|
حينما اطلب من زوجي المال لأمي يرفض
بدخل بالموضوع
ومبارك عليكم الشهر وكل عام وانتم بالف خير انا متزوجه وزوجي طيب والحمدالله من ناحيتي ابدن مو بخيل لا يبخل على عياله ولا علي الحمدالله بس المشكله زوجي والحمدالله مرتاح واهلي ناااس بسيطين كل ماااطلب منه فلوس طبعا يقولي وش تسوي فيه اقول اشتري جزمه الله يكرمكم عبايه يقولي اوكي ويعطيني ولما اقوله اعطي امي تدعيلنا بهشر الفضيل يماااااااااااااااااااااااااااطل:( واحنا ياناس خمس بنااات امي ربتنا يتااامه واحسن تربيه وزوجتنا كلنا وانا اصغر وحده بخواااتي وتزوجت والحمدالله واخواتي كلهم يساعدون امي والله امي ماتطلب شي مني ابد بس انا احس بالغيره خواااتي يساعدوها وانا لا وزوجي اكثر واحد مرتاح من بين ازواج خواااتي مدري هو ليه يسوي كدا؟؟:( كل ماااقوله ابغى اعطي شوية فلوس لماما يقول اوكي مايقول لا ويطنش وانا استحي اسأله تاني واخوااتي الله يخليهم يصرفون عليها كل شهر لها رااتب وازوااجهم مو مقتدرين مثل زوجي هل هدا بخل؟؟؟ ولا كره لأهلي(لأمي) ولا وشو بضبط ساعدوني لان انا والله احب امي حب جنوني وبديت اكره زوجي بتصرفاااته هدي:( قولولي وش يدور براااسه الله يخليكم ترااني كرهته اخر مره اول يوم برمضان قلت ابغى فلوس ومو كثير يعني عاديه قالي ليش قلت بعطي امي تدعيلي بهاشهر الفضيل قال طيب وطناااااااااااااااااااااش للأن واشوفه يصرف على عياله وعلي بالهبل خساااير ويبخل على امي؟؟ طيب ليش امي انسانه محترمه وضعيفه الله يخليها لي وطيبه حتى هو يعترف ويقول عمري ماشفت اطيب من امك ونيجي لمسألة الفلوس يقول طيب ويسسسسكت هل هو يتعمد ولا وشو بضبط؟ اه بس |
اش دخله في أمك , مو مكلف فيها .. يعني لو يعطيها كرم منه مو واجب عليه وليس لك أدنى حق في كرهه
لذلك السبب |
يعني ضروري يعرف انو تعطي امك
وقت تاخذي فلوس عشان تشتري دخري منهم على جنب مثلا بدل المئتان يكون الثمن 150 والباقي على جنب وجمعيهم |
ياغالية ولما كل هذا الكدر
بإمكانك اعطاءها دون طلب منه عندما يعطيك زوجك مصروفك فهو لك لك الحق باستخدامه أينما تشاءين دون سؤال منه لذلك ادخري مايعطيك لأمك دون ان تقولي له شيئآ فقط خذي منه حاجتك و ضعي منه لأمك فهي أصبحت ملكك وبيدك تفعلي بها ماتشاءين المسألة سهله لكنك أعطيتها أكبر من حجمها |
مو واجب عليه يصرف على امك اذا بيعطيها برضى نفس منه اوكي اما بالغصب وانك تكرهيه علشان ما اعطى أمك مالك حق ..........احسن حل انك تتفقي معه على مصروف شهري لك يعطيك اياة كل شهر مع الراتب مثلاً 1000 ريال أو اقل او اكثر حسب وضعكم .......وانتي أعطي أمك من مصرفك لأنه لك وانتي حرة فيه حتى ما يحتاج تستأذني منه وبكذا انحلت المشكلة ..............
|
من باب حسن العشرة أن يعطي أمك
لكن ليس هذا واجبا عليه !! هو مكلف بك أنت والأولاد والبيت أخاف إذا ضغطت عليه أن يسيء معاملتك لكن كما قال الإخوة هنا : بما أنه كريم ولله الحمد وفري من المال الذي ينفقه عليكِ وأعطي أمكِ دون علمه وجزاك الله خيرا على برك بأمك ..لكن برك بزوجك أولى وأهم وأوجب حفظكما الله من كل سوء وجمع قلوبكما على طاعة وسعادة |
أختي زوجك كريم ويحبك وليس من واجبه الإنفاق على والدتك..
ولا داعي لإخباره أنكِ ستعطين والدتك, خذي منه مبلغا واعطي والدتك جزءا منه.. تحياتي.. |
وهل هذا سبب لكي تكرهي زوجك ...؟؟ يا أختي هو ليس بملزم على الصرف عليها ، ولكن وكما قالت إحدى الأخوات عليكِ بالإدخار من مصروفك وإعطاء أمك ما تريدين ،، ولا تنسي أنك تقولين بأنه ليس بخيل عليكِ ولا على ابناءك ، وهذا امر ممتاز إحمدي الله عليه .. من الممكن أنه يفكر في أنه لو أعطى أمك فلوالدته الحق قبل والدتك .. أقول ممكن ولهذا السبب يماطل . ولكن لا يصل الأمر لكي تكرهيه ..............!!! زيادة على أني أعتقد بأنه لو كان الطلب عن طريق الجلوس معه بتودد وايضاح نيتك فلا أعتقد بأنه يتردد ...... والله المعين . |
لاتضغطي عليه عشان لا يتخذ موقف سلبي من أمك و لا تقارنيه بأزواج أختك , أما أن يتكرم من نفسه او لا فبطريقتك هذه كأنك تطلبي منه شيء مفروض او حق و هو ليس مطالب بمصرف أمك الله يعطيها العافية و لا يخليها عليها قاصر و بنفس ما قالو الأعضاء , اعطيها مما تذخيره بدون ما يدري لاتخربي علاقتك بزوجك و كرمه معك بمطالبته بشئ ليس من واجباته خصوصا انها ما جت من نفسه,,, بكذا راح يمن على أمك اكسبي أمك بطاعتها و مساعدتها ( بصمت من غير من ) وزوجك بمدحه على كرمه معك و مع أولادك و ربي يوفقك |
ما ازيد على ما قال الاخوان فوق
اطلبي راتب شهري محدد منه لك انتي لمصاريفك واولادك وادخري منه لأمك ! وهذا يعتبر شيء راجع لك مو لازم كل ما صرفتي ريال يعرف ليش ووين رايح ! |
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©