|
لو خطبك رجل فيه عيب وش بيكـون ردك !( تم الرفض )
الســـــــــــــــــــــلام عليكم }~ البـآرح اتصلت علي خطابـه العائله <<< خالتي .. هههههههههههههههههه لأنها ماشاءالله اتزوج كثير من بناتنا على يـدها ... ماشاءالله اجتماعيه وصديقاتها كثير .. المهم صديقتها تسألها عن عروس لقريبها !! وهي تقـول انه طيب وابن حلال ومايدخن << اهم شي مايدخن .. :30: بس العيب هو :: انه فيه مرض الثعلبـه !!!!!!!!!!!!!!!!!!!!!!!! الله يشفيـه ويرفع عنه ... وخاالتـي كلمتني !!! وش رايك السالفه الآن بيني وبين خالتي حتى امي وخواتي ماقلت لهم لأنه بصـراحه يااااااااااكثر خطابي ماشاءالله .. وكل مايدرون اهلي احس اتوتر اكثر .. بدال ماأرتـاح ! عشـان كذا قررت افكر بحالي واجمع معلومات عنه انا وخالتـي وبعدين اذا اقتنعت اخليها تحاكي امـي .! بس هي قالت لي ان الولد جدا مــأثر فيه المرض ! وتقريبا 90 % من وجهه مافيه شعر !!!!!!!! يعني لا راسه ولا رموش ولا حواجب ولا اي شي بالوجهه!! مررررررره مرررررررررره توترت ! وخفت يكون معدي ! والبارح بس جالسه على قوقل واعمل سيرش عن المرض وهل هو معدي والعلاج وكل شي ! وهل هو وراثي ! وطلع مو معدي ... وله علاج بس حسب الشخص احتمال ينفع معاه واحتمال لا !! وومن ناحية وراثي ! اذا كان اصلا المرض موجود بالأهل او لا ! لكن هالشخص جاله المرض فجأه .. والي فهمت من خالتـي انه قريبتـه كانت تقول انه بس يسمونه الجميل والوسيم ... يعني كان حلوووو بس جاله فجأه !! والله اعلم ليش وش االسبب !! :: وش رايـكم ! راح احكيلكم نظريـة خالتي .. هي غريبه شووي ! بس ضربت لي مثل للي حولي !! تقـوووووووووووول :: { انتبهـوا على كلامها } ان الـرجل الي فيه عيب !! او نقص ؟!! راح يحـاول قد مايقدر مايفرط بزوجته .. ويحطها بعيـونه ويعاملها احسسسن معامله !!! ليش !! لانه من داخله حاس بالأمتنان لها انها وافقت عليه ! وهالشخص قالت قريبته انه فااااااااااااقد الأمل ان فيه انسانه توافق عليه ! وطرحت لي خالتي اكثر من زواجه صارت يكون الزوج فيه عيب .. وبجد لاحظنا ان زوجاتهم جدا جدا مبسوطين معاهم !!! ماشاءالله لاقوة الا بالله .. :: وش رايكم بنظريـة خالتي .. وللصبـايا ! لو تقدملك شخص فيه هالمرض !! هل توافقي ولاحظوا انه نسبة 90 % من شعر وجهه ماااااااااااافيه لا براسه ولا بوجهه !! نسيت اقولكم ان تعليمه ثانوي .. وموظف راتبه جيد يمشي الحال ... وعمره يمكن 28 او 29 وانا عمري 26 !! :: واللهم صلي وسلم على رسـول الله ... |
الأمر راجع لك ... إذا كان يأثر فيك أو لا
. . أختي خطيبها إنسان عادي لكن شااااااااااااااااااارطة عليه أنو يحلق راسووو ودقنوو وشنبووو وهو مبسوط وهيا كمان ... . . للناس فيما يعشقون مذاهب ... . . برأي إذا ولد حلال ومن عيلة طيبة ويخاف الله ويصلي أهم شيء ووضع المادي ممتاز إلى جيد ... وانتي ما تفرق معك بالشكل (( وافقي )) . . والقرار لك ............. لكن لازم يكون باقتناع لانها حياة ومو لعب عيال .... |
الحمدلله الذي عافانا مما ابتلاه وفضلنا على كثير من خلقة ....
بصراحة ....لا .... الله يشفية و يعافية.... الثعلبه ممكن تكون نفسيه اكثر من تكون عضوية ... |
اقتباس:
هلا قلبـي / والله عني انا .. اعششششق الجمال ! يعني مو مهم يكون الوااااااااو بس على الأقل مقبول الشكل وهذا الي فهمتـه انه لاااااااااا بعد المرض مااافيه جمال !! تخيلي شخص بدون شعر ! والله شي مؤلم نفسيا الصراحه .. وانتي صااااااادقه هذا زواج !! اقتباس:
ايـه والله الحمد لله الذي عافانا .. يااااااااااارب تشافيه وتعافيـه ! انا لما قريت امس .. عرفت انه مرض نفسي يعني يمكني كون يجي للشخص بسبب صدمه او شي أثر على نفسيته !! هالشي خوفني بعد !! وتـرني اكثر :: شكــــــــــــــــرا من اعماق قلبي لردكم ... واهتمامكم .. |
اقتباس:
|
اقتباس:
يعني أي تصرف منك بيقول هذي تعطف علي ومن هالحكي ...... إحساس بس :) اقتباس:
مدري والله .... لو كان هو الشخص اللي ببالي بس بدون شعر توكلنا على الله .. أقصد إذا دين وأخلاق وسيرة تفتح النفس ليه أرفض والله ييسر للجميع |
اقتباس:
الآن جاتني صـوره له عن طريق قريبتـه !!!!!!! ارسلتها لخالتي الرجل ماااااااااااافيه ولا شعره !!!!!!!! ابـدا ! هو صحيح يتعالج ! وانا فاتحه مع منتدانا .. منتـديات آخرى ! واقرى تجارب الناس مع هالمرض ونسبة الشفاء ! ولقيت ناس مثل حالته ... مافيهم ولا شعره نفس هالشخص ! بس قاعدين يتعالجوووا .. وبعضهم كاتب تجارب لأشخاص يقولون ان الله من عليهم بالشفـاء ! :: راح اكثف تحريـاتي <<< مباحث على غفله ههههههههههه واشـوف اخلاقه وصلاته وتربيته وكل شي !! والله يكتب الي فيه خير ... مشكـوره من هنـا ... لبيتكم ... :) |
اقتباس:
اممممم من نـاحية الشفقه !! مادري كل واحد وتفكي،ـره يمكن هو يفكر كذا ويمكن لا !! مادري والله بس انا شايفه ناس حوولي ... الرجل فيه عيب ... ومتزوجين نســاء جدا سليمات ... وماشاءالله حاطينهم فوق راسهم من الحب .. ماشاءالله .. من ناحية الدين والأخلاق ... لسا توني ببدايـة جمع المعلومات .. بس قريبته جدا تثني عليه وعلى اخلاقه ! والأيـام راح تكشف لنا المستور ! بس توي شفت الصـوره ... !!!!!!!!!! متوتره .. ومحتاجه اعرف معلومات اكثر عنه .. وبأذن الله ربي مايخيب رجاي .. اذا فيه خير ربي ييسره لي واذا شر الله يصرفه عني ويصرفني عنه .. ورووووود ملـونه لقلبك يااااااااألوان .. |
يا حوبيلك
طيب شفتٍ الصورة تقبلتيه ؟؟؟ يارب إن كان فيه خير ييسره لك وإن كان غير ذلك يصرفه عنك ويعوضك بأحسن منه ويعوضه بأحسن منك .. |
اقتباس:
والله ياألوان فيني بـرووووووووووود جدا .. مادري وش شعوري مو زي العاده اذا احد خطبني احتاس واخاف ! صح متوتره بس مو زي توتري المعهـود مادري ماخذه المسأله مرره عادي ! يمكن لأنه اول يـوم .. ومو شايفه بالرجال اي شي يجذبني له .. تعليمه ثانـوي وشغله عادي جدا ! مـادري بس اتوقع بالكثير بـكرا راح اعرف قراري .. راح استخير <<< الحمد لله يااااااااااااااااااااااااارب انه في شي اسمه استخاره ... اكثر شي يريحني ... لبــى قلبتس ... الوااااااااااااان ... وجـودك مريـح ... |
| الساعة الآن 09:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©