|
شحاذة الكلام او تسحيب الكلام من الزوج
http://www.66n.com/pics/hosted/ny292...tjajs467ji.gif
السلام عليكم جميعا موضوعي اليوم يتكلم عن البخل العاطفي وتسحيب الكلام عند الرجل المتزوج قال الرسول صلى الله عليه وسلم ( خيركم خيركم لاهله وانا خيركم لاهلي ) اخواني : اسالك بالله الزوجه وش تبي بالضبط من كلام : هلا عمري - يعطيك العافيه - ما شاء الله وشذا الزين - اقول بس يازينك - الله لا يخلينا منك يا حياتي - يا زين جسمك - يا زين شعرك - الله عطرك شي والله ............... الخ . شفتو هالكلام فوق يا اخواني والله لو تقول كلمه وحده باليوم لزوجتك بابتسامه خفيفه وربي تملكها وهي على فكره ما تبي منك لا فلوس ولا هدايا ولا اي شي تبي هالكلمه الحلوه بعض الرجال للاسف زوجته تشحذ هالكلمات الحلوه منه اشحاذه كانها تشحذه فلوس واذا سالته زوجته قالت ليه ما تقولي كلام حلو قالها للاسف وش خلينا للمراهقين!!!!!! يعني انت اذا رحت للاستراحه ضحكك يوصل للاستراحه الثانيه اللي جنبكم واذا دخلت للبيت عبس وجهك وخلاص دخل المرعب وكله طلبات واوامر . اخواني اذا انت تقول اعاني من زوجتي ببعض الطلبات اللي اقولها لها وما تنفذها ابد وانا اخوك عطها كم كلمة حلوه من اللي فوق وابتسامه وصدقني بتاخذ منها كل اللي تبيه . بس شفتو الكلام هذا كله اللي فوق ترا انا ما انزه الزوجات في بعضهم العكس الكلمة هي اللي ما تطلع منها ولكن الاغلبيه عندنا حنا يا الرجال بحكم العاطفه والرقه للمراه . اتمنى اني افدت الجميع بهالموضوع والله يوفقكم جميعا ولا يريكم مكروه في يوم . الرجاء عدم نسب او تحريف او نقل اياً من مواضيعي دون إذن مني..أو كتابة منقول وكتابة اسم المنتدى وأسم معرفي على الموضوع |
بصراحه جبتها على الجرح ياابونواف ياليت اللي عندنا كل اسبوع يسمعونا كلمه من ها الكلام
|
اقتباس:
والله انك قنوعه ما شاء الله كل ( اسبوع ) لحول الله ولا قوة الا بالله شاكر مرورك |
طبعا شيء بسيط لكنه يحمل أشياء كثيرة
لكن لابد من فهم نفسية المرأة ، بعض الحريم يعجبها أشياء غير الكلام |
الله يحسن اليك
والله تزوجنا عشان الاعفاااااف ماتزوجنا عشان الزوج يكون سواق.. ولا عشان يكون مجرد ممول << اتحدث عن نفسي ومن تشابهني معظمنا عفيفات ومانرفع طرفنا و ننتظر بعد الزواج الاعفاف والكلام الحلو و قد لا نجده !!!!!! مو قهر ؟؟ حتى لو كان الاب حنون والاخ حنون .. الكلام الحلو من الزوج مختلف تماماً عما يقدمه الاهل مااعتقد ان الموضوع كله اختلاف طباع الرجل عن المرآة .. اعتقد انه تعدى ذلك واصبح الموضوع كسل واهمال و قلة اهتمام ( زي ماتجي تجي ) !!!!!! |
مووووضوع رااائع
كماا انة الكلمة الطيبة صدقة والكلمة الحلووة للزوجة تعطيهاااا داافع للعطااء اكثر لبيتهااا واولااادهاااا يعطيك العااافية يااارب يستحق التميز<<<<<<<باارك الله فيك |
اثر شجوني يا اخي
جزاك الله خيرا |
موضوع رووعة
جزاك الله خير |
************
*** جزاك الله خيراً على هذا الموضوع المميز *** ************ |
موضوع روعةةةةةةةةةةةة وجبتها علي الجرح انا
ما اسمع من زوجي اصلااااااااااااا مو بالاسبوع ولا بالشهر الا صارلي الحين سنتين متزوجة لا سمعتها في السنة الاولي ولا الثانية وكل ما اقوله ليش ما تقولي كلام حلوا يامارع او كلام فاضي او ما يحتاج هالكلام |
| الساعة الآن 09:57 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©