|
هل هذا توتر ماقبل الزواج ؟
السلام عليكم ورحمة الله وبركاته باشرح لكم حالتي النفسيه وابي رائيكم بالموضوع انا خطبت ( ليست ملكه ) وبعد ماخطبت ماادري وش صار لي مااحس باي نوع من الفرح ويجيني احساس اني استعجلت ومرات احس اني ماخطبت الناس الي ارغب فيهم مع العلم ان اهل البنت من احسن العوائل بس ماادري وش الي قاعد يصير لي يجي ببالي اني استعجلت ابي رائيكم في الموضوع هل الحاله التي انا فيها شي طبيعي ويسمى توتر ماقبل الزواج او اني اتراجع عن قراري مع العلم ان يوم خطبتي الرسميه الكل كان فرحان الى انا والكل استغرب من ردة فعلي افيدوني الله يخليكم انا في وضع نفسي سيىء جداً جداً الاشراف : عذراً تم تغيير العنوان ليناسب المضمون |
والله ما أدري ايش اقولك
أنت ادرى بنفسك لكن في الخطبة المعتمد على أول انطباع يعني بغض النظر عن اهي من احس العوائل او غيرها أنت لما شفتها لأول مرة شنو كان شعورك .. هل ارتحت لها .. أو حسيت بانقباض من النظرة الاولى وهذا ماله دخل كونها من أحسن العوائل أو أهلك فرحانين او لا وفي هذا الموقف أنت الحكم الأول والأخير ممكن تكون فعلاً انسانة ممتازة وذات خلق ودين .. بس سبحان الله الأروح لها أحكامها شنو كان شعورك أول ما جات عينك عليها إذا اول ما شفتها كنت مرتاح وفرحان .. فالي انت فيه مجرد توتر طبيعي أما إذا من البداية ما أرتحت وحسيت بانقباض لكن مشيت الموضوع بدون الاهتمام بشعورك الأول فا راجع حساباتك .. للحين انتوا على البر |
كل اللي تحسيه عادي جدا جدا ..
ربي يسعدك ويوفقك ... |
السلام عليكم الجميع......
والله ياخوي شعورك طبيعي جدا جدا جدا جدا انا صابني نفس وكأنك توصف حالتي وقتها ومو بس انا وانت كل الي أعرفهم جاهم هالشعور فلا تشيل هم وأنا أخوك أفرح وأستانس وربي يسرلك هالزواج إن شاء الله |
انا يا اخي برضو كان نفس الشعور عندي لانه ما كنت اعرفه منيح و لا اعرف طباعه
ما اعرف اذا الرجل يختلف عن البيت و الا لا , بس كنت حاسة انه كااااان كتييير مبسوط و اخد على الوضع من اول مرة بعكسي انا اخدت فترة طويلة انت ادرى بنفسك |
هل شفت البنت وسألت عنها؟
إذا إنت يا أخي مرتاح من البنت وأخلاقها و ((((((طبعها))))) فأسأل الله لك التوفيق والسعادة وأحيانا يخوك الشيطان الله يكفينا وإياك شره يحاول يثنينا ويحبطنا عن الزواج أو يجيب لنا أفكار إن هذا الزواج ما راح ينجح ادع الله يكفيك شره ويهديك للي فيه الخير ويسعدك في زواجك الله يسعدك |
اقتباس:
اولاً اشكرك على تفاعلك انا بقولك شعوري لما شفتها جاتني راحه وسكينه وفرح سبحان الله اول مره احس بهذا الشعور بس ابوها مايبشر بالخير انسان متعلم بس فيه تعالي مو طبيعي وانا ماتعجبني هذي النوعيه يعني بدون مبالغه جلس معي 3 مرات كلها تحقيق ولما وافق اقسم بالله مافيه اي نوع من الفرح بعيونه مره متكبر وقاهرني بصراحه يعني نظراته مدري كيف جايه وغير كذا انا اقدر انه يخاف على بنته لما سئل عني بس والله والله ياناس الرجل سال عني زين وعرف كل شي عني بس زودها يعني بصراحه حسيت انه زودها مره وجاني شعور ان العائله موسوسه ياناس مافيه اي ابتسامه كنهم يناضرون وحش قدامهم |
السلام عليكم ورحمة الله وبركاته أخ احساس ثاني
شعورك طبيعي جدا لأن هذا ما حدث معي الضبط وهذا الرابط http://www.66n.com/forums/showthread.php?t=183676 وكنت متخوفة جدا مع أننا سألنا عن الشاب دينا وأخلاقا جيدا...ويوم اعلان الخطوبة كنت أبتسم وأنا متضايقة أنني استعجلت ووافقت ولكن بعد ان عقدت قراني ..وتكلمنا ارتحت له والحمد الله ولكن تأكد من دين وأخلاق الفتاة والعائلة.. وأتفهم شعورك من ناحية الأب..ولكن ليس هنالك من أحد كامل إلا الله سبحانه وتعالى..وشي طبيعي تجد في العائلة من هو مختلف الطبائع..ولكن هل أنت متأكد أنه متكبر أم رسمي بزيادة؟ أو جاد؟ وكيف هي الأم؟ شخصيتها؟ إذا سألت عنهم جيدا والوالدة كلمت الأم وأعجبت فيها وسمعة العائلة زينة توكل على الله بالتوفيق يا رب يريح بالك ويطمئن قلبك ويسعدكم وإيانا دنيا وآخرة اللهم آميين |
اقتباس:
هذي البنت مناسبة لك .. ولا تكدر نفسك ولا شي وما تحاول تشغل نفسك بأشياء جانبية .. وإذا أهلها ما بدر منهم تصرف غير أخلاقي .. أو حاجة سيئة .. او طلبوا منك طلب غير معقول خلاص مشى الموضوع لأن الزواج مشروع ابد مو سهل .. وصدقني أنا مقدرة موقف ابوها وخوفه عليها ترى هو مراح يعطيك بنت وبس ..لا .. هو بيعطيك قطعة من قلبة ويبي يعرف هل راح تقدر تسعدها وتحميها لأن يشوف نفسه شلون كان يراعيها ويخاف عليها .. هل أنت بتخاف عليها مثله أو بتظلمها .. صدقني كل هذي اشياء طبيعية وموضوع أنه موسوس أو عايلتها موسوسين .. اقول بعد هذا شي طبيعي لأن أحنا هليام نسمع بتجارب الناس ونخاف نطيح في مثلها .. أنت تشوف أن هذي الاشياء مالها داعي لأنك عارف نفسك وواثق فيها بس لازم تعرف أنك شخص جديد داخل على هالعائلة وللحين ما عرفوك تمام مو سهل أبد أن البنت تنظلم وبعد فترة ترجع بيت ابوها بدموعها ابد مو سهل .. يعني ابوها عنده يموت ولا يشوف دمعة بنته ولا راح تعرف هالشعور إلا لما تكون أب في مثل موقفه وهو يستعد لتسليم هالامانة لشخص ثاني وصدقني هو راح يبقى خايف عليها لما يشوفها مبسوطة معك ومتستقرة و لما تقوله بلسانها أنا مبسوطة ومرتاحة ومدام انهم وافقوا عليك معناته مطمنين لك بنسبة معينة بس يبون يطمونو أكثر والا لو شايفينك وحش مثل ما تقول ما خلوك تشوف ظفر بنتهم من البداية بس كل هالخطوات الي صارت دليل أن في أطمئنان لك .. بس يبي لهم وقت عشان تستقر نفسيتهم ويطمون على بنتهم عموماً أنا طولت عليك .. بس حابة أقولك في النهاية افرح وانبسط و اترك عنك هالأفكار ولا تضيع أجمل لحظات عمرك بمثل هالافكار لأنك من الاساس انسان مستقيم ولا راح تظلم البنت فليش خايف |
اقتباس:
كلامك منطقي وراح اعمل فيه لاني اقتنعت كثير منه الله يوفقكم وين ماتروحون |
| الساعة الآن 11:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©