|
في بيتي الجديد هل الغي هذه الغرف؟
السلام عليكم
كيفكم اخواتي ان شاء الله بخير ابغى رأيكم بهذا الموضوع ضروري و هو اني بنقل لبيت جديد طبعا ايجار بس انا ابغى الغي غرفة استقبال حريم و ابغاها تكون لبنتي و بعض الاغراض و الصالة تكون جلستنا و نفس الوقت استقبل الحريم فيها ان بحاجه لرأيكم تحياتي لكم جميعا |
تفكير صحيح مئة بالمئة ادخل الكثير من البيوت القى اربع غرف مجالس حريم ورجال وغرفة نوم واحدة ومافى غرفة للاولاد دا
غير صحيح اكيد انتى صح الغى غرفة مجلس واستخدميها لبنتك مادام عندك مجلس اخر |
اختي حولت غرفة الحريم لغرفه اطفال لعيالها
والصراحه ارتاحت مره بس هي عملت فكرة حلوة بالغرفه فصلت صندوقين العاب شكلهم زي الكنب بس من دون ظهر وحطت عليه خداديات علشان لو بغت تقعد هي ولا زوجها او اي احد مع عيالها بالغرفه وانا اايدك للفكرة |
مشكوره اختي تيررا و اختي الاوزن على مروركم و ردكم
لان البيت اللي بناخذه باذن لله فيه 4 غرف و صالة طبعا مجلس للرجال و مقلط اذا صدف ان فيه احد بينام عندنا و غرفة للنوم و غرفة الحريم قلت بحولها لبنتي و الصالة تكون للجلسة و استقبال الحريم جزاكم الله خير على مروركم |
أعتقد قرار جيد بإذن الله
حلو تحطين أغراض بنتك وألعابها وكل شيء بغرفتها وتصير الصالة لكم ولاستقبال الحريم وهذا اللي صاير عندي بس الله يعينك على التظيف لأن الصالة مع الاستخدام ما تكون مرتبة دائما ولا تقدرين تقفلينها مفتوحة فلازم الواحد يتابعها بالتوفيق |
مشككوره حبيبتي
باذن لله بحولها الصالة و استقبال الحريم مع بعض تحياتي لكي |
اختي اوافقك الرائي لان الضيوف مو كل يوم لكن بنتك هذه غرفتها
وممكن لو جو عندك حريم تحطيهم بمجلس الرجال |
بالنسبة لي انا ساكنه في بيت ايجار عبارة عن قسم الضيوف غرفتين و حمام اعزكم الله و مغاسل و باب يفصلهم عن باقي البيت و باقي الغرف الثلاثة عبارة عن غرفة نوم و غرفة انا عاملة فيها الدواليب للملابس و الكوي و اغراض الكلية و غرفة ثالثة فيها جلستنا و صالة كمان فيها جلسة و طاولة الاكل
و اول سنتين من زواجي اكتئب لما ادخل قسم الضيوف و بصراحة اخاف:24::24: لانه محد يدخله عندي الا في الاعياد و نادرا ما يكون عندي ضيوف و اذا جو اهلي او اهل زوجي ما يقعدو فيها بيقعدو معانا في الصالة و حسمت امري و قلت لازم حل حرام محد يدخلها و يسكنوها ال(..) و عملت تغيير جذري للبيت الكل عارضو في البداية:30::30: و لكني اصريت اني اغير :29:و لغيت قسم الضيوف و خليته غرفة جلسة و غرفة للكمبيوتر و فيها جلسة و كلها مفتوحه على بعض و الصالة خليت فيها كنب الضيوف للحريم و خليت طاولة السفرة مكانها و غرفة النوم و الكوي كما هي و الغرفة الاخيرة ان شاء الله غرفة البيبي الله يرزقني و مؤقتا لحد وصول ولي العهد قلبنا غرفة البيبي لغرفة رياضة عملنا جم مصغر ندخلها تقريبا يوميا و الحمد لله صار بيتي كله فيه حركة و كل الغرف ندخلها و نصلي فيها و نجلس فيها و انا انصح الجميع انهم يعملو مثلي محد ضامن عمره خلي الواحد يتهنى ببيته و عفشه و الله يبارك لنا في بيوتنا طالما بيتك 4 غرف ليش ما تكون جلستكم في مجلس الرجال و تخلي الصالة مرتبة احيانا على غفلة بيجو الضيوف و يصير تدخلي الحريم في الصالة و الرجال في المقلط و لو اني ما اعرف الفرق بين المجلس و المقلط ؟! بس شوفي ايهم افضل لظروفكم بالتوفيق |
هلا اختي miss. fofo اشكر مرورك حبيبتي
هلا اختي dodi_dabdoobi اسعدني مرورك العطر حلوه الفكرة اللي سويتها و الله يرزقك بالذرية الصالحه و المقلط هي غرفة قريبة من المجلس و احنا حاطين فيها الكمبيوتر و صعب تكون الجلسة في مجلس الرجال الافضل تكون في الصالة تحياتي |
عـــــــــادي حـــــــــلوه الفكــــــــــره0000 عــــــارفه رغـــــــم انو عنــــــــدي مجلـــــــــس خـــــــاص للحـــــــــريم وبمــــــــدخله بس اذا جــــــــوني اســــتقبلهم في الصـــــــــاله000 وبالتــــــــــوفيق0000 |
| الساعة الآن 12:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©