|
حتى يوم صرت ام وهو اب ... مو مصدقتني روحي بيت اهلك ..!!!
مليت هذه المقوله من بعد زواجنا بسنه وهو دائما بعد او وقت المشكله روحي بيت اهلك بصراحه اول مره ارد واقوله انت ضعيف شخصيه لانك ما تواجهه وتقولي روحي بيت اهلك (( تحليل ضعيف شخصيه للي يقول لزوجته وقت المشكله روحي بيت اهلك اخذتها من وحده كاتبه موضوع في المنتدى )) وفعلا هو ما يقدر يواجه ولا ليه روحي بيت اهلك انا ماني داريه منين الاقيها يعني من المشكله والا روحي بيت اهلك ...... من فتره ولله الحمد ما تشاجرنا وفي صلاح والحمدلله يمكن بنتي لها دور بهالشيئ لكن على قولتهم هالملح الذي لا بد منه لكن هالمره جاء البحر كله يعني ملحه كله .... والله ماكان بينا شيئ وداني بيت اختي ازورها من الساعه 8 وتركني عندها الى الساعه 2 بالليل ايام الاسبوع يعني مو خميس ولا اربعاء لدرجه ان زوجها جاء وجلس برا ينتظرنا نطلع لان شقته تحتم عليه كذا وانا دورني وين اودي وجهي فيه وكل ما ادق عليه انا مع فلان اصلح سيارته وراجع بالاخير ودانا زوج اختي بنده قلت انا ابى اغراض واقرب له من بيت اهلي وجاني زوجي الساعه 2 بنص الليل لكني عرفت انه مسافر الاخ الفاضل لانه مقفل جوال والثاني حاطه دعاء وكل العلامات تدل انه مسافر قريب وراجع تخيلو كيف مداه الوقت .. وصارت مشكله منه كلمه ومني كلمه ومو مصدقتني روحي بيت اهلك ............ |
طولي بالك
صلي على النبي البحر عنده مد وجزر اليوم دور المد وغدا الجزر قولي له مش رابحه بيت اهلي |
مشكله
فوق شينه قوات عينه..يكذب؟؟ الله يكون بعونج بصراحه |
استهدي بالله
انتي من يوم مايقولك روحي بيت اهلك قوليلو هذابيتي وانا مااطلع منه البيت بيت الحرمه مو الرجال انت اذا تبي تطلع اطلع انا مااحب اهلي يعرفوا بمشاكلنالانه ماابغى فضايح اي شي يصير ببيتنا يصير ستر ومايطلع برا ولازم نحله ببيتنا ربي يعينك وييسرلك امورك |
شوفي أختي مو صحيح انا من قال هذه الكلمة ضعيف شخصية
بل زوجك مال منك وغير مرتاح في حياته معك ولذلك تخرج الكلمة منه عند اي مشكلة تحصل بينكما فأنا أعرف رجل كان يقول لزوجته هذه الكلمة كثيرا لأنها لم يكن مرتاح معها حتى تم الفراق بينهما |
الله يعينج يا هند
هذا اللي اقدر اقوله |
طيب ليه مكذبته
واي علامات اثبتت لك انه كان مسافر ؟؟؟ يمكن فعلا صادق انا ما ادافع عنه بس بعد عناء يوم كامل حتى لو هو مسافر صدق ورجع بهالسرعة الحمد الله انه ماجاه شئ لانه اكيد كان يقود بسرعه هذا أولا ثانياً : أجلي الموضوع الى اليوم الثاني لو هو مسافر بتتفاهمون وتحلون المشكله ولو هو فعلا ساعد صديقه الله يعطيه العافية وماقصر ونعم الصديق لكن قد تحدث مع زوجك ويتعطل |
| الساعة الآن 03:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©