|
كيف أبدأ حياتي مع خطيبي بدون مقارنة ؟
صباح الخير
طبعا هذه اول مشاركه لي بالمنتدى_وإن شاءالله اكون عضوه خفيفه عليكم انا دخلت وشاركت لاني معجبه بالموقع .... بعدين بقولكم سالفتي انا كنت مخطوبه لولد عمي خطوبتي وموافقتي عليه من اهلي هم اصرو علي اني اخذه _المهم ولد عمي مرررررررره ماكان داخل مزاجي واحسه مثل اخوي وماحبيته وكنت اخاف واقلق بس لو تخيلت اني بكون انا وهو ببيت لحالنا استمرت خطوبتنا 6 شهوووور بس هالوقت احاول بس اني اتقبله كزوج بس ماقدرت_المشكله هو مرررررررره طاير فيني وكل شي يسويه بس عشان يرضيني يعني زي مايقولون وانا مااحب هالمثل اني راح اقدر اخليه مثل خاتم باصبعي-استخرت ربي وطلبت فسخ الخطوبه وهذا وقت الملكه وصار- بعدها بشهر انخطبت بس صرت اخاف لما انخطب ويجيني قلق وخوف وماارتاح وجت الشوفه وشفته بس ماعجبني ولا ارتحت ورفضته_وبعدها 4 جو يخطبون نفس السالفه _ هالحين يمكن تقولون شايفه حالها ومايعجبها احد:11: لا مو كذا بس بس السالفه كان فيه شخص من الاقارب يبيني وابيه بس الظروووف ماخلتنا ناخذ بعض_ لاتفكرون غلط ابدا ماصار بيني وبينه اي وسائل اتصال ولايعرف لي صوت _المهم شفت انه مستحيل نتزوج عشان الظروف_ وكل مايجي احد يخطب احس اني اقارنه بهالشخص_هالحين انا مخطوبه وملكتي بالحج بس الى الآن احس انه مو الشخص اللي ابيه وودي اشيل هالفكره من راسي ومشُيت السالفه واهله مررره طيبين وهو بعد_ بس ودي اني مااقارنه بأحد وابدأ حياتي كيـــــــــــــــــف؟! |
إذا أنتي استخرتي مرات كثيرة فعليك إنك ترضين باللي قدره الله لك وإنه هو الخيرة
بعد الملكة راح يتغير كل شي إن شاء الله .. اسألي مجرب :22: |
مشكووووووووور عزووووبي الله يكتب الخير لي ولك |
اهلا بك يا عزيزتي ...نورتي بيتك التاني:17: شوفي يا غاليه اي واحد في الدنيا ممكن يعمل مقارنه بين شخص كان عاجبك او معجب فيه ولسوء الظروف ما حصل ارتباط مع انك تقولي بنفسك والله لو كان هو.... لكنت انا هلا اسعد انسانه بالدنيا وانسان تاني لسا انتي ما تعرفتي على شخصيته ولا على صفاته الايجابيه والسلبيه او بالاحرى انتي عم تقنعي نفسك انو لا هذا مو الانسان المناسب الي .....الخ كل الي بدي انصحك فيه انو حاولي تتقربي من خطيبك وتدخلي عالمه وقلبه وتكوني انت قره عينه وهو قره عينك وشيلي عنك هالوساويس وانسي الماضي وبداي صفحه بيضه وجديده :17: وطبعا لا تنسي الاستخاره ... الله يتمملك على خير ويوفقك بحياتك ... |
طبيعي المقارنات , لكن حاولي تبحثي عن ايجابيات ومزاياااه خطيبك
ودايما حطيها ببالك .. تذكريها .. ردديها بينك وبين نفسك لين تقتنعين بدااااااخلك .. وبعدها ماراح تلقين مسااحه بفكرك للمقارنات الإ وعلى طول تجي ببالك ايجابيته .. بعدها بتحسين ان هو الافضل ويملى عيونك من هالناحييه .. |
مشكووووووووووورين على المرور
وان شاءالله اقدر اسوي بنصايحكم مع دعواتكم الله يعطيكم العافيه:d |
حبيبتي : المقياس الحقيقي الذي ينبغي أن تبنين عليه موافقتك هو ماجاء في حديث النبي صلى الله عليه وسلم : إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره. فهذا ماينبغي عليك التركيز عليه ولاتبني اختيارك على الأعجاب او المشاعر الزائفه التي تكون قبل الأرتباط فهذا لا صحه لها وأسئل الله لك التوفيق |
| الساعة الآن 12:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©