|
اللي مسوي عملية ليزك يدخل ابيه ضروري
السلام عليكم كيفكم ان شاء الله طيبون ياحبايب قلبي هذي اول مشاركه لي بالمنتدى وان شاء الله افيد واستفيد وعندي استفسار بسيط انا مسوي عملية ليزك قبل 15 يوم بضبط والحمد لله الرؤية عندي متحسنة بشكل كبير وافضل من النظارة بس مثل ما يقولون ابن آدم طماع وللحين ما وصلت 100% الرؤية عندي وكل ما اسأل واحد يقول بعد اسبوع بعد كم يوم بعد شهر والاستشاري اللي عمل لي العملية يقول النتيجة النهائية بعد 20 يوم الى شهر فاللي مسوي العملية يقولي الله لا يهينه بعد كم يوم بضبط يصير النظر 100% وتروح الزغللة والهالات |
وعليكم السم ورحمة الله وبركاته
ماتشوف شر اخوي مو متذكره بالضبط الفتره الي جلستها بعد الليزك وكنت اعاني من الزغلله بس تقريبا في غضون شهر بترتاح ولا تحاتي ولاشئ انا كنت اوسوس وافكر ان العمليه ماضبطت وكذا بس الحمد لله الحين لي اكثر من ست سنوات مسويتها ومرتاحه كثير |
غضون شهر بتكونين احسن مايكون ان شاء الله
الله يوفقك وطمنينا عنك |
انا تحسنت بعد 3 اشهر..
|
اولا عملية الليزك لا ترد النظر ميه بالميه
بل سبعين بالميه لروية الاشياء البعيدة وثلاثين بالمية للقراءه وممكن يسوي لك نظارة قراءة اذا كان عندك مشكلة من الاول في القراءة انا سويتها ولبست نظاره سوداء لمدة شهر لان الدكتور منعني من الاضاءة والهواء والتقليل من استخدام الجوال وعدم وضع الكحل بالعين لمدة شهر وباتباع التعليمات والقطرات بانتظام كانت الامور على ما يرام ولله الحمد وبعد شهر ونصف كانت مراحعتي وقال العمليه ولله الحمد بخير واعطاني قطره ومرهم استخدمها لمدة شهر والحمد لله اشوف بوضوح لكن لاني استخدمت نظارة قراءة كان نظري ثلاثه ونصف رجع واحد وربع لا تفكر ولا تتوتر فينظر نظرك وضع ثقتك بالله والله معك اسأل المولى ان يشفيك ويرد لك نظرك الى الافضل ولك شكري |
أنا سويت عملية الليزك من حوالي سنة وشهرين الحمد لله كل شي منيح بفضل الله بس لازم تلبسي النظاراة فترة ست اشهر وما فوق انا لحد الأن البسهم بس تقريبا في غضون شهر بترتاحي إنشاء الله
|
معكم بدر من الرياض العمر 27 واتشرف بمعرفتكم
واشكر كل اللي ردو بس اللي ذبحني اني مدمن افلام اجنبية واركز على الترجمه ومرات تكون واضحة ومرات شوي مو واضحه هاهاها بس ان شاء الله بعد شهر تضبط الامور تحياتي لكم |
اخوي بدر انا ان شاء الله بسويها بعد اسبوعين بس ابي استفسر انت وين مسويها وبكم وكيف الدكتور شاطر ياليت تنقل لنا تجربتك ومشكوو مقدما
|
هلا اخوي مش مجرد كلام
انا فرييت كل مستشفيات الرياض يعني تقدر تقول سويت بحث قبل ما اسوي العملية رحت مثلا لمستشفى الحمادي وسعر عملية الليزك عندهم 9 آلالاف ورحت لنخبة اللي بشارع التحلية وسعر العملية عندهم 7500 ومستشفى الحبيب تسع الالاف اتوقع او عشرة والاستشاريون اللي مقابل اليورومارشية بشارع التخصصي سعر العملية عندهم 8 آلالاف واخيرا وبعد كل هلبحث قررت اسويها عند الدكتور خالد بن جبير بالعيادات التخصصية بالحرس خلف اليورومارشية والدكتور خالد بن جبير غني عن التعريف واستشاري ما شاء الله الكل يشهد له ويمدحه وانا اعرف اكثر من خمس اشخاص سوو العملية عنده وكلهم من اكثر من ثلاث سنوات وكلهم يمدحونه وانصحك تسويها عنده وسعر العملية مع الكشف وفتح الملف وكل شي 5800 ومن المفارقات ان ابن جبير له عيادة بالحرس الوطني اللي سوتها عنده ب 5800 وله عياده بالاستشاريون ويسويها ب 8000 تحياتي لك |
| الساعة الآن 07:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©