|
مواقف النظرة الشرعية
صباح الخير
ازايكم :22: سؤالي للشباب ,,, كيف كان شعورك اثناء النظرة الشرعيه :25: مرتبك ..خااااايف.. متوتر .. ريلااااكس .. الوناسه طايرة من عيونك :d .. الامر طبيعي ...؟؟ وهل تمنيت في هذه اللحظه انك تخرج من المجلس بسسسسسسرعه وحتى لو انك ماشفتها كويس ؟؟ << هذا السؤال مهم عندي :( وسؤالي للبنات ,,, كيف كان شعورك وموقفك اول مادخلتي او اول مادخل هو ؟؟ اذكروا لنا مواقفكم مشان نستفيد :d |
كان ودي اغوص بالأرض وتبلعني من الخجل برغم اني اعمل واخرج واخالط الناس !
لكن هو غيـر .. عندما اتذكر الآن .. يدق قلبي بنفس الطريقة اللي دق فيها ذاك اليوم .. وشعور مختلط بين الفرح والحياء والخوف وكل شي الله يتمم لك على خير |
فرحة وشوي ارتباك
حتى اذكر يومها كان معاي سبحة وطلعتها من جيبي ومسوي على بالي عااادي مو مرتبك وتنقطع والفصوص تتناثر على السيراميك وماغير نسمع صوتها مثل المطر <<<<<<< يقول ليتني ما طلعتها من جيبي وهي ما قصرت دقوا الباب علشان خلاص تمشي وهي ماشية سحبت معاها شجرة زينة ودخلت على اهلها وهي تسحبها وراها <<< ميت ضحك |
والله انا حصلي الموقف مرتين وعلى قولتك كان الوضع طبيعي عندي مع ارتباك خفيف الاولى ثلاث ثواني او اكثر شوي وما امداني اميز وش شعوري ؟؟ والى الان ماصار نصيب دعواتكم لي بالزوجه الصالحه |
ههههههههههههههه عاشق الجواهر الله يهنيك فيها بس جد موقف السبحه غير
احنا ماعندنا نظره شرعيه ناس متحجره ويشوفونها حرام <<لاتعليق عالم متحجر أنتظر باقي المواقف ^_^ |
اما موقف النظرة الشرعية .. بالنسبة لي
قبل ما اروح للنظرة الشرعية سمعت احد قريباتي تقولي انا حبيت زوجتي بسبب جرأته في النظرة الشرعية قلتلها شو سوى بالضبط ؟ قالت دخل علينا يسلم ويسولف معاي عاااادي .. وينكت وقالي فلانة شخبارك؟؟؟ مرة اهلك مسوين كمين عشان اشوفك وبصراحة عجبتيني... حتى جابو له بيبسي .. قال مافي سفن اب ! ويوم كان بيطلع قال وين تكرمون الحمام .. تقول هالثلاث جمل خلتني اقبل فيه ههههههههه قلتلها هو مش احسن مني .. وبسوي مثل ما سوى واحسن قبلها امي قالت حق امها ان ولدي يستحي :o " عني انا " :d ودخلت البنت .. ميته خجل .:o. وفكرتها ماتتكلم ! وصرت اسولف معاها .. باب الجراءة مفتوح على مصراعيه :23: المشكلة يوم جابو لي المشروبات الغازية . . قلت مافي سفن اب :25: ! هههههههه كأني حافظ طلع حاطين قدامي كل انواع المشروبات الغازيةومن ضمنهم السفن اب :29: وانا قاعد اسولف مع البنت .. وامي طول الوقت مبطله فمها من التعجب .. :11: ويوم طلعنا قالتلي الوالدة : فشلتني مع ام البنت زين .. انا قلتلها انك خجول .. من وين يبت كل هالجرأة :16: قلتلها خبرك عتيييج :30: والحمدلله تمت الموافقة من الطرفين :22: والحين عايش معاها احلااا ايام عمري:17: تحياتي |
السلام عليكم موضوع حلو بالنسبة لي..كنت متفقة مع الوالدة أن اول ما يوصل الخطيب وأهله عند باب البيت أكون واقفة معاها وأسلم عليهم بدل ما يجلسون واطلعلهم بعدين واتفشل واول ما دقو الجرس..هربت للغرفة:d وسمعت امي تسلم عليهم وانتظرت يمكن 20 دقيقة وانا مترددة اطلع ولا لا ومستحية واخوي كان في الغرفة الثانية يضحك على ويقولي يلا روحي سلمي وانا اضحك اقول لاااا:d يمكن هي اللحظة كانت من اصعب اللحظات لان كان صعب اطلع واسلم كنت أحس إني بمد وجزر..أروح ولا لا؟ المهم امي حضرت الغرفة عندي وقالت يلا تعالى بالغصب:d ودخلت وسلمت وكان موقف محرج لما الكل يسكت في الغرفة ويكون هدووء ولاحظت أهله يسألوني أسألة عشان أتكلم وأجاوب فحسيت شوي براحة لأني بطبعي أتوتر لما يكون في صمت رهيييب في الغرفة وبعدين طلبو نكلم بعض في المجلس بس شوي بعيد عن الأهل..فسبحان الله كان في خجل بس لما كلمته حسبت كأني أعرفه من زماااااان وكان عندي مخاوف مثلي مثل أي بنت..هل هو الرجل المناسب هل وهل بس سبحان الله ارتحتله الحمد الله وتم النصيب السعييد :d بالتوفيق |
والله كنت شايفها قبل ويوم النضره انا واهي كنا مرتبكين وايد وهذا اليوم ما ينسا
|
اما انا
كنت جالسه في المجلس مع اهله واهلي بعدين دخل ومشي قامت اخته قالت له لا اجلس جنبه شوي وامي حطت قدامنا صحن مكسرات قاللي كلي قلت لا ماابغى قالي انا ابغى فصفص ممكن تقشريلي تخيلوا اني جلست اقشر فصفصف ابيض ههههههههههههههههههههههه وجابلي اسوراه وخاتم والخاتم كبيرررر مرة وانواع الضحك بس ماصار نصيب الى الالان والمحاولات جاريه :( |
سوالفكم تجنن
شكرا لصاحبه الموضووع -->ورده حمراا |
| الساعة الآن 03:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©