هل تصرفات خطيبي طبيعية ؟
 

[rainbow]:d:d[SIZE="6"][rainbow]السلام عليكم ورحمة الله وبركاته[/rainbow][/[/rainbow]



انا اول مره أشارك فالمنتدى وذلك لاني لقيت فيه شي كنت أبحث عنه وشكرا جزيلا لكم جميعا على جهودكم الكريمه:17:

راح أدخل فالمشكله................:22:

أنا جايه أشتكي من خطيبي الله يهديه ولايحرمني منه:rolleyes:

هو خطيبي بس بدون عقد قران

والمشكله طالبه فيها آراء الشباب بالذات لانهم فاهمين بعض :29:

صار لي مده أكلمه فالتلفون وأنا أحبه وااايد وهو كمان ......بس المشكله ان حياته كلها يقضيها مع اصدقاءه وهم جزء مهم من حياته .......لدرجة اني احيانا أحس انه يفضلهم علي

مرات يكلمني بالساعات ومايهمونه .......................:22: بس مرات يطنشني عشان يقعد معاهم

أنا أعرف ان وجود الاصدقاء ظروري لاي شاب........ بس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وانا الاحظ انه الايام اللي يكون يكلمني فيها وايد ورومنسي وايد تجي بعدها على طول ومن غير سابق انذار أيام يطنشني فيها عشان خاطر يقعد مع اصدقاءه ويسهر معاهم .... وانا المسكينه أقعد انتظره طول الليل

ممكن تقولولي شنو السر في نفسيتكم ياشباب ؟؟؟؟
أريد أحس ان هالشي طبيعي ومو بس ف خطيبي

أنا متأكده انه يحبني بس تجيه أيام يبتعد عني بطريقه غريبه بعد ..... مادري يمكن لانه حاس انه المفروظ يبعد نفسه مني ويرجع لايام العزوبيه بلا شريكة حياه ...........هل تشعرون ب هذا الشعور يا شباب

وهل من الممكن أن تجيك أيام ماتكلم خطيبتك اللي انته تحبها مووووت وتسهر معاها طول الليل .....او انه هالشي صعب وبس خطيبي اللي يقدر عليه:25:


و لما عاتبته على هالموظوع قالي انه ينشغل شوي؟؟؟؟؟؟؟؟؟؟؟؟؟؟؟؟؟؟؟؟؟

و في مشكله ثانيه وانا ماريد أطول عليكم

بس عندي سؤال.............هل من الطبيعي أن يشعر الشاب بعدم الرغبه في الزواج من الانسانه اللي يحبها أو خطيبته وذلك لانه يخاف يودع العزوبيه؟؟؟؟؟؟؟؟؟؟؟؟؟؟ لانه أحيانا أنا أشعر بأن خطيبي من هالنوع وخاصه ان اصدقاءه كلهم غير مرتبطين
ولهذا السبب أشك في حبه لي أحيانا .بس أرجع وأفكر إن قرار الزواج صعب على أي شاب بعمره ........علما أنه يبلغ من العمر 23

الله يخليكم قولولي شو أسوي .........أنا قلت انه لما راح يكون بارد معاي راح أكون بارده معاه بس أحيانا أشتاق له موت وأشتاق لكلامه الرومنسي ولوجوده في حياتي

هو انسان شفااااااااااااف وما يحب يجامل وهذا اللي يخليه يتصرف معي بطريقه عفويه وبلا تكلف بين الشخص وخطيبته .......


أنقذوني لاني مظايقه ومش عارفه شو أعمل معاه

صراحة لا استطيع ان افيدك فانا ليس لي اصدقاء و ربما اكون عكس خطيبك تماما فانا محتاج لانسانة تؤنس وحدتي .

انا في عندي حل ونتيجته مضمونه مائة مائة

تعرفين شنو هو؟

الايام اللي يكلمك فيها بالساعات لا تستمري مدة طويلة في المكالمة . اوكيه كلميه عادي بس بعد

مدة قصيرة قوليلة حبيبي انا مشغولة في شي ضروري لازم اسويه واتحججي باي شي مثلا دراستك,

اهلك ضيوف اي شي المهم خليه كذه صدقيني بضل متلهف لك من راسه لين رجوله. اهم شي الايام

اللي تتكلمون فيها ويا بعض لا تستمري في الكلام لين يجيكم الملل بل خليكي انتي اللي تنهي

المكالمة كل مره

اختي برستيج انا مريت بنفس التجربة . حاولي تمسكي نفسك يا اختي صدقيني هذا الشي مجرب .

تدرين هو لما يكلمك يفرغ كل شحناته ويصير رايق ولا على باله شي وبعدها يكون عنده اصدقاه يعني

شبع نفسه عاطفيا وبعدها يروح يونس نفسه مع اصحابه يعني ما يكون ناقصه شي من ناحية العاطفية

معاكي. عكسك انتي بعد ما تكلمينه ما تلتجين لصحباتك او تشغلين نفسك بشي ثاني تقعدين تفكرين

فيه طول الوقت. الحل انك تثقلي. يعني كلميه يوم وانهي المكالمة بدري بيضل عطشان لك , ثاني يوم

خليه يتصل ولا تردين اول مره ثاني مره لين ثالث مره ردي ونفس الشي قوليله اشتقتلك ومن هالكلام

بس انهيها بدري المكالمة. يعني بقتصار اثقلي حبيبتي. وبعدين انتي لازم تدورينلك شي تسوينه وتشغلين نفسك فيه شوفي افلام شوفي شي ثاني مثل ما هو يونس نفسه مع اصحابه

الاشراف
لفظ المشيئه يكتب كما هو موضح وشكرا

أختي الكريمة
فترة الخطبة (بدون عقد قران) ليست لتفريغ الشحنات العاطفية!
إن كنت و إياه متفقين على كل شيء عجلوا بعقد القران فلم التأخير؟
بالنسبة لموضوعك فهذا طبيعي, لأن الشاب لا يحب الكلام كالفتاة... و هذا ليس له أي علاقة بحبه لك..
فقد يكون محبا و متعلقا بك, لكن الشاب لا يعبر عن ذلك الحب بكثرة الإتصال.. و ربما هو يراعي الناحية الشرعية فحديثكم إن كان به غزل فهو غير جائز لأنه أجنبي عنك..
لا تكبري الموضوع و مثل ما قلتلك.. موضوع الحديث العاطفي على الهاتف معه و هو أجنبي عنك لا يجوز
http://66n.com/forums/showthread.php?t=49559
الفتوى في المشاركة الثانية
أسأل الله أن يجمع بينكما على خير قريبا..