|
ماهي أفضل المنتجات الخاصه للعنايه بالبشره الجافه
بنات ابي اعرف كيف انظف بشرتي تنظيف يومي
انا عمري 24 بشرتي جافه و الحمدلله صافيه استخدم الميلك و التونر بس ما اعرف شفايدتهم استخدم مقشر نيوتروجينا المنشط عندي الرؤوس السوداء خفيفه كنت استخدم مقشر نيوتروجينا ضد الرؤوس السوداء بس ما كان يشيلها بس ناسب زوجي استخدمت اللزقه وما في فايده و لا راحت و لا حبه بالعكس زادت في جهه وحده من الانف و بالنسبه لكريمات anti-aging قريت ان الافضل استخدمها في سن 25 ابي اعرف احسن المنتجات خاصه ان بشرتي جافه و بسرعه تبين التجاعيد في البشره الجافه لو سمحتوا ساعدوني في كل طرق العنايه بالبشره و اعطوني اسماء المنتجات و اذا ممكن صورها و ابي ماسكات كويسه للبشره العفو تم تعديل العنوان ليتناسب مع المضمون.. |
اهلا اختي الميلك فايدته ينظف البشرة ويرطبها هوة شبه التونر بس بصيغة مرطبة للبشرة الجافة اما التونر فهو مكمل لعملية التنظيف فهوة ينعش البشرة ويتعمق في مسامها ليزيل بقايا الصابون الي ممكن تكون ضلت ومانشطفت منيح بعد غسل الوش بشرتك جافة لهيك استخدمي الملك او ازا مابدك ماتستخدمي شي بس اكيد ماتستخدمي التونر في انواع خاصة للبشرة الجافة الرؤوس السوداء ممكن تخف باللصقات و الغسولات لكن بترجع بسرعة الحل الامثل لها هوة تنظيف بشرة كامل عند خبيرة تجميل و بشرة ماهرة لحتى ماتخربلك وشك ممكن تعمليها في البيت بس انا شخصيا بشوفها غلبة و تعب ومهما كان بضل شغل الخبيرات في المراكز احسن وبستخدمو ماركات خاصة ومنتجات متخصصة لهالمشاكل روحي مركز مضمون ليكون التعقيم والادوات نظيفة وهيك وشوفي خبيرة بشرة شاطرة ومعروفة في منطقتك وحتلاقي انها راحت اغلبها بس مشكلة الرؤوس السوداء انها بترجع بسرعة بسبب انو المسام بترجع تنسد بسرعة لهيك لازم بعدها تداومي عالتنظيف بشكل مستمر قصدي انك تنظفي بشرتك في البيت بشكل مستمر بدون تكاسل كريمات التجاعيد فعلا بعدال25 اما الماركات الجيدة في مجال العناية بالبشرة انا جربت لوريال رائعة بشكل غير طبيعي وسعرها حلو جربت شانيل حلوة لكن سعرها غالي عندها كريمات حلوة لكل انواع البشرة كلارنس جيرلان لانكوم ايف سان لوران ديور كلها رائعة في مجال العناية بالبشرة وبتلاقي الي بناسبك بس لازم وقتها يكون في المركز خبيرة بالبشرة تساعدك في اختيار الكريمات المناسبة الك اما مايلزمك للعناية ببشرتك مفروض والافضل يكون كل المنتجات من نفس الماركة وتكون: غسول للبشرة تونر او تونك ازا حابة انا عن نفسي مابستعمل كريم ترطيب نهاري بصيغة غنية قصدي يكون تقيل مش لوشن عشان بشرتك جافة ويفضل يكون في واقي شمس عشان لو طلعتي خارج المنزل ماتضطري تحطي كمان واقي شمس وتثقلي بشرتك بالكريمات كريم عناية وتجديد لخلايا البشرة مسائي ليجدد خلايا بشرتك حيث ان البشرة تعمل في الليل اكتر من عملها في النهار ب7 مرات لهيك الكريم مهم جدا والبشرة بتاخد منو فوائد و كل شي مغذي ...وهوة غالبا بكون بركز على تنشيط الخلايا وتجديدها والتغذية المكثفة للبشرة واعادة حيويتها كريم لمحيط العيون وهادا لتنعيم الخطوط الي بتكون تحت العين و تقليل الهالات و تغذية محيط العينان وبرنامج عنايتك اليومي حيكون صباحا : تغسلي وشك بالغسول ثم تتبعيه بالملك ثم تنظري تتشربه البشرة ثم الكريم المرطب وممكن بعدها توضعي مكياج بس بعد تشرب البشرة للكريم بس ترجعي من برة لو بتدرسي او تشتغلي اغسلي وشك بالغسول الخاص بالمساء اغسلي وشك بالغسول ثم الملك ثم كريم المساء ولاتنسي كريم العيون وفي شي اسمو سيروم هادا بيكون عبارة عن مصل يوضع قبل الكريم وبيخلي البشرة تستقبل الكريم بشكل اسرع واحسن وتمتصه بسرعة فائقة وتاخد كل فوائده يعني بختصار بركز مفعول كريم العناية اكتر ولك الخيار ان تحضريه او لا اما الماسكات بما انو بشرتك جافة الماسكات مهمة لكن مش اكتر من مرتين في الاسبوع ممكن تستعملي زبادي او ماسك حليب جيبي حليب وبقطنة مرريه على وشه امسحي وشك بالحليب يعني وبعد ربع ساعة اشطفي بالماء وجففي وشك وحطي مية ورد ممكن الخيار حلو الافوكادو مع العسل ماحتتصوري اديش هوة رائع من تجربتي العسل رائع جدا في التغذية والترطيب وابتعدي طبعا عن الماسكات الي فيها مواد قابضة زي ماسكات الليمون او البندورة او الفراولة فكلها مناسبة للبشرة الدهنية والا حتحرق وشك وتجففو بشكل غير طبيعي شو كمان ماسكات للجافة ؟؟؟ممممم بحاول اتزكر هادا مايحضرني حاليا ايضا ماسك زبادي مع شوية برتقال رائع جدا ولو احضرتي من الصيدلية كبسولات فيتامين E جيلاتينية بتكون وتعملي الماسك التالي غير طبيعي 2 ملعقة زبادي +3كبسولات من هادا الفيتامين+ نص ملعقة عسل+نص ملعقة عصير ليمون وشوفي الروعة مناسب لكل البشرات ولمنطقة العيون اخدته من زمان من موقع اخر من اخت فاضلة اسمها بنت عذاري وللان بداوم عليه اتمنى اكون افدتك واسفة لو غلطت في شيء وان شاءالله الاخوات يفيدوكي كمان |
ثانكس حبيبتي ملك شادي ما قصرتي جزاج الله خير
انا استخدم الميلك و التونر من لوريال للبشره الجافه بس حبيت اتأكد استخدم الميلك اولا و بعده التونر؟ و السيروم كنت استخدم لانكاستر بس خليته لانه ضد التجاعيد و انا كنت 20 سنه بس ذكرتيني بالسيرم راح اخذ ديور هايدرا اكشن وايد يرطب الماسكات ما عندج شي جاهز بدون خلطات لاني بصراحه كسوله |
اهلا حبيتبي ولا يهمك حقلك
الملك قبل التونر ممكن تستخدمي الاتنين بس الملك قبل التونر هادا الي بعرفو ويعني الافضل كلو يكون من مارة وحدة مش اشي لوريال واشي لانكاستر واشي ديور خلصي الي عندك وشوفي مجموعة كاملة من ماركة وحدة وبما انك 24 يعني عدك صرتي 25 بتقدري تستخدمي كريمات الحماية من التجاعيد بس حرام وانت عمرك 20 ! هاي الكريمات ازا استخدمت بوقت باكر بتعمل مفعول عكسي وبتضر البشرة اما الماسكات الجاهزة والله مافي احلا من االطبيعي لانو بتضمني مافي مواد صناعية بعدين مهوة الجاهز حيكون في باكيت وتفتيحه او في انبوب وتحطيه اعتبري علبة الزبادي علبة الماسك وخدي مباشرة لوشك او العسل بس خففي بمية والماسك الاخير تبع الفيتامين والله بجنن مابدو هالتعب ماتكوني كسولة بس عموما انا جربت ماسكات ماركة لبنانية اسمها beesline تحفة وبتجنننننن حاولت اجبلك الصور بس الموقع الصور على هيئةمابقدر اخد عناوينها ابحثي في النت باسم الموقع يعني اسم الموقع زي اسم الماركة لو مش ممنوع بكتبو بس هوة ممنوع اكيد فهمتي كيف بنكتب واي خدمة اسالي ماتخجلي |
شوفي
أنا بشرتي جافة مثل بشرتك استخدمت اول شي كريم عناية من سان لوران .. حاجة راقية وروعه وحسيت بالفرق من أول استخدام وبعدين استخدمت لوريال أبد ما عجتني فرق السماء عن الأرض ولا راح تقدرين تقيمين الكريمات الا لما تجربين كذا نوع بالنسبة لماركة بزلين الي قالت عنها أختي ملك شادي .. بعد استخدمت كريم منها ومزيل رائحة العرق وبعد ما عجبتني تركتها قبل تخلص العلبة لأني حسيت تأثيرها سيء على بشرتي وبالنسبة للماسكات أنا مثلك ما أحب أخلط وأعمل حاجات طبيعية ممكن كسل فيني بس الصراحة أحس ما منها فايدة وتأثيراتها وقتيه يعني ساعة ساعتين وكل شي منتهي الرؤس السوداء إذا كانت على الأنف مالك إلا اللصقات بس استخدمي نوع جيد وراح يفيد الحليب المنظف حلو .. بس التونك أحس ما ينفع للبشرة الجافة لأنه يجففها زيادة وتحتاجين تونك من نوع خاص .. اشترينا من سان لو ران تونك خاص بالبشرة الجافة فيها مواد مرطبه وفي نفس الوقت منظف بعمق صراحة روعه الماسك عندي ماسك للبشرة الجافة من سان لو ران خيال روعه يخلي بشرتك مثل الاطفال المقشر استخدمت من لانكوم بعد روعه ولطيف وناعم ويخلي البشرة ناعمه وصافية الحين استخدم كريم من ديور بس تبين الصراحة مو لهناك عجبني .. رغم أنه غالي تمنيت اني ما شريته باختصار إذا عندك ميزانيه ممكن تجربين حاجات ماركة .. شانل روعه بس غالي وكل الماركات غالية ويبي لها مزانية على طول .. واذا صعبة وهي فعلاً يبي لها ممكن تستخدمين كريم العناية + السيروم من ماركة عالمية باقي الاشياء ممكن حاجات متوسطة |
اخت باريسا بيزلين انا جربت الماسكات حلوة بس الكريمات والمزيلات سمعت انها مش بزيادة بس الماسكات من تجربتي تحفة
وحابة اقلك ازا في ماركة ماعجبتك في الاستعمال مش معناته الماكة سيئة بس بتكون مكوناتها ماناسبت بشرتك مثلا انا جربت جيرلان وجيرلان رائعة جدا و عالمية وغالية جدا مع هيك ماعجبتني بالمرة هادا معناه انها سيءة اكيد لا بس حسب البشرة وفي وحدة بعرفها جربت لانكوم ووقعدت تغلط عليها هههه بتقول عاطلة يعني لانكوم من وين بدها تكون سيئة.؟ بس كل ماركة بتكون الها تركيبات محددةممكن تناسب بشرات واخرى لا :) |
شوفي يا حلوة أهم شي في البشرة الجافة انها تكون مرطبة على طول...وقللي من الماسكات لأن معروف الماسكات تجفف البشرة أكثر... خلي الماسك مرتين في الشهر... للبشرة الجافة جربي Issima Hydramythic من جرلاين بصراحة رائع جدا..وهو يحتوي على حماية من الشمس بنفس الوقت... عندك Resolution D Contraxol من لانكوم مفيد للبشرة الجافة وفي HydraQuench Rich Cream من كلارنس حلو وايد وبعد aquamilk من لانكاستر... هذول أفضل شي... بالنسبة للتونك...استخدمي التونك العادي من جيفينشي مفعوله رائع... وابتعدي عن غسل الوجه بالماء كل شوي... ولا تنسي كريم العيون... وأي استفسار انا في الخدمة.. |
البشره الجافه
حتى تنظيفها يكون بلمواد المرطبه و المقشرات و التونر ما تكون بحاجه لها بشكل يومي اهم شي دايما ترطبيها بلمرطب الغني و الكثيف |
جزاكم الله خير وايد استفدت منكم
بس احترت مب عارفه اخذ اي ماركه ديور عجبتني منتجاتهم للبشره الجافه شانيل و سان لوران مادري ليش ما اقرب صوبهم كلما ادخل المحل على طول اروح صوب ديور و جفنشي و لانكوم في الميك اب و العطور و الكريمات ان شا الله هالمره بشوفهم و بجرب المنتجات اللي نصحتوني فيها |
| الساعة الآن 12:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©