انفصلت عن خطيبي ولكنه يماطل في الطلاق
 

السلام عليكم ورحمة الله وبركاته

مشكلتي ان شاء الله بسيطة باذن الله والاقي عندكم الحل بعون الله

انا ملكت على ولد خالتي قبل 7 شهور وحدثت مشكلة بيننا وانفصلنا ولكن الى الان ما طلقني كم مرة ابويا يكلمه لكن من دون فائدة يقول ابوه طيب طيب ولكن الى الان محد جا منهم

انا كلمت امي وقلت لها انا ابي ارسله رسالة فيها كلمتين قوية بس امي قالتلي اذا هو مااستحى من كبر ابوك واتصاله له يعني رسالتك ليه ما تودي و لا تجيب

ارجوكم ساعدوني

أختي الغاليه فرحت بعدها حزنت
بس عادي ممكن شر لك مايندرى
عسى ربي يرزقك بزوج صالح ويعوضك خير
اللهم امين
نرجع لموضوعنا:اختي هو ليه مايبي يطلق؟؟؟
ممكن يبي صلح وحل المشاكل!!!
اجل وش يبي؟؟
ايش هي المشكله عشان اقولك هو ليش يماااطل؟؟
ممكن يبي يرجعك
وكلام امك صح ترى رسالتك لاتودي ولاتجيب
بس أختي اذا المشكله كبيره ومافيها حل غير الطلاق ضروري ابوك يكلمه بجرأه ومايسكت عليكي
يعني لا انتي مطلقه ولا متزوجه
ضروووووري يطلق بسرعه
خيرررررررررررررررر يبي يعلق ولا ايش؟
الله يوفقك:)

شكرا لك يااختي نورين

والله انا مادري ليه هو يماطل حتى المهر لسه عندي ما اجى ياخذه ابويا كلمه تعال خذ فلوسك وطلق البنت . ابويا يقدر يروح المحكمة وتنتهي المشكلة بس ابويا ما يحب يسوي كذا عشان احنا اهل بس والله زي هذولا الناس ماهم بأهل ولاتنسي تدعيلي ربي يفرج همي قبل رمضان .

فرج الله همك وسهل امرك واخلف خير منه

الله يفرج عليك وياخذ بيدك

الله يفرج همك
لكن انا اتوقع انو هوه بدو يصالح وترجع المياه لمجاريها
بس بدو وقت لحتى يفكر وانتي تفكري وتهدأو
الله يسر امرك ويقدملك اللي فيه الخير

اشكركم جميعا على المرور وجزاكم الله خير
لكن ياخي doody duck انا اعتقد انو مابيرجع لي حتى انا خلاص ماعاد ابيه لانه قال لابي قبل 6شهور تقريبا انو ماعاد يبيني بس مدري ليه هو بيعمل فيني كذا حتى ابويا لما يتصل على ابوه مايرد .وحتى لو يبغى يفكر كل هذا الوقت ياخذ من الواحد والله ما اعرف
حسبي الله ونعم الوكيل
لا تنسوني من الدعاء

والله يا أختي ناس قوية وجه وما تستحي...

هو ما قدر شئ ومخليك معلقة, وبهذا الشكل يبعد عنك الخطاب

أنا لو كنت مكانك ما أستحي, إنتي إتصلي عليه واطلبي منو الطلاق, لا تستحي هذا حقك, التماطل ما هو في صالحك خاصة إنو إبن خالتك..

هو قوي عين, ما يبيك بس مخليكي زي البيت الواقف!!!!!!!!!!

صحيح اللي إختشوا ماتوا...لا تتنازلي ولا لحظة إتصلي على خالتك, زوجها, ما تفرق..المهم لا تأخري أكثر, مثل هذا الرجال ما تندمي عليه, ولا تضيعي ولا ثانية معاه....

والله بعض الأقارب عقارب..مخليكي على ذمتو خير إنشاء الله!!!!!!!!

نصيحتي إتصلي فورا ولا تستحي.....أصلا هو لاعمل حساب لا للقرابة ولا أبوك...

الله يسهلك ويعوضك خيرا منه..

شكرا لك اختي صابرة

والله انا ما ابي اتصل عليه ولا اسمع صوته حتى انا ابي اكمل دراستي الان بس اللي يقهرني بروده وانو يعامل اهلي بهذا الاسلوب ابي حل ثاني اختي غير اني اكلمه
الله يخلصني منه ويفرج همي