ايام الملكه والزعل السخيف
 

سلام عليكم ورحمه الله


انا بنت املكه من فتره وزواجنا باقي له فتره
المهم زوجي من فتره شرالي ملابس ومن بين الملابس هذي بجامه (تي شرت مع شورت بس مره قصير مع شبشب مع .........) امس جا عندي وقالي البسيه ما وافقت بعدها قالي يالله عاد قومي البسيه مشتهي اشوفه عليك قمت ولبسته واحنا جالسين غطيت رجولي بحاجه جمبي حاول يشيلها بس ماوفقت قام زعل وطلع من البيت ارسلت له مسج واعتذرت فيه قالي اتمنى بكره اشوفه عليك وماني عارفه شنو اسوي

صح قالي اذا ما لبستيه ماراح اشتريلك حاجه مره ثاني انا اذا شتريت ابيك تلبسين يعني اذا ما شفته عليك منو اشوفه عليه ؟

طيب زين انها بيجامة مب قميص نوم ;)



عزيزتي..

قد ترين الأمر سخيفاً ... ولكن الأمر لا يستحق عمل مشكلة .... البسي له البيجامة حتى يرتاح.


أفهم أن الحرص واجب .. ولكن التحبيك الزائد ليس له داعي .. وهو في النهاية زوجكِ وليس شخصاً غريباً .... يعني لا شيء في أن يرى ساقيكِ.

الدعوه بسيطه جدا ولا تكبرينها اختي الكريمه وترا هو مو زعلان زعل مره قوي يعني يزعل كذا عشان يضغط عليك تلبسينه انا رجال واعرف حركات الرجاجيل

العتب عليكي اختي الكريمة

اسمعي واطيعي

فهو زوجك ومن حقه ان طلب ما يشاء في حدود ما احل الله

فبالتالي واجب عليكي طاعته

ان من ابغض العادات التي لا احبها ان تطول مدة الملكة طويلا

ففي حقيقة الامر ان كتب الكتاب او ( الملكة ) هي الاعلان بالزواج وبهذا يحل الزوجان لبعضهما البعض

فبالتالي من حقه ان يراكي ان تريه بغض النظر عن وقت اعلان العرس

والله يوفقك اختي الكريمة واسمعي واطيعي لزوجك

ياربي يعني برايكم البسه


طيب مااطيح من عينه بعدين؟؟ يقول ذي خفيفه بزعله استسلمت

مشكور اخوي بو عبدالله ردك كثير حلو ومفيد

تسلمون حبايبي على الرد ان شاء الله يجي وفي اقرب وقت البسها