه او اكثر والكل عرف اني اكلمها وتكلمني اهلي واقاربها اخواتها وواحد من اخوانها وعادي الوضع ومافي مشاكل وبعد فتره امها عرفت وعرف اخوها الثاني اللي هو اعز اصدقائي شافو جوالها وعرفو وسارت مشكله بين عمتي والبنت واخوها وانا وقالو انه غلط ومايصير وممكن نغلط ع بعض وتسير بيننا مشاكل بسبب المكالمات واني ممكن اشك فيها بعدين انها تكلم احد غيري وانا والله ماقد حسيت بالشي هذا ولا فكرت فيه لأنها تحبني وأحبها واستحاله نشك في بعض مهما صار وادري انها ماتكلمني إلا لأنها فعلا محتاجه لي وانا بعد فعلا محتاج لها وخلاص صبرنا لحد ما عادي يفيد الصبر وصرنا نكلم بعض تفهمت انا وخطيبتي الوضع وقلنا خلاص بنبعد عن بعض ولا بنكلم بعض وبنحاول نصبر ونتحمل وجلسنا شهرين وعمتي زعلانه علي واخوها اللي هو اعز الناس عندي تزاعل معي وبعدها عمتي كلمتني وتراضينا ولا كأنه صار شي واخوها بعد قال انه هذا الشي عشان انهم يخافون علينا وكذا ورجعت الامور تمام والبنت كانت تراسلني من جوال اختها كل فتره وفتره والاوضاع تمام ولحد الصيف اللي فات ورجعت اراسلها على جوالها وتراسلني ونكلم بعض والامور ماشيه تمام ورحت وخطبتها من ابوها مره رابعه وقال نفس الشي انا علي يمين ان ما اقول شي الا بعد ماتكمل دراستها حاولنا فيه ولا نفع وفي ناس كثير يجو يخطبوها ويقول نفس الكلام واحترت انا وخطيبتي وش راح يكون موقفنا وكيف وضعنا حسينا انا ضايعين والبنت واهلها واخوانها مايبغون احد غيري وانا بعد ماابغى احد غيرها وقلنا خلاص انا بنبعد عن بعض ونبطل مكالمات وبس يصير نرسل لبعض ونطمن على بعض والكل عارف انا نراسل بعض وانا ماقلت لأحد من اهلي ولا اصحابي اني اراسلها بس هي الله يهديها قالت لكل الناس ولصاحباتها وصارو يدرون واخوها الكبير عارف انا نراسل بعض ويقول من حقكم لأن منجد تعبنا وطفشنا وودنا نملك اقل شي او ابوها يقول موافق مع انه يلمح انه موافق بس ماقالها صريحه وقبل كم يوم رجعت من المدرسه وراسلتلي وانا ارسلتلها وبالغلط ارسلت رساله بالغلط لأخوها ومكتوب فيها انا احبك وبأسمها مكتوب لجوال اخوها اللي هو اعز اصدقائي لأن جوالي باللمس وطاح علي وانرسلت الرساله بالغلط بدون ما اقصد وارجعت ارسلت له انها مقلب ومزحه وحبيت اسوي فيك مقلب واشوف ردة فعلك وارسلت لخطيبتي ان صار كذا وكذا وامسحي اللي بجوالك ولا ترسلي لي الابعد ماتنتهي السالفه وتعدي على خير والحمدلله مشت السالفه وعدت على خير مع اني متأكد ان اخوها عارف اني اراسلها ومايبغا يبين لنا انه عارف وارسلتلي خطيبتي ليش تسوي كذا وانت ماتهتم فيني ولا كان ما ارسلت بالغلط ولا تخاف علي وانت وانت وكلام كذا يجرح الصدق طبعا هذا كله واخوها ماسوى شي ولا حتا كلمها بالموضوع وهو فاهم الموضوع على انه مزحه ومقلب فما ادري وش اسوي اعتذرت وتأسفت ولاكن هي باقي معانده ما ادري ليش وقالت كلام قوووووي مرررررره وسكت ومشيت الوضع وقالت خلاص ابعد عني وانساني وكلام كذا وانا متأكد انها تحبني بس ما ادري كلامها غريب انا عمري 23 وهي عمرها 19 سنه ابغا اشوف وش اسوي بموضوعي هذا ومع عمي مع اني راح استنا السنه هذي وبعدها اتقدم لها مره خامسه بس احس اني بين نارين لا انا ولا هي ونبغا نتواصل مع بعض وخايفين يصيرمشكله بسبب هالشي واكثر الناس اللي يعرفون اللي بيننا يقولو عادي كلمو بعض وراسلو بعض وانا جالس اضبط الشقه حقتنا وكيف نبغاها تكون وكيف نبغا نعبش مع بعض ونخطط لمستقبلنا... وموضوع الرساله اللي ارسلتها هل من حقها تزعل كذا وتكابر وتقول كلام يجرح ويعذب هي شايفه نفسها انها هي الوحيده اللي تضحي وني معذبها كثير بالاشياء اللي صارت بس انا والله ماقد سويت شي ولا حاولت اني اجرحها ولو مره وواقف معاها وحاس فيها وانا اللي شلت مشاكلها الاولى مع اهلها على راسي ولا قلت لها اني سويت شي عشان ماتحس ان لي فضل عليها وهي الله يهديها دايما تقول انها هي اللي شايله العذاب لوحدها وانا ما ادري عنها مع اني والله اخاف عليها من النسمه ولو يصير لها شي اني مستعد اضحي بعمري عشانها.... وقلت لها اني خفت عليها اكثر من نفسها وهذا صدق والله بس موراضيه تحس بالشي هذا ولا تقدره آسف على الاطاله بس عشان تكونو فاهمين الموضوع زين وياليت تقولولي يالبنات عادي ردت فعلها كذا ولا زودتها والله انا ضايعين وما ندري وش نسوي |
طيب اما يصوم ثلاث ايام تكفير يمين
او ابحثو عند السيخ عن كفارة اليمين وتزوجو للحقيقه موقف الاب كتير سلبي الله يفرج همكم |
قالو له الناس كلهم وحتى اولاده فهموه ولا راضي يقتنع يقول كيف اغير كلمتي قدام الناس وهو بعد متندم ع الشي هذا وأولاده قالولي بس ماندري وش نسوي وكيف نفهمه الله يسعدك يارب ع الدعوه الحلوه هذي الله يفرج لك همومك ويسعدك |
أخي العزيز اسأل الله انه يفرج همك لكن احب ان انبه على اشياء ذكرتها بارك الله فيك اولا : الي تسويه حرام بلا شك ثانيا : ترى هي ماهي خطيبتك هي حبيبتك ولو كانت خطيبتك مايجوز انك تكلمها الا بضوابط ذكرها اهل العلم . والله عز وجل يقول : { وَمَن يَتَّقِ اللَّهَ يَجْعَل لَّهُ مِنْ أَمْرِهِ يُسْراً } ويقول : { وَمَنْ يَتَّقِ اللَّهَ يَجْعَلْ لَهُ مَخْرَجاً (2) وَيَرْزُقْهُ مِنْ حَيْثُ لا يَحْتَسِبُ } فإنت عليك بأمرين : 1 ــ تتقي الله عز وجل في البنت ولا تكلمها 2 ــ الدعاء في اخر الليل وفي السجود وفي مواطن الاجابة ولعلك لما سلكت الطريق الغير شرعي عاقبك الله بعدم التوفيق ومن نعم الله على عبده ان ييسر له فعل الطاعات اجتناب المحرمات ومن عقاب الله الا ييسر لعبده فعل الطاعات ولا اجتناب المحرمات فاتق الله الذي يقول: {إِنَّمَا أَمْرُهُ إِذَا أَرَادَ شَيْئاً أَنْ يَقُولَ لَهُ كُنْ فَيَكُونُ} وهذا الامر بيدي الله فاطلبه من الله عز وجل ثم اقدم على ابوها ووالله بالتجربه ( ان الانسان اذا عصى الله فإنه عز وجل يحرمه في الدنيا مما يحب ) والامر بيدي الله من قبل ومن بعد والأب انما يسير بأوامر الله الكونيه ترجوا النجاة ولم تسلك مسالكها .......... ان السفينة لا تجري على اليبس ختاما : تقبل كلام اخوك الناصح لله عز وجل وانا لا اعرفك ولا تعرفني لكن جمعنا الاسلام الذي من اجله نتناصح اسال الله ان ييسر امرك في اقرب وقت اللهم يسر لعبدك الخير وابعده عن الشر اخوك |
حبيت ادعيلكم ربي يوفقكم ويهونها عليكم والله بمجرد تتزوجو راح تنسو كل شيء وتضحكو كمان
|
اقتباس:
الله يسعدك ياشيخ وربي انك صحيت فيني اشياء كثيره كنت غافل عنها وكلامك سليم كله وراح ان شاء الله اخذ فيه واعمل فيه يارب تصبرنا والله في اشياء كثير ربي يسرها لنا إلا الحاجه هذي والمكالمات والرسائل ماوفقنا فيها ربي يهدي أبوها ويوافق ونملك ونخلص من هذا العذاب ان شاء الله ربي يقدرني وافهمها هالموضوع وتفهمه زي مافهمته وتعرف هالشي مشكوووور اخوووووي |
اقتباس:
مشكور ياخوي وبأذن الله ربي يهونها الله يسعدك |
مدري كيف اهلها يدرون وساكتين؟
ترى غلط مهما كنتوا متفاهمين غلط تكلمها غلططططططططططط انتو لا تحلون لبعض لسا و المكالمات والحب قبل الزواج ( زي حالتكم ) لا تمنع وقوع المشاكل ابدا وهذا انت شايف انا اقول كذا لأن هذا عذر الاغلبيه انه عشان نفهم بعض وطالما انكم تحبون بعض كان يكفي ان الحريم ينشرون بين الناس انكم محجوزين لبعض علشان لا احد يجي يفكر فيها ويخطبها وانت ترتاح صراحه حركة انك ترسل لها من الحين كلمة احبك يافلانه بدون اي كتاب شرعي انها جرأه غير طبيعيه ... مدري كيف تسويها وهي تتقبلها؟؟؟؟؟؟؟( لو اختي والا بنتي كنت ذبحتها) لا وراحت الرساله غلط لأخوها وعديت منها هالمره المره الجايه محد بيصدقك ليه تحشر نفسك في مواقف باااااااااااااااااايخـــــــــــــــــــــــــــــ ــه؟ وانت احوج للصوره الحلوه من غيرك ع الاقل قدام ربك ثم نفسك واهلك واهلها ؟ وحركة انها زعلانه منك مدري اصلا التواصل بالجوال فقط ممكن يسبب سوء فهم فمابالك لما يكون بالحرام؟؟؟؟؟؟؟؟؟؟؟؟؟ اكيد ربي ما بيوفق واقلها ينكد عليكم بسوء الفهم هذا انا اقول أجل المكالمات والحب وكلمات العشق لبعدين خل لها طعم ترى كثرة استخدامها تفقدها معناها وروح انشغل بشغلك وترتيب امورك وخلها تروح تتعلم لها كم طبخه وتتعلم امور الحياه الحقيقيه ومن الان اثبتوا جدارتكم بحضور دورات التدريب الاسريه بدل ما تشغلون نفسكم بالمكالمات ومدري ايه معليه يمكن كلامي مايعجبك بس على طول تخيلت اختي والا بنتي ماتحملت الله يجمع بينكم بحلاله ويبعد عنا وعنكم الحرام |
الله يزوجك هيا قول امين
ياخي احياناً الاباء يجونك عبطاء .. و الضحايا بناتهم ,, الحين دام الكل عارف انكم تحبون بعض .. ليش ما يسعون للتوفيق بينكم بدل هالعوائق و الحواجز ما اقول الا ( الله يوفقك ) |
أذا كنت تبغى الله يوفقكم ويجمعكم تحت سقف واحد ويسعدكم مع بعض أبتعدوا عما يغضبه
وتقرب أليه وأكثر من الدعاء والأستغفار وبأذن الله تنحل كل المشاكل والعقبات الي في طريقكم ومن يتق الله يجعل له مخرجا والله الموفق |
| الساعة الآن 02:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©