|
كيف امنع ابنتي ان تأكل من صحن الآخرين
السلام عليكم انا سؤالي مبين من عنوانه, بنتي عمرها سنه و 8 اشهر و دائما تتعبني و تحرجني قدام الناس المشكله انها مستحيل تشوف احد يشرب او يأكل الا ما تذوق وتاكل معاه. يعني انا ما اقدر اتهنى واشرب كاسة الشاي او القهوه بسلام الا ما تيجي عندي و تتعبني الين ابطل اشرب لا و اذا جاء عندي ضيوف خلاص كارثه تصير يا تكب عصيرهم او تصر انها تاكل من صحنهم مع انه عندها صحنها الخاص وفيه نفس الشي, واذا رفضت صارت مناحه :( :23: :29: انا احيانا اكون حازمه معاها و احاول اكلمها على قد عقلها و استخدم عبارات بسيطه مثل اني اقولها لأ, عيب, هذا حق فلان, هذا حقك و أقول اسمها. احيانا تستوعب و تروح بس دقايق و ترجع تطلب و ما انكر اني احيانا اظعف و اعطيها الي تبغاه بس عشان تسكت و اريح اعصابي, وادري ان هذا اكبر غلط لأنه بكذه هي راح تكون مشتته احد ينصحني ايش اسوي وايش الطريقه الصحيحه عشان تبطل العاده هذه. لا احد يقولي انها صغيره وهذا شي عادي لأ انا اشوف عيال الأجانب بعمر بنتي قمه في الأخلاق و ما يحطوا شي بفمهم الا ما يستأذنوا |
اولا عودا محمودا حبيبتي .. اشتقنالك ..
ياستي مشكلتنا العرب اننا عاطفين و نفسنا قليل .. اولا ندلل ابناءنا من الصغر .. اذا بكو عطيناهم اللي يبووون عشان نفتك من وجع الراس لكن بالمقابل تشوفي الاجانب لو الطفل يبي شي غلط و بكا عليه يخلوه يبكككككييي لين يطيح اللي براسه حتى لو بالشارع او بمكان عام مبدأهم واحد .. فيتعلم الطفل هذا المبدأ و يعرف انه بكاءه ماراح بنفع بينما اطفالنا يعرفوا انهم لو بكو و خاصة لو احنا في مكان عام او عند الناس اننا بنضعف لهم ... الحل انك تفولي لها عيب. ان بكت خليها تبكي لحااالها ولا تضعفي لها لما تمل يا اما تنام او تسكت لحالها و استمري على هذا الشي .. بالبيت .. او خارجه و لا تضعفي لها ... يمكن بتلاقين بعض لاحراج في بادئ الامر لكن عادي خليها تتعلم انه لا يعني لا خلاص و بالنهاية بترتاحي ان شاء الله ربي يحفظها لك يااارب |
اقتباس:
هلا نورا يا قلبي.. والله انا اشتقتلكم اكثر والله اني حبيتك في الله من زمان, ما ادري اذا متذكره مواضيعي القديمه الي كنت اشتكي فيها عن الغربه و عن الوحده, و كنتي تواسيني وتقولي الحال من بعضه سبب غيابي اننا نقلنا لبيت جديد في العاصمه قعدت أزن على زوجي لين وافق الحمدلله , و النقل كان مفاجئ كان بس عندنا مهلة اسبوع. بس الحمدلله رتبنا امورنا :22: نرجع لموضوعنا :d صحيح والله اننا نضعف قدام العيال خاصة في مكان عام, وهي ما شاء الله عليها تستغل الفرصه هذه حتى لو كنت انا حازمه و رافضه نهائيا, الاقي بعد دقايق ابوها اعطاها الي تبغاه :29: :( :29: محتاجه حل عملي و لا احسنلي اتصل على Nany SOS :d الله يحفظلك ابنك من كل شر ..و الله يهديلكم الوالد و يرده ردا جميلا بأذن الله |
ووالله اني احبك في الله
طبعا اتذكرك ياقمر ... لاني لما اقرا مواضيعك ... تذكريني بنفسي :) من ناحية الغربة و طفشها و حتى لو تذكرين طولنا نفسه ووزنا كان نفسه قبل ما تنحفي من ورايا :) اقتباس:
بيني وبينك الرجال كلهم كدا نفسهم ضعييييف .. احيانا بالسيارة ابني عمره سنة ماشاءاله يعمل منااااااحة بكل معنى الكلمة وده يطلع من كرسي السيارة و انتي عاارفه ممنوع و ففيها غرامة و نقط ماحنا ناقصين :) بس اتخيلي يكون بكااء بحرقة بمكان صغير مقفل .. والله احس انه نفسي اقوم اعضضضضضضه و ابوه طبعا شوي و ينجن و يقولي خلاااص طلعيهه. و ترجع مشكلة بينا طلعي و انا اقوله لا خليه يتعلم و فعلا ما اطلعه و بالنهاية من البكا يناام :) :) .... و الحين اتعلم خلاااص يقعد ساكت... و فهمت زوجي انه ما يتدخل بهكذا مواقف المهم ياستي هذه اساس المشكلة لازم تتفقي انتي و ابوها على نمط التربية ... اذا هو شد عليها انتي لا تعطيها اللي تبي و انما بيني لها خطاها و انه ابوها صح و اذا انتي شديتي المفروض انه ما يضيع تعبك و يعطيها اللي تبي و انما ياخذها على جنب ويقولها ماما زعلانه منك و انتي غلطانه و هذا عيييب بس ما يعطيها الشي كلمي زوجك و حذريه قولي له لو اتساهلنا من الحين بعدين بيصعب علينا التحكم و السيطرة واللي يرخي من لبداية صعب يشد بعدين.... ولا اتبعي طريقة سوبر ناني .. خليها بكرسي العقاب كم من دقيقة :).. شيلي معاك الكرسي حتى للمطاعم :) |
نسيت اسالك جربتي معاها الهدايا ... يعني قبل ما تطلعي قولي لها لو جلستي شطوورة
بجيب لك sticker .. او مثلا حلاوة او اي شي .. ولما تتشاقى برا ذكريها بهداوة بالهدية .. و ان ما نفع ارجعي للاسلوب الاول .. خليها تبكي لين تسكت لحالها :) :) ربي يحفظها يااارب و تشوفيها عرووس و مبروووك البيت الجديد ربي يجعل عتبته خير و بركة عليكم و تجبي لبنتك اخ صغنون |
عزيزتي الحل بانك تكوني حازمه حتى في نبرة صوتك
بمعنى المره الاولى تقولي لا المره التانيه صوتك يكون اعلى واكتر حزم بعد كده اذل رجعت للصحن حقك اسحبيه منها بدون اي كلمه بين فتره وفتره كرري كلمه لا و لا تردي على بكائها ولا على اي حاجه تسويها كله عشان تلفت نظرك الين ما تسكت وتكتشف ان بكائها ما جاب نتيجه وقتها فهميها على قد عقلها ان هذا الشي غلط و فكره الستيكر ترى جدا ممتازة خاصه مع هذا العمر |
يخلق من الشبه 40 يا نورا :) والله يحفظلك زوجك الطيوب و ابنك الشقي :) عجبتني فكرة كرسي العقاب و الأستكر حلوه و فكرت فيها قبل بس ما اظن انها تفهم بالأشياء هذه لسه صغيره سنه و 8 شهور صح صادقه يا miss fofo لازم اكون حازمه معاها و الا راح تتعلم انه بالبكاء و الصراخ تحصل علي الي تبغاه احسن شي اني اشتري كتب عن تربية الأبناء و طرق العقاب المناسب لكل سن, و كمان عن التطورات في المراحل العميريه و مدى استيعابهم للأوامر اذا عندكم مثل هذه الكتب باللغه الأنجليزيه ياريت لو سمحتوا تتكرموا و تعطوني أساميهم, لأنه صعب الاقي بالعربي هنا :29: |
فيه كتب للمربيه ناني موجوده بالانقلش والعربي
|
فعلا الحزم مع نظرة حاده ان شاء الله تنفع وفهمى الاب نفس الشي عشان لازم تكون مظبوطة الدلع الا يخرب الاطفال ودايماااااااااا ياامهات التشجشع ومدح الطفل على العمل الا سوا والبعد وطناش وعدم الاهتمام باي عمل غلط جيبلها اشياء خاصه بيها صحن ملعقه طقم كامل لفلة او اي شخصية محببه لها وعوديها تاكل فيه واذا كررت نفس الشي احرميها منوو اهم شي خليها تختار الشي الا يناسبها دي طريقه مجربه مع اولاد اختى صاروا لمن يجوا يطلبوا صحونهم الخاصه بياض الثلج وتويتى يارب اقدر افيديكم |
شكرا miss fofo ان شاء الله بحاول ادور في النت او ادور في المكتبه العامه بنت مكه شكرا على النصائح الحلوه مشكلة بنتي انها تحب تقلدنا في كل شي, يعني اشتريت لها طقم خاص من صحن و ملعقه و كاسه بصور ميني و ميكي ماوس, لكن ما تبغاهم تبغى نفس صحوننا و أشيائنا :29: خلوها على الله بكره ان شاء لما تكبر شويه يمكن تعقل و تبطل الحركه هذه |
| الساعة الآن 01:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©