استشاره بخصوص لون غرفه النوم
 

السلام عليكم

نويت اخيرا اغير لون غرفه النوم تبعي:)

بس محتاره في الالوان

لون غرفتي الحين اخضر فاتح (فستقي)

والارضيه موكيت اخضر فاتح

ولكن المشكله ان الغرفه والدواليب من خشب الزان

ومااقدر اغيرها بس ابغى اغير لون الجدران والارضيه

وانا محتاره بين الدمج بين اللون الاخضر التفاحي (فاقع ) مع الازرق النيلي
او درجات البنفسجي بالنسبه للجدران

والارضيه ايش برأيكم انسب لون سيراميك
وهل الارضيه الخشب جيده ام لا


وايش الافضل استخدم ورق الجدران او البويه


ياليت تعطونا رايكم وتساعدوني في الاختيار

وشكراا

حطي لون الجدران وردي فاتح على لحمي والارض الوردي الغامق اغمق درجات الوردي تطلع الغرفه حلوه وهذي الالوان تشرح النفس احسن من الازرق والاخضر اتوقع
والغرفهعادي ان شاء الله تناسب مدام لونها من الخشب
او اليموني لكن الارضيه بني

اما الورق حق الجدران انا والله ماادري زماااان عنه في بيت اهلي من زمان حتى الان مغيرينه بس اتوقع انه مايعيش كثير الا اذا انت من النوع الي يغير الاثاث والبويه كل سنه او سنتين فحطيه طبعا انا اشوفه حلو مررررره احلى من البويه بكثير بس يتقشع
بالتوفيق يارب

المختار
اشكرك على رأيك
ولكن انا ابغى الوان الجدران ساده اعتقد انه اريح للبصر
واللون الليموني جميل بس اعتقد انه مايساعد على الاسترخاء
يخليك منتبهه على طول



sweet2244
اعجبني رأيك اللون الوردي يشرح الصدر
ماكنت مفكره فيه

مشكوووورين جزاكم ربي الف خير

توقعت تفاعل اكثر بس انتو فيكم الخير والبركه:)

[gdwl]اللون البرتقالي الباااارد.....كتير فخم معاها ......بس خلي الجدار اللي وراء السرير بلون اغمق نت باقي الغرفه .......وتتهني ان شاء الله ...واذا بتعملي الأرض خشب ...بتطلع بتجنن زي جو الفندق [/gdwl]

الزهري
 

اعتقد ان الوان الزهري ودرجات البنفسجي الموف كلها الوان جميله للجدران طبعا بعد التجربه لون زهري مع ارضيه باركيه ( خشب ) شي بعقد

في البداية مبروك ...

بالنسبة للون الجدار اتوقع انك مرتبطة بلون الدولاب فلازم تختاري يا افتح يا اغمق وانا بصراحه افضل لون برتقالي ناعم ويفضل يكون ورق جدران عليه نقشه خفيفة بحيث تبرز النعومه والبرودة في الغرفة وفي نفس الوقت احتفظتي بلون الغرفة الرئيسي وهو الاصفر ودرجاته ..

ورق الجدران عملي لمدة ثلاث سنوات كمتوسط ومن بعدها يتغير او يتقشر من الاطراف لكن انا بصراحه اعشقه " ورق الجدران " لان بامكانك انتي بنفسك تسوينها اذا عرفتي الطريقة

وبالنسبة للارضية الخشب " الباركيه " جيدة لكن لازم تاخذي النوع الغالي علشان تضمني ما يطلع رطوبه او صوت او حشرات اسفل الخشب وارشح لك موكيت من النوعية الفخمة

الأرضية الخشبية " الباركيه " عبارة عن قطع تصف بجانب بعضها ويمكن وضعها فوق السراميك وفوق البلاط بدون الحاجة إلى تكسير ، وتختلف أنواعه من الرديء إلى الممتاز وبالطبع بختلف السعر من 30 ريال كأقل سعر ويصل حتى 250 كأعلى سعر ويعتبر مضاد للحرارة والرطوبة ولا يتأثر بانسكاب السوائل وغيرها من المواصفات .. ويحتاج إلى عمالة لاتقانه وتركيبه بالشكل المثالي
اذا كنت من سكان الرياض شارع التخصصي يوجد به اكثر من معرض