|
أرضي زوجي و أزعل أخي؟؟ (حُلت و لله الحمد)
السلام عليكم ورحمه الله وبركاته
انا محتاااارة وابي اخذ رايكم لاتبخلون علي بأقتراحاتكم زوجي متفق مع صديقه نسافر كلنا سوا وانا وزوجه صديقه متفقات كثير يعني الجو بيكون وناسه بس المشكله الوقت اللي متفقين عليه غير مناسب لي لانه بيصادف زواج ولد اخوي واذا سافرت ماراح احضره واخاف اخوي يزعل قلت لزوجي اجلوة لبعد الزواج او قبله قال اجازه صديقه ماتسمح الا في وقت الزواج ايش رايكم اسافر او احضر الزواج ؟؟؟؟؟؟زوجي يقول مو لازم تحضرينه وشكله زعلان يقول انا اللي اقترحت على الرجال نسافر سوا ومن ها الكلام وش اسوي وربي محتااااااااااااااااارة |
مبـروك ياعمه .. والله على حسب .. ! مـادري شلوون علاقتكم بأخوك وعياله .. بس اتوقع اتوقع مادري لو انا مكانك اسافر مع زوجي .. على اساس .. اني مع زوجي وين مايكون ووين مايروح اروح معاه عاد اروح لهم بالبيت قبل السفر وازورهم واتقهوى عندهم واعين من الله خير واقوم بالواجب الي يبيض الوجه وتعذر منهم هذا انا <<<< تحب المشاوير هع لو زوجك ماقدر يأجل السفر استخيري وروحي وتوكلي على الله .. ومثل مايقولون اخوانا المصاريه (( العروسه للعريس والجري للمتاعيس )) يعني بالنهايه الي منبسط ومستانس العرسان ... وماراح يضرهم لو جيتي او لا ؟! وانتي انبسسسطي وفليها يابعد تسبدي .. |
تسلمين حبيبتي على الرد بس لان زوجه اخوي حرصت علي وقلت لها ان شاء الله احضر
|
لازم تحضرى الفرح طبعا
ده واجب عليكى |
مو لازم تحضرين العرس
خواتك وأمك باذن الله يوفون واذا جيتي تروحين لاستقبال مرته في البيت وبايدك صوغة حلوة من السفرة هذا رايي |
لماذا تصعبي الموضوع
استعملي مكر الحريم : اتصلي الأن بأخوك وقولي له : زوجي اتفق مع صاحبه على أننا نسافر سوى وحددوا السفر اليوم الفلاني وقلت له : لا ماينفع هذا الوقت علشان زواج ولد أخوي ولازم تأجل السفر وقال زوجي ماراح نقدر نأجل السفر علشان إجازة صاحبه , وأنا يااخوي بستأذن منك إذا ما بتزعل مني مضطرة أروح مع زوجي مع أن ودي أحضر الزواج بس الأمر مو بيدي وإذا بتزعل يااخوي ترى ألزم ماعليّ أنت برفض السفر حتى لو زعل زوجي. (طبعاً بكلامك الحلو هذا بتحرجين أخوك وبيقول لك : روحي يااختي مع زوجك وربي يسعدكم مابزعل منك) بس انتبهي تقولي لزوجك انك قلتي لأخوك أنه أهم من زوجك علشان مايزعل منك بالعكس ممكن تفرحيه وتقولي له ( أنت عندي أهم من كل أهلي) بكذا فرحتي الإثنين وسافرتي بإذن الله وأنتِ مبسوطة والله يكتب لكم اللي فيه الخير |
كلام كبيييييييييير.. هو دا الصح إن شاء الله.. حطي الهرجة في راس زوجك.. وقولي لأخوك زي ما قالت الأخت جزاها الله خير.. ترى زوجي حاجز على الوقت الفلاني ويبغاني أسافر معاه.. وأنا عارفة زواج فلان يوم كذا وإيش رايك ترى ما همني أسافر وحاولت أقنعه ما فيه فايدة علشان إجازته وكذا (مو تقولي علشان إجازة صاحبة) وترى بسوي معاه مشكلة إيش رايك إنته.. أكيد أخوك ما يرضى عليك المشاكل وراح يقول لك توكلي على الله.. وإذا رحتي لوزجك قولي شفت يا فلان ما عليا من الدنيا كلها أهم شئ أكون معاك.. |
السلام عليكم ورحمه الله وبركاته
انا اتفق مع رأي اختي الكريمه ام جمانه والله هاذا افضل حل وان شاء الله يرضى الجميع وتسعدي بسفرتك |
اقتباس:
يا عيني عليك اختي ام جمانه و على كلامك العسسسسسسسل ... |
خبيبتي اشوف انك تسافرين مع زوجك طبعا هذا اهم وتعتذري من اخوك وتجيبي لابنه هديه حلوه ..
وفقك الله |
| الساعة الآن 12:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©