|
إستفسار عن إمكانية ممارسة رياضة شد الصدر أثناء الرضاعه + اقتراحاتكم للهدية المناسبة
السلام عليكم ورحمة الله و بركاته
كما هو واضح من العنوان هل تمارين شد الصدر تنفع وقت الرضاعة لاني قرات انو مابينفع لان الصدر مابكون مستقر طيب والة شد الصدر وتكبيره كمان ماتنفع؟؟؟ انا بعرف تمارين التدليك صراحة مع الماء السخن والبارد بجيب نتيجة ومن تجربة لكن المشكلة بالرضاعة والي بتقدر تطلع على الموضوع هذا بكون شاكرة http://www.66n.com/forums/showthread.php?t=188265 امر اخر صديق زوجي سيسافر حيث تعيش اسرته واحنا مرة وصينا والدته على لبس معين وجابته لنا مع ابنها ومارضيت تاخذ حقه احنا بعدها جاملناها وبعتنالها هدية ساعة حلوة وبعدها ارسلت لنا ملابس لفهود كنت حامل المهم هذا الصديق يريد السفر بعد كم يوم هو الان خاطب وزوجي اقترح نرسل هدية لامه وخطيبته انا ما وافقت على فكرة هدية مني لخطيبته لان لسه مااعرفها المهم بالاخر اتفقنا نرسل الهديتان مجاملة ولان صديقه وامه كانوا ذوق معنا المهم انا اقترحت هدية للوالدة قطعة قماش نوع ممتاز مناسبة لعمرها وزوجي ماعجبه بيقول ليش مانرسل عطر انا ماوفقت قلت العطر بينك وبين امراة فيه معرفة بينكم او علاقة او شوية تقارب لامك اختك خالتك زوجتك معقولة بس حسيت ان العطر لشخص مابنعرفه كتير انه هدية غير رسمية و غير ملائمة خاصة انها سيده كبيرة ومابنعرف تفكيرها في سيدات بعد مايكبروا في العمر ببطلوا يستعملوا العطور والمكياج وبقولوا عيب انا كبرت كيف استعمل عطور:29:في البعض تفكيرهم كذا فإيش عرفنا ماتفكر هذا التفكير؟؟ انا حسيتها غير مناسبة واقترح زوجي للخطيبة ساعة لكن انا ماوافقت لانها بنت صغيرة عمرها 18 او 19 وبحس البنات بهذا العمر مابيقدروا قيمة الاشياء قلت لا تفكر الساعة رخيصة واي كلام يعني بحس البنات بهذا العمر مايفكروا بالساعات والامور هذي يعني ماحسيت ممكن تعرف قيمتها فاقترحت عليه طقم عطر مع شور جل ولوشن فما رايكن انتن؟؟؟؟؟ طبعا الملابس غير واردة سواء عباية او جلابية او اي شي لان لانعرف المقاسات ولان مانعرف ملامح او شكل الام والخطيبة ولانعرف ذوقهم فمو حلوة نرسل ملابس بلاخر الله اعلم تعجب ماتعجب اقترحوا عليّ يمكن راحت عن بالي بعض الامور وقولوا رايكم في اقتراحاتي وزوجي |
بالنسبة لتمارين شد الصدر لا يوجد ادني مشكلة في ممارستها اثناء الرضاعة بالعكس
هتساعد على عدم ترهله وبالنسبة للهدايا انا أؤيد اقتراحاتك مناسبة كتير قطعة قماش للام عطر وبودي كريم وشور جل للعروسة واقتراحاتي شنطة خروج للام وللعروسة ممكن بابي ليس |
نانو حبيبتي شكرا الك والله فرحتيني بالنسبة لتمارين الصدر بلكي تحسن صدري عليها:(
والحمدلله اقتراحاتي عجبتك شكرا الك الحقيبة حلوة وفكرة جميلة بس مابعرف انا بخاف تفكرها اي كلام مابعرف ليش رغم اني لو شريتها اجيبها من ماركة حلوة والعروسة مافهمت شو البيبي ليس؟؟؟ baby less انا بعرفها انهاماركة ادوت الشعر والجسم مثلا مكواة الشعر او لفافات الشعر او الة ازالة للشعر للجسم؟ولا شي تاني ياريت تحددي بالزبط حبيبتي وشكرا الك كتير |
السلام عليكم
اختي بناء على تجربتي لتصغير الصدر المترهل عليك ان تعتادي على لبس اثنان او ثلاث سوتيانات ضاغطة يوميا اما الهدايا انصحك تهدي للام قطعة قماش فخمة زي ما اقترحتي لزوجك وللعروسة عقد ناعم على حسب ميزانيتكم صدقيني راح يعجبها كثير |
بالنسبه للهديه
ممكن لللعروس علبه مكياج صغير .. ممكن من ماركة مكياجي عندهم علب حلوه وفخمه تنفع لهدايا .. الأم ممكن خاتم ذهب ناعم اذا الميزانيه تسمح وممكن سجادة صلاة مع مصحف اتمنى اني افدتك بوسي لي فهود |
بالنسبة لتمارين شد الصدر و الله ما عندي علم يا ملك اعذريني
بالنسبة للهدية أعجبتني كتير أفكار حرم المعلم علبة المكياج كتير بتفرح عليها العروس لأنها تحتاج أمور كهذه بالتجهيز لعرسها و ممكن اذا العروس هية اللي بتشتري طقوم المطبخ لبيتها انك تهديها طقم شاي او ما شابه و سجادة صلاة مع مصحف للأم ما بدها لا قياس و لا فيها اختلاف أذواق |
التمـــــــارين مــــــــاعندي عـــــــــــلم فيـــــــــها00000 وبالنسبــــــــه للهـــــــــديه الام جـــــــــــيبي لهـــــــــا طقـــــــــم عـــــــــــود مع المخـــــــــــــــــلط عـــــرفتيه00؟؟؟ يحبـــــــــــوه الكبـــــــــــــار اكثــــــــــــرمن العطـــــــــــــور العـــــــــــاديه وجـــــــــــيبي معــــــــــاه زي مـــــــاقلتــــــــــــي قمــــــــــاش او فكـــــــــــرة الاخــــــــــــت حـــــــــــرم المعــــــــــــلم كمــــــــــان حــــــــــــلوه00000 والعـــــــــــروسه جـــــــــــيبي لهــــــــــا طقــــــــــــم عطــــــــــر فخــــــــــــم مع الشـــــــــــاور جـــــــــــل والكــــــــريم يعنــــــــــــــي مجمــــــــــــــوعه كـــــــــــــــامله00000 |
اوية يا حبيبتي ابدأي التمارين واستمري عليها
وان شاء الله هتلاقي فرق كبير وبقسط بالبابي ليس مكواة الشعر السيراميك |
احب اسرتي شكرا عالاضافة لكن صعب التطبيق 3 مرة وحدة؟شكرا الك :)
حرم المعلم شكرا الك بالنسبة لماركة مكياجي ماعنا هون وعلب المكياج في علب حلوة من ماركات حلوة لكن بتكون صغيرة انا المشكلة بخاف البنت عشان صغيرة ماتعرف قيمة هالاشياء وتروح تقول باعتينلي هدية صغيرة واي كلام هههه شو دراني عن بنات الايام هاي؟ هدية الام خاتم الميزانية ماتسمح للاسف اما المصحف والسجادة حلوة لكن مااعتقد السجادة تكون غالية يعني حتكون هدية خفيفة شكرا الك ماريا شكرا الك والله يقومك بالسلامة احساس شكرا الك وفكرتك حلوة بس دهن العود والاشياء هاي في الخليج بحبوها كتير ومتعودين عليها عنا في بلاد الشام(فلسطين الاردن سوريا لبنان) غير دارجة وصعب تقبلها والبلد الي رايح عليها صديق زوجي واهلو فيها مستحيل تلاقي حد بفكر بدهن العود صديق زوجي لو شم ريحة بخور بيدوخ وبتحسس مابقدر اجازف وابعت لامو هيك هدية شو عرفني؟صراحة حتى انا مابحب العود والمخلطات الا نادر روائح خاصة جدا لانو ريحته تكون قوية وغريبة واحنا ماتعودنا عليها فكرة حلوة لكن لاتناسب هالاسرة شكرا الك كتير حبيبتي بس بتعرفي شفت عطر من اجمل كنو عود او مابعرف شو بس عجبني كتير وناوية اجيبو لانو اخف شي كان لما رحت مرة محل اشتري بخور سالت عن عود لزوجي لانو صاير يحبو وشميت روايح قوية دخت منها وصاحب المحل قلي بعد فترة من الدهن عاليد مثلا بتخف وبتروق بس مااقعتنعت شكررا كتير حبيبتي نانو شكرا الك وللمتابعة الجميلة حبدا بالتمارين انا جربت قبل هيك التدليك وعجبني اما المكواة مابعتقد اجيبها شو عرفني يمكن عندها يمكن مابتحبهم يمكن شعرها ناعم صح ولا لأ؟:) بس اقتراح حلو لو كنت بعرفها وعارفة شو بتحب او تكره بارك الله فيكي |
| الساعة الآن 01:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©