|
افكر بالزواج من ثانية وأريد رأي سديد منكم
بسم الله الرحمن الرحيم السلام عليكم جميعا أخواني أخواتي في المنتدى انا كما تعرفون من تاريخ تسجيلي عضو قديم في المنتدى ولكن قلت زياراتي للمنتدى بسبب انشغالي انا اليوم رجعت لكم اطلب رأيكم والرجاء عدم التجريح بالكلام لأن هذا شرع الله لا اعتراض فيه انا متزوج ولدي أطفال عمري 40 عاما زوجتي قريبة مني بالعمر لكن لايوجد توافق بيني وبينها في كثر من الأمور أنا رومنسي وأحب الرومنسية لا اراها تبادلني الشعور ابدا إلا اذا انا بدلتها اولا كلمتها كثيرا ولكن دون جدوى تعتدل يومين وبعدها ترجع كما كانت أحاول تغيير الروتين بالخروج هنا وهناك ولكن يرجع الوضع لما عليه الوضع اصبح الآن لايطاق لدي منها خمسة ابناء وهم كبار الآن ولله الحمد أنا لدي الرغبة الشديدة بالزواج من أخرى فاتحت والدتي بالموضوع حفظها الله وذكرت لها الأسبب ولم اجد منها الرفض يعني بالعامية قالت لي بهواك ياولدي انت الي بتتزوج وانت الي بتتحمل المشاكل من ورى هالزواج يعني مافيه اي معارضه من الوالدة ولا حتى من خواتي انا لا أنكر على زوجتي ابد من ناحي تربية الأولاد وأخلاقها وهي تعمل في مجال التدريس تحب عمله أكثر لاحظة انه حتى وهي في البيت تحب تجي عمله وتشتغل فيه كم مره قلت لها يابنت الناس انا ماحب تجيبين شغلك للبيت خليه بالمكتب لكن ماكو فايدة الصراحة تعبت معاها وايد وانا انبهها لغشلات كثيرة احبها واحب انها تسويها لي ولا تسويها اشيا وايد ارغبها منها ولا تكون فوق طاقتها ومع ذلك ترفضها هي خلوقه وطيبه لكن ماتلبي رغباتي الي ابيها منها وغير كذا انا رومنسي وهي عكسي تمام الآن انا مفكر اني اتزوج زوجة ثانية لعلي احصل مرادي عندها والحمدلله الزواج من ثانية موب حرام والتعدد موجود بشرع الله ادري ان اغلب نساء المنتدى مارايح يتقبلون الفكرة نهائيا لأن النساء يعتبر خيانه عندهم انك تتزوج على زوجتك مع ان الشرع حرم انك تطلق على التعدد انه خيانه لكن هذا الي حاصل في مجتمعنا الآن لايتقبلون ابد شي اسمه تعدد ويعتبرون الزوجة الثانية بمثابة المجرمة ليش تقبل تدخل على زوجة سبحان الله انا الآن اطلب مشورتكم في موضوعي زوجتي مارايح تقتنع بزواجي ويمكن لو عرفة اني بتزوج عليها رايح تطلب الطلاق انا ابغى اتزوج ولا ابغى اطلق نهائي ما ابغى تجريح بالكلام خصوصا من الأخوات والله يوفق الجميع الاشراف : عذراً تعديل بسيط في العنوان |
السلام عليكم .. اهلا وسهلا اخي ..عودة حميدة ..وكل له ظروفه ... بالنسبة لموضوعك ..ارى تصرفك وتفكيرك سليم ..طالما زوجتك مع عشرة عمر ماتغيرت ولا قدرت تعطيك اللي انت تريده ..وارى انه عمرك لايحتمل تأجيل مشاعر الرومنسية وتبادلهـا...والزواج حلال ..اما بالنسبة لو جا احد وقال انت راح تجرح زوجتك ..وينها زوجتك لما انت تطلبها وتحاول تخليها هي مصدر الرومنسية والحنان ومنبع الاهتمام ؟ بصراحة انا ضد الزوجة المهملة في احساس ومشاعر الزوج ..الرجل اذا كان حنون وطيب وكريم ويربي ابناءه تربية جيدة يستحق الوحدة تعطيه عيونها وتعمل كل الل يتقدر عليه لتجلب السعاده في المنزل ... عندي احد اخوتي شبه حالتك ..ولما طلب رأينا بالزواج ..كلنا شرنا عليه الزواج من الثانيه وطبعا ماراح يطلق الاولى وراح يعدل بينهم فإن كنت قادرا على العدل ..وماتقصر اتجاه ابناءك . وتضمن انه الزوجة الثانية انسانة رومنسية وتقدر مشاعرك وتقدر تبادلك .وعندها طاقة كافيه تعوضك ..فتوكل على الله .. واستخير ..وحاول تلمح لزوجتك انك بحاجة هذه الاشياء ..يمكن الله يهديها وتتغير على اخـر امل ... ولكن لو ماحصل ..انت لازم تشوف حياتك ..وتحافظ بنفس الوقت على علاقتك في الزوجة الاولى والابناء ... بنـظري مظلوم في حالتك ..ولابد تخبر زوجتك بمشاعرك وانها مقصرة في حقك .. والانسان راح يعيش حياة وحدة ..وبعقله .وتصرفاته وادراكه .وتضحيته ..يتجه الى السعاده ..او الشقاء .. ربي يسهل امرك ..وطمنا عليك .. وانا عارفة رأيي الكثير ماراح يأيدوه ويتقبلوه ولكن هنا الواقع ... زواج تنقصك منه الاساسيات ..حاول اكماله وبالحلال ..والشرع محلل لك ..ولكن ركز على نقطة العدل بينهم ولاتقصر في حق اولادك ... وابحث عن الزوجة المناسبة حتى لاتندم ..وتكون وجه خير على حياتك. ... موفق اخي ..واتمنى ماطولت عليك ..بس جد ذكرتني في اخوي ..والله يكون في عونكم ..الاحساس بالفراغ العاطفي مؤلم ..مابالك تبادله بالتجاهل؟؟؟ تحيتي ..اختك ام يوسف .. |
دام الشرع محلل لك أربع ما عليك من كلام أحد
|
وعليكم السلام ورحمه الله وبركاته
اخي الكريم تزوج وتوكل على الله وعلم زوجتك ولا اظنها ستطلب الطلاق ستغضب منك فترة ولكنها امرأة مثقفة وعاقلة ولن تخرب بيتها بالعكس خلك صريح معها وكن صادق بالعدل بينها وبين زوجتك الجديدة وسترى أنها ستتقبل الأمر بعكس ما تتوقع أنت انا الزوجة الثانية لزوجي والحمد الله بعد فترة بسيطة من زواجنا اصبحت وزوجته صديقات واخوات أهم شي العدل واحترام البيتين والحفاظ على خصوصية كل بيت. وفقك الله |
والله ياطويل العمر لو اجابك من في الارض جميعا كلا على حسب تفكيره ، لن يعرف تقدير الامور غيرك لانك تعلم دقائق الامور ببيتك بس هناك بعض التنبيهات اولا وش اخبار الجيب تمام ولا لك عليه اخر كل شهر ثانيا وش اخبار الصحه تمام ولا نص ونص وثالثا وش الجديد الي عند الزوجه الثانيه اخافك ياخوي فاصبر على مجنونك لايجيك الاجن الي يطلعلك قرون ، انصحك بالزواج بحاله وحده ان كنت لاتستطيع اقامة دينك الا بالزواج بشرط القدره فتوكل على الله
|
اخي الكريم
اذا انت ناوي تزوج ليش ما تخبر زوجتك بقراراك لعل وعسى تتغير للاااااااااابد يعني اعطيها اخر فرصه اجلس معاها وفهمها انو انت راغب بالزواج من ثانيه لأسباب عديده وعدد لها الأسباب وكون واضح وصريح معاها وحاول تذكر الهه اشياء طيبه تخليك تعدل عن الي بالك وتخليك تفكر اذا ازوجت ممكن تفتقد كثير من الأشياء اخي الكريم لا تنسيى انت في هذه الخطوه ممكن تأثر على نفسيت اولادك يمكن تخرب البيت كله يعني اذا انت حاليا المتضرر الوحيد من زوجتك ,, بزواجك من ثانيه اصور انو البيت كله راح يضرر يعني يمكن مشاعر اولادك تتغير اتجاهك وممكن يكرهون زوجتك الثانيه وتصير مشاكل الهه اول مالهه تالي يا اخي الكريم أنت بنعمه انو زوجتك محافظه عليك وصاينتك وصاينه بيتك وشايله اولادك فمن حقها على الاقل تعرف بقرار زوجك من الأن حتى تكون على علم وممكن انها تتغير للأحسن وما تظطر تاخذ مثل هذه الخطوه واخيرا اقولك استخر وفكر مرارا وتكرارا لان جرح المشاعر مو هين تحياتي |
والله يا أخي مثل ما ذكرت الشرع محلل الزواج من أربع
لكن في مجتمعنا بالفعل تعتبر الزواج الثاني كأنها جريمة في حق الزوجة الأولى وأنا ما أدري ايش طبيعة زوجتك لكن أحب أنبهك إن في بعض الزوجات إذا تزوجوا عليهم أزواجهم يصيرون كأنهم في مأتم لا ابتسامة ولا كلمة حلوة ولبس مبهذل ومعاملة الزوج كأنه خاين مثل ما قلت وأولادها ما يصير تفاعلهم مع أبوهم جيد مثل أول يمكن زوجتك ما تكون من هذا الصنف ويمكن تكون عاقلة وتتفهم وضعك لكن إنت أدرى بها ولازم تقيم العواقب اللي راح تصير من زواجك الثاني زوجتك لازم تعرف باللي عندك ويمكن الحل وأنا أخوك ما يكون في الزواج من ثانية يمكن الحل يحتاج شوية حزم منك وموقف جاد يمكن في شي يشغل بال زوجتك وإنت ما تدري يمكن ويمكن.... علشان كذا عليك بالدعاء وصارحها وقولها باللي في خاطرك بس في هدوووووء وتفاهم وأسأل الله لك السعادة |
يا اخي صارح زوجتك الاول وبلغها بقرار زواجك ان ما اتغيرت.......
حاول اصلاحها وقل لها على العيب اللي فيها واللي ما ريحك وخلاك تفكر في الزواج بالثانية وقل لها ان دا مسبب لي ازعاج كبير في حياتي معك هي اكيد راح تجتهد عشان ترضيك وتصلح حالها باذن الله لان المراة مننا لما تفكر زوجها راح يتزوج عليها لشئ ما راح تعمل المستحيل لحتى تصل ما يبغاه زوجها فيها وتحببه فيها الله معك اخي وربنا يصلح حالكم يا رب |
اقتباس:
اتفق تماماَ مع هذه النصيـــحـــــه ، وايضــــا هل تستطيع أن تــــعدل ؟؟؟ |
انـا مع { مكـروهي } في رأيـه ... افضل انك تخبـر زوجتك بقرارك .. بالزواج من ثانيـه ولو ماعتدلت ولاتغيرت ... بذيك السـاعه تزوج والله يوووووفقك .. بس اغلب الحـريم يعدلهم هالقرار .. فا تبدا تخاف على نفسها وعلى بيتها وتبدا تتغير واستخيـر الله .. |
| الساعة الآن 10:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©