هل 75 ألف ريال تُزوج ؟
 

السلام عليكم

كنت اتكلم مع واحد من زملاء الجامعة

وسألني هل 75ألف ريال تزوج وإلا لا ؟
طبعاً هذا آخر حده

وهو راتبه تقريباً ماينزل عن 2500 ريال شهرياً ويشتغل خاص بعض الأحيان توصل 5000

بيتزوج قريبه له وهو من المنطقة الوسطى

تزوج خاصة اذا كان الزواج بسيط ومش مبالغ فيه والزوجه قنوعه والراتب اتوقع 5000 تفتح بيت للزوجة الراضية والقنوعة وعلى حسب عيشتها ببيت اهلها والله يوفق الجميع

على حسب الناس وطريقتهم ومهورهم

ومستوى معيشتهم

50 الف مهر ،،، 15 الف تقريباً شبكه ،،، اجار شقه ( مع التأثيث ) لايقل تقريباً عن 22 الف ،،، الذبايح حالياً وصل قيمة الخروف الواحد تقريباً 900 ريال !! وشوف كم راس خروف يكفي !! صالة افراح او استراحه قل تقريباً 10 - 15 الف ،،، شهر عسل التذاكر مع الفنادق لايقل عن 12 الف (( ماليزيا )) .


والله يااخوي ما اعتقد ان خويك بيموت لو مايتزوج الحييين الحيين ،،، خله يصبر شي بسيط لين يكمل 100 الف ، على الاقل يتزوج وهو مرتاح .

غير صحيح توزيعك

50 الف مهر و15 الاف ريال حفلة في قاعة فيه قاعات بس عشاء ب 7الاف ريال وحلوة مرة وتكفي 200 شخص و 8 الاف تقريبا عشاء
لا تنسى مساعدات الزواج بتساعدك كثير مثلا 10 الاف ريال على اقل تقدير

اثاث 20 الف ريال

السفرية مو لازم راح مكة عمرة و الطائف تكفي ولا ما له لزوم بعد

الا تزوج وتجي العافية ويمكن رزقه بزواجه وما في اسهل من الزواج يتيسر بحول الله

نعم تزوج ,,

عليك ان تقسم ال75 الف على البنود التالية:

المهر 25
الشبكة 15
العرس (اذا كان عليك) 15
شهر العسل 15

و ممكن تشيل شهر العسل او العرس (اذا كان عليهم) و تزيد المهر الى 40

تزوج وعلى بركه الله ..

وأحسن الظن بالله و تجد الخير كله إن شاء الله ...

و المبلغ يكفي بشرط أن يكون المهر معقولا جدا ..

فمثلا بما أنها قريبه له فهم عارفين وضعه لذا إن شاء الله يقدرون وضعه ..

والمبلغ طيب ..

فالمهر بحدود 30 الى 40 معقول ..

والحفل عائلي باستراحه و المعازيم الاقارب ..

وقل 10 الاف ...

و شقه اجار مع الاثاث ب الباقي من المبلغ ويتفق مع صاحبها يدفع له شهري أفضل ..

وشهر العسل اذا جاه معونه - رفد - طيب يروح و اذا ما جاءه يرزقه الله ..

ويروح بعدين ..

وفقني الله و اياكم لكل خير ،،

والله للأسف في هذا الزمن ماتزوجك إلا إذا كانت العروس وعائلتها قنوعين

مهر = 40000
ذهب او شبكه = 10000
هدايا = 5000
تأثيث = 25000
اجار مقدم ست شهور = 10000
العرس (العشاء + القاعة ) = 20000
الطقاقات = 5000
السفر = 10000

125 ألف
ياحبيبي من وين نجيبها ذي :eek:

لكن تدري الله كريم ...وبإذن الله ربي ييسرها :cool: