|
معاملتي مع أهل زوجي
اخوتي اكيد الكل عارف اني ساكنه مع اهل زوجي (والده ووالدته)
والله العالم انا استحلتهم وجيت على نفسي كتير والوضع اللي انا فيه ما احد يقدر يتحمله وحتى لو اهلي كانو عارفين باللي انا فيه ما كان رضيو بحالتي المشكله انه الخدامه اللي تخدمهم راح تسافر الاسبوع الجاي وطبعا لانهم كبار في السن ما في احد يخدمهم والوضع صعب بالنسبه ليا لانو انا اصلا عندي اولادي متعبيني وغسيل وتنظيف (طبعا غرفتي والصاله وشغلهيا مره كتير لانه اللعب والاكل والجلوس كله بالصاله) وهما عندهم صاله يقعدو فيها بس الموضوع انو خايفه من الايام الجايه تخيلو الاب سافر عند قرايب له وامه راح تسافر بعد ما تمشي الشغاله باسبوع والله العظيم كنت مامله اني اسافر هذي السنه ومبسوطه عالاخر وفي النهايه لانو الخدامه عندها متاخرات وهذا بفضل ابوه لانه ما كان يدفع راتب الخدامه وكان ياخذ منها الفلوس عشان يجيب حاجات وهوه والله مو محتاج بالعكس كل شئ متوفر له وامه راح تسافر كمان وتسيب الدنيا ولا كانه في شئ واتاجل سفري بسبب رواتب الخدامه اللي ما اندفعت يعني كل واحد رايح يشوف حياته وانا افضل في بيت ومو حاسه انه بيتي وفوق كده كمان راح اكون انا خدامه جديده طيب حتى لو خدمتهم مبدئيا والله العظيم لو بنتهم (مع انه ما عندهم بنت ) كان سابت البيت ومشيت انا خايفه مره خصوصا انه ظهري تعبان ما اقدر اشتغل كثير وحتى لو جبت خدامه من هنا ما راح تستمر من شغلهم الكثير ممكن اجيب وحده تنظف وتمشي لكن برضو شغلهم اليومي كثير وكل واحد له مواعيد اكل ونوم وشاي وقهوه الله يوفقكم قولولي ايه العمل انا مره خايفه لاتقولولي استحملي لانو عندي صغار يا دوب استحملهم ( الإشراف / عذراً تم تعديل العنوان ليتضح المضمون ) |
عذرا نقل للمكان المناسب |
الله يعينك يااااااااااااااااااااااااارب
ماعرفت ايش اكتب بصراحه بس اتفاهمى مع زوجك انتى لكى بي وبي اولادك مانتى خدامه عند احد |
ادعي لنفسك وزوجك واولادك .....
ادعي ان الله يسهل امورك ......كيف معاملة اهل زوجك معك ؟؟ اذا كانت حلوهـ بالعكس ضبطي امورك ورتبي وقتك ..... والله اعرف وحدهـ من قرايبي مضبطه امورها ومرتبه وقتها ومرتاااحه لاتضيقي صدرك والله اهم شي الراحه النفسيه ..... دائما اقول اشتغل واتعب جسدي بس اكون مرتاحه نفسيا .... امااذا كانت العلاقه سيئه .....فااستغلي هذا الوقت بتحسين العلاقه من خلال تنظيم الوجبات ....تقديم اكلات يحبونها الدنيا ماتسوى نملا قلوبنا حقد وكراهيه الحياهـ عيشيها بحب عشان ربي ينولك اللي في بالك تقبلي مروري ....... |
الله يسر لك كل أمورك والله ماعندي شي أقوله ولا عندي خبرة بهذه المواضيع بس ماحبيت اقرأ الموضوع واطلع بدون ما ادعي لك.......
|
اقتباس:
انا زوجي الحمدلله اشاء الله متفاهم بس لو ما عملت شئ وانا ساكنه معاهم اكيد ماراح يسكتو الله يسعدكم ادعولي اسكن لحالي |
اقتباس:
ما يتركو شئ عليه الا وانتقدوه ويدخلو نفسهم في اي شئ وما يمسكو عليا الا الاخطاء خصوصا امه تكون كويسه فجئه تلاقيها انقلبت وبعدين هما من النوع اذا اتعودو على شئ يكون عليكي واجب انك تعمليه انا ما ابغى اعودهم على كده والله الاولى اخدم امي وابويا وانا ما احقد عليهم لكن انا خايقه منهم لانو انا مو من النوع اللي ارد بالعكس اكتم في نفسي وابكي وبس |
اقتباس:
يا قلبي والله كفايه عليا دعوتك الحلوه ربي يسعدك يارب |
لآ تذلين نفسك ِ ,,
وآنتي كمان لك طاقه محدده ماراح تتحملين كل ذا يكفيك هم اولآدكَ ,, آذآ هم ماراح سابو آلبيت وسآفروآ وانبسطوا ولا جابوا خبر انتي وش لكَ ! ماعليك الا من بيتكَ , والباقي سيبيهَ , << :) |
هلا بأم مودي
لالالا ياأم مودي لاتنسي ان ماعندهم بنت وأنت بنتهم حتى لو انتقدتك عادي اتحملي اعتبريها أمك والبنت ماتزعل من نقد أمها وكله علشان خاطر عيون زوجك يهون والدنيا يااختي رايحة واللي تقدميه بتلاقيه واليوم هم معاك بكرة ماتدرين متى ساعتهم ويرحلون أو ترحلي أنت وخدمتك لوالدين زوجك بيكون لك فيها خير كثير أولاً :رضى زوجك ورضاه قد يكون السبب لدخولك الجنة وثانياً : أجر الإحسان للناس وثالثاً : ربنا بيسهل لوالدينك من يخدمهم بخدمتك لهم ورابعاً : ربي بيسهل لك زوجات أولادك يخدمونك في كبرك وخامساً: ربي بيبارك لكم في رزقكم وحياتكم ,,,و,,,و,,, والأجر محفوظ ماراح يضيع اهم شيء تحتسبي لوجه الله سوي اللي تقدري عليه واطلبي من الله يعينك وزوجك ماراح يقصر معاك وبيساعدك ويعذرك. وكلها فترة وتجيهم شغالة جديدة وتكوني ارتحتي وكسبتي الأجر وكبرتي في نظر زوجك وكسبتي الجمالة معاهم |
| الساعة الآن 11:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©