كلمات كتبتها لها وابي رايكم فيها ارسلها ولا لا ؟؟
 

:السلام عليكم ورحمة الله وبركاته


طبعا الحمد لله خطبت وضبط وضعي


وبصراحة من كثر اللي اقراه انه لازم يكون الرجل مع خطيبته رومنسي وحساس وذو لسان حسن

عشان تخق معه خطيبته وتحبه ويعيشون حياة كريمة :d

فمن هذا المطلق كتبت هالكلمات لها بس فيها شوي مبالغة بس عادي البنات يصدقون اي شي :d

وابي رايكم ارسلها ولا لا ؟؟ هل هي حلوه ولا لا



لاتستغربين لو صرت مجنونك وعايش اسير لكونك , انتي كل شي فالعالم يحبك , حتى اعدائك يحبونك ,, قطرات المطر لاجت تبي تنزل ماتنزل الا عشانك ,, يتنافسون يفكرون كيف بيلمسونك ,,واذا مانزل مطر تذكري يمكنك (زعلانه) ,,

لأنك لازعلتي يزعل كل شي معك يزعل والمطر يعاقب الناس لييييييين يرضونك ,, كل شي متعذب بهواك كل شي يتمنى رضاك كللللل شي فالعالم يبيك انا والمطر والشجر والاكسجين تخيلي الدنيا بدون اكسجين,,, يااكسجين العالم تخيلي الدنيا بدونك << مااقدر بس بحاول

حتى الملوك وهم ملوك يلعنون الحظ بسبتك ويقولون ياااااااليت امي ولدتني خدام لعيونك ,,, شفتي كيف الدنيا تحبك ؟ شفتي كيف العالم يحبك ؟؟ شفتي وشلون انا ميت ولهان لقربك ؟ شفتي كيف انا بشتياقي اصونك ؟؟ ,,, وتستغربين لاصار البابا يحبك ؟

ياحظ البابا وياحظ الماما وياحظ ملابسك وياحظ دولابك وياحظ كتبك وكيبوردك وياحظ كل اللي يشوفونك ,, حتى انا ياحظي لاني قتيلك لي الفخر لانك عدمتيني ,, حتى وانا مسافر وتركتك ورحت اغامر , كل لحظة ينبض فيها قلبي اقول

اسمك ريم ريم ريم والله العظيم احبك ,,, احبك بكل حالاتك بكل مميزاتك ومنيب قايل بعيوبك لان مافيك عيوب , الا انك حلوه :d


ادري اني مبالغ بس وش رايكم ارسلها ولا لا ؟؟

ما شاء الله لا قوة الا بالله
كلماتك رقيقه وجميله
بارك الله لكما وبارك عليكما وجمع بينكما فى خير

ارسلها طالما انها طالعه من قلبك ولو انو فيها بعض المبالغه



ومبارك الخطوبه الله يهنيكم

وعليكم السلام ورحمة الله وبركاته

وبارك الله لكما وبارك عليكما وجمع بينكم بخير

المشكله برسالتك مو بالمبالغه بالعكس أحيانا المبالغه مطلوبه وأكيد رسالتك بتعجبها

لكن ياليت تمسح الجزء الي فيه لعن للحظ وخلي رسالتك ترضي الله عزوجل

أسأل الله أن يوفقك لمايحبه ويرضاه اللهم أمين

خفف من المبالغات فيها

البنت تحس بالكلام اللي طالع من القلب من الكلام اللي فيه مبالغة لا داعي لها

ترفع عن كلمات خادم لعيونها وقتيلها ومدري ايش .. البنت فينا تحب اللي يحبها وبنفس الوقت عنده شموخ وعزة

انا شخصيا ما احب هالاسلوب

والله يوفقك ويبارك لك يمكن ريم تحب !