|
وش موضة الهدايا هاليومين .. تكفون ساعدوني .. عقد قراني قريب
السلام عليكم راح أعقد قراني قريب إن شاء الله .. وعسى الله يبارك لنا ويبارك علينا ويجمع بيننا بخير ويكفينا شر الحساد والعائنين لا تنسوني من دعواتكم ودي تساعدوني في اختيار هدية الملكة .. راح أشتري طقم ذهب وشي ثاني .. الشي الثاني هذا هو اللي متوهق فيه .. فكرت بالجوال وفكرت بالشنطة وبالعطورات بس أحسها كلها مستهلكلة ومتوقعة .. أبغى شي حلو ومرغوب وما تتوقعه .. حلاة الهدية إنها تكون غير متوقعة بالنسبة لخاتم الزواج .. من وين أشتريه .. تراني ما أعرف بالخواتم زين أو أماكن بيعها محلات تغليف الهدايا الراقية وين موقعها ؟ أنا من أهل الرياض على فكرة الوقت مو معي يا جماعة الخير .. يا ليت تفيدوني عاجلا بارك الله فيكم وجعل أيامكم مليئة بالأفراح |
مبررررررررروك مقدما
انا عني اشوف حلو لاب توب او كاميرا تصوير لو من محبات التصوير <<<<<لاني عاشقة تصوير ههههههههههههه فهدية حلوة , رائي ومبروك مرة ثانية , |
برايي بس طقم ذهب
وخلي باقي الهدايا اثناء زياراتك لها بعد الملكه |
عليكم السلام ورحم الله مـريت لأبارك فيه هـذه الساعـة المبـاركـة بأن الله الله يبارك لنا ويبارك علينا ويجمع بيننا بخير ويحفظكما من كـل سوء ويرزقكما الذرية الصالحـة ويديم عليكما المودة والرحمة وأيامكما سعادة وسرور أخوك عزوبي:21: بس:d رجل:30: |
صار عندنا عزوبييين
بس رجل ومحتاااار:d:d ونفرجت محتاااار مبرووووووك:14: متى يابس رجل؟؟:) انا مع رأي:) فيااافي خلها بعدين حلو الله يوفقك |
أنا من رأيي يكفي طقم الذهب...
وباقي الهدايا بعد الملكه والزواج أما مسأله التغليف فهذا يعتمد على ذوقك فالمحلات كثيره وكلهم بنفس الاغراض أنت اختار التغليف الافضل والانعم لها... أسأل الله لك التوفيق.... |
طقم يكفي والباقي لماتزورها بعدين
وحاول تختار تغليف نعوم لانه البنات يحبون الاشياء الناعمه |
كثر الله خيركم يا جماعة الخير
بس ممكن أحد يفيدني عن أفضل محلات التغليف في الرياض .. عارف لي كم محل بس بصراحة ما يطيبون الخاطر والله يبارك في كل من بارك لي :) |
جيب لها علبة وخل جواها إطار فيه صوره من عقد نكاحكم وغط الاطار بحلاو او حجر او لولو ملون
بعد الملكه جيب لها ورده وحده حمراء وعلق عليها الخاتم طبعا اكتب في البطاقه اخترت وردة واحده لأنك حبي الوحيد ولبسها الخاتم والذهب خذه من اسواق الريمان او طيبه او الدولي عندهم تشكيله جديده توهم مطلعينها في رمضان |
اولاً مبروك والله يتمم عليكم بخير
واقترح عليك الهديه تكون تعليقه ذهب وتكون ناعمه ومكتوب فيها اي عباره مثلاً ياعمري يادنيتي ياحياتي الله لايحرمني منك واطلب منها تكون لابستها طول الوقت حتى انا نفس الشئ بس مو عارفه اجيب لخطيبي هديه |
| الساعة الآن 08:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©