|
أهل زوجي احترت في التعامل معهم ؟
السلام عليكم ورحمة الله وبركاته........ أحب ان اخذ رايكم كيف اتعامل مع اهل زوجي...... في البداية اناتزوجت من ولد عمي طبعا لما تقدم كان مرفوض من جهة ولدتي واصريت انا على الارتباط وطبعا وافقوا اهلي في البدايه امه ليس هي التي خطبتني لولدها بل اخته الكبرى وسمعنا ان امه لاتريدني وسارت الامور على خير وتزوجنا وبداو هم بزيارتي وبدات ازورهم وحملت وبداية حملى بشرتهم بحملى وكنت اعتبرهم كأهل لي وكنت صريحة جدا معهم بس كنت الاحظ عليهم يغبون علي مثلا لما حملت بنتهم سالتها شكلك تعبانه انت حامل قالت لا وبالصدفة حضرت عندهم مناسبة وسعمت الحريم يتكلمون عن حملها وسكت ولما دخلت الخامس قالت لاأخوها علم زوجتك اني حامل بصراحة انا زعلت ليش تغبي علي مابركتلها وسويت نفسي ماني داريه وبعض الحيان يسافرون ماتقولي على اني اذا سافرت اكلم واقنعها انها تروح معنا واودعهاوايضا بس كنت الاحظ ان اهله لاينادوني الا اذا كان عندهم مناسبه فقررت انه كل شهرين ازورهم انا فغلبا عند زيارتهم خواته لايقابلوني الااخته الكبيرة وهي متزوجة فكنت الاحظ على امه التضايق مثلا تقول لبنتها اذهبوا لنوم وتصرخ عليهم على انه اجازة ويسهرون فصرت ماروح لهم الافي الاعياد او اذا صار عندهم مناسبة ونادوني فصرت انحرج من عمي ابو زوجي يقول لي انت ماتزورينا ماادري وش اقول له فصرت اقول مااحب اطلع كثير مع اني اناديهم في بيتي واستقبلهم واذا زارني احد القريبات اتصل على امه واخته واعزمهم وامه حتى اذا زاروها خواتها ولااحد من اهلها ماتنديني واذكر من يوم اخذت زوجي مانادتني الا مرة كانت العزيمة كبيرة وحتى يوم تكلمني عزيمتها بارده تقول اذا ودك تجين تعالي وذهبت علشان زوجي مايزعل فصرت رسميه معهم وبكرة عندهم مناسبة مختصرة وزجي مسافر وامه دقت على وزي العاده اذا ودك تجين تعالي انا محتارة كيف اتعامل معهم اروح ولا ماروح اخف اروح والقى انهم متضايقين ويتكدر خاطري ساعدوني الله يخليكم مع العلم ان امه ليست سيئة معي لاتتدخل في حياتي وانا غير متضايقة الا من بعض تصرفاتهم معي لان اقارن تعامل خواتي من اهل ازواجهم انهم مثلا مقررين كل يوم الاربعاء جمعتهم عند اهل ازواجهم الا انا |
وعليكم السلام ورحمة الله وبركاته يا فضه
يا حبيبتي لا ارى مشاكل بين اهل زوجك وبينك اهم شي ان تكفي عن مقارنة وضعك معهم بوضع اخواتك مع بيوت اهل ازواجهن ليست كل العوائل متشابهه .. ولا كلها متقاربه اهم شي .. بيتك وزوجك واطفالك حياتك مستقرة ولله الحمد قومي بواجباتك وحثي زوجك على وصلهم وبس دائما حطي في بالك انه زيارتك بالكثير ساعتين وتنتهي كوني فيها بشوشه وصبوره وطنشي كثر ما تقدري ولجل خاطر عين زوجك .. تكرم مدينه :) الله يهنيك |
أهم شي زوجك وحاولي تكسبين أهلة وأمه بالكلام الحلو وقدمي لها هديه ودائما قولي لها أمي
تمدح فيك وتحبك والله يوفقك |
وش حدك على ناس ما يحبونك تروحين ترتبطين فيهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللي يبي الدح على قوله ابو حسين المعدد لا يقول اح خلاص مالك الا تدعين في كل وقت انه الله يلين قلوبهم وانتي خليكي رسميه وما تغلطين على حد وحركاتهم اشوفها صبيانيه ولا تعدو كونها غيظ حريم كبري راسك وطنشي بس من جد ليش تاخذين ولدهم وهم مايحبونك؟ كيف قبل مخك هالخطوه؟ من جد غريبه سامحيني بس مخي وقف من هالحركه |
مشكلتي أصدق أخذته لانه هو حاول مع اهلي امكن 6مرات يخطب ويردونه لانه كان يحبني وانا كنت مرتاحة له كثير قلت اهله امكن مع المعامله الحسنه يحبوني مع اني مو مدح لنفسي الحمدلله احاول اني مااحقد ولا اكرهم بحاول والله يقدرني على صلة الرحم والمحبه إن شاءالله
|
:بغ :حل مشكلتك اولا قول الام عند العزيمة ان بغيت تجين ولابكيفك عادي من احترامها وتقديرها لك تقولك بهطرقة هو اسلوب مهوب زين بس علشانك زوجة ولدهم بتوضح انة علي كيفك لا تجبرين نفسك واللة حنا نقولها دايم لزوجة ولدنا مع انا نفرح فيها لحضورها معنا لو كانت ما تبغاكي ما تصلت عليك
|
فضـه قلبها ابيض :d :: والله بالعـربي وبالنهايـه بالطقاااااااااااااااااق ... انتي الزم ماعليك زووووووجك وبيتك !! واهل زوجـك خليك رسميـه معاهم بس تكون معاملتك طيبـه واخلاق !! وغير كذا ريحي نفسك .. الصراحه انتي مو مجبـوره اذا احد جاك ببيتك تعزمينهم او هم يعـزمونك !! اقطعي هالعاده وريحي مخك .. بس خليك واصله .. وتعالي حق ساعه ساعتين وروحـي .. لاتغثينهم ولا يغثـونك !! وترا مسـآلة يغبون مناسباتهم او الحمال وهالخرابيط !! تصير بنسبه مو قليله بعوايل كثييييييييييييير :: مشي حالك .. وطنشي .. ترا مايممشي بهالـزمن غير التطنيشششش .. |
شكلك عندك حساسية جامدة وبتفكري كتير
وكمان مشكلتك المقارنة دي اللي تعباكي مش اكتر اسأليني انا بس بحاول اتخلص منها لأني دماغي بتتعبني والك احمدي ربنا اقرأي مشكلات اكبر من بتاعتك هتحسي اني بتاعتك هينة جداااااااااااااااااااااااااااااااااا ووقتها هتحمدي ربنا وياريت تروحي عندهم عادي وحسسيهم انك زي بنتهم وحسسيهم بالحب واكيد هيتغيروا هم كمان واهم حاجة زوجك كويس خلاص كبري دماغك |
تم النقل إلى قسم المتزوجين .. |
والله ياقلبي انا ماني شافيه فيه مشكله الحمد لله مايتكلمون عليك وعلى اهلك واهم شي زوجك وبس وانتي صيري معهم اخلاق في المعامله علشان هذا الشي يدل على تربيتك في بيت اهلك اما اخت زوجك اذا حملتي ان شاء الله لا تعلمينها وخليك في بيتك معززه مكرمه اذا قال زوجك خلنينا نروح لاهلي روحي وحولي تساعدينهم في شغل البيت اذا فيه مناسبه ولا تنتظرين شكرمن احد وكلامك معاهم كلمه ورد غطها وبحترام ولا تقولين لزوجك اهلك مايحبوني بعدين تصير في خاطره خليه يشوفك انت تحبينهم وتبينهم وتساعدينهم ويطلعون هم في الشينه وانتي في الزينه
|
| الساعة الآن 04:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©