|
ما الذي ينطبق على هذه الحالة ؟
السلام عليكم و رحمة الله و بركاته ،،،
حين يكون حصل مشكلة بين زوجين والغلط راكب الزوج من ساسو لراسو ويعني الموضوع مش بسيط ومفروض الزوج يتحمل زوجته في زعلها و اسالتها و ديقها تكلمو في الموضوع يومين والزوج يصالحها ويبررلها ويفهمها تصفى النفوس والزوجة تاني يوم يرجع الها الغضب والديق والحزن وبعد يومان فقط من المشكلة الي مافي وحدة بتسكت عليها ولو وحدة غير هالزوجة كان فضحت الدنيا لكنها كانت عاقلة ومسكت اعصابها المهم في هذا اليوم دخل الزوج وراحت رمت عليه كلمة بلؤم كانها تشكك في مصداقيته ومن بعدها ثار الزوج ولم يهدا ويقلها خلصنا من المشكلة انهي وصراخ وعصبية و يعني كانو صاحب حق وتهديدات ووعيد وانا حوريكي وحتشوفي ويعني كانو بقول خدوهم بالصوت ليغلبوكم يعني بعلي في صوتو وبعمل حالو صاحب حق عشان الزوجة ماتفتح الموضوع تاني ويعني يقلب الدنيا فوقاني تحتاني ويسمع زوجته كلام غير طبيعي ومسيء للزوجة بشكل كبير واخرها يقلها انا بطلت بدي اياكي لا انتي ولا بنتك وابنك مابدي اشي منك يعني يقلب الدنيا عراسها وهوة الغلطان ويقلها روحي لبيت اهلك احكيلهم انو خلص حنترك بعض خدي بنتك وابنك معك مابدي اشي منك الا تلاحظون ان المثل ينطبق عليه شين وقوي عين ؟؟؟ الا يحق للزوجة على زوجها في هيك حالة ان يتحملها شوي لانو الموضوع مش سهل ومابتنسا في يوم وليلة ابدا الزوجة التزمت الصمت وبكت والزوج خرج من المنزل ولم يعد والزوجة انحرقت وحاسة بالظلم ودعت على زوجها من احساسها بالطلم ومش قادرة تسدق انو بعد الي صار كمان جاي يسرخ عليها ودعا عليها بالموت !!! الا ترون ان هالزوج ظالم وعنجد شين وقوي عين مع العلم انو انسان راءع وبحبها جداااااا وحياتهم مليئة بالسعادة الى ان حدث ذلك الموضوع تلك كان ماحصل مع صديقتي خبرتني قصتها عالمسنجر لانها تعيش في بلدي و لم تخرج من بيتها عشان ماتكبر المشكلة وانا انقهرت من زوجها وبس كنت اهديها و اقلها معلش ماتزعلي خيلكي احسن منو بكرة بيجيكي لكن بيني وبين حالي كان نفسي اقلها اتركيه وخليه يتعلم لكن ماحبيت اقويها على زوجها واكون سبب خراب بيت مسلم مبني على الحق و السعادة والحب بس بصراحة الي صار قوي جدا والزوج مفروض بتحمل زوجته عبال متهدا صدمتها ومفروض شو متقول يتحملها وياخدها عقد عقلها مش يقلب الدنيا عليها الزوج زي الي مانن عزوجته انو خلص تفاهمو وتخانقو في يومين وانو مفروض خلص انقفل الموضوع وانو مالها حق وخلص يعني رغم انو هوة الغلطان مش عارف يتحمل غلطه ومش عاجبو تتتزكر وعايزها تنسا في لحظة ويوم وليلة ولاكانو شي صار وكل شوي يقلها طيب مطولة حضلك تفتحي الموضوع لامتا خلصينا وسكريه شوفو؟؟؟؟ ولما بتقلو لو حدة غيري كان فضحتك عند اهلك واهلها الا بقلها وقتها بطلقها عشان مابدي مشاكلي تخرج برة البيت !!!!!! المشكلة كبيرة وماحبيت اكتبها عشان خاطر صحبتي خوف في يوم تشوف المنتدى وتلومني او تزعل ولانو الشرح يطول مابدي اكبر الموضوع قهرتني عليها انا لو صار معي هيك بصراحة لاقاطع زوجي مدري اديش بس لانو اسوا اشي الواحد يكون شين وقوي عين عاجبني هالمثل كتير ؟ مارايكم وكيف تتصرف والاكيد انكو ماحتظنو اني صاحبة المشكلة لانو هالمنتدى ماحد بعرفني معرفة حقيقية ومش مضطرة اكزب ويعني ان حكيت المشكلة ماحد حيعرفني ولو عندي مشكلة خجلانة اطرحها باسمي كان ببعت للادارة او استخدم معرف اخر اسجل به بدون م اوضع حالي بموقع ظنون الاعضاء بس انا حبيت اطرحو لنناقش وافهم الي بتصرف بالطريقة هاي شو بيجي عبالو واسفة طولت عليكو والان ابني الله يهديه ببكي وبزن ادعولو بالهداية :25::d |
اقتباس:
عزيزتي أم فهد.. ما دامها كانت عاقلة ومسكت أعصابها .. فلو أنها أكملت جميلها ومسكت لسانها أيضاً. المشكلة كبيرة كما تقولين ... لن نختلف. ولكن حدث الحوار والشرح والتبرير والمصالحة والاعتذار ..... وقد قبلت وهدأت .. وبعد ذلك لا سبيل لمزيد من الاتهامات ورمي الكلام. نعم سأفهم أن الموضوع كبير ولا يمكن نسيانه بين يوم وليلة ... وما دام الأمر كذلك فقد كان الأولى بها أن تقول له ذلك وأن تفهمه أنها صحيح سمعت تبريره وقبلت اعتذاره .. ولكن نفسها لم تصفو بعد وتحتاج لوقت حتى تعود لطبيعتها .. وهنا سيكون الأمر مفهوماً وطبيعياً. ولكن يا أختي لم يكن هناك داعٍ لرمي الكلام والتشكيك ومعاودة مناقشة المشكلة .. لأن المعادلة في ذهن الرجل واضحة: لقد اعترفت بخطأي واعتذرت وهي قبلت ... إذاً الموضوع انتهى. |
معك حق يامهرة كلامك عين العقل
لكن هية بتنام ونفسيتها صافية بتصحا تاني يوم زي المجانين وبددها تنجن وبضل تستغفر لكن اخرها بتخربها ويعني انا مش معك انو الي في ذهن الرجل انا اعتذرت وخلص ليش يعني هما الرجال هيك ؟فاكرين لو اتعذرو خلص معناته الدنيا خربت ومافي اي حق للزوجة ماتقبل وتضل زعلانة وثائرة بضعة ايام اعتذرلها لكنها تاني يوم تصحا والمزيد من الاسئلة تدور في عقلها ومابتتحمل تكتمهم وبترجع تفتح الموضوع يعني صديقتي هاي مرة غلطت وزوجها قعد فترة زعلان وبارد شوي رغم انو غلط تافه لكن بنظر الزوج اشي مهم لكن والله انو تافه واعتذرت الو وهيك لكن بقي فترة مداييق و زهقان والزوجة راعته بس يوم مصار هيك يعمل معها هيك لاوالله انا برايي مفروض تحمل كلامها وحركاتها لبضع من الوقت عبال متكون اخدت كفايتها من الاسئلة والمراجعة وغيرو الله يهديهم وشكرا لرايك وبالنهاية الزوجة انسانة والها حق تزعل بس ايش زوجها مفكر مابعرف عصبت انا عنجد من الموقف لكن حاولت اهديها بس بيني وبين حالي بقول الله يعينك |
كلام اختي مهره عين العقل .. طيب الرجال غلط و اعتذر عن غلطه .. يعني لازم تذله و تحقّره و تستصغره عشان هذا الغلط ؟؟ اكيد ما في رجال يقبل بهذا الشي .. تبغى كل شوي تذكره بغلطته و هو يظل مطئطئ راسه ؟؟ كبريائه كرجل ما يسمح له بان تظل زوجته تذله على غلطه .. هي الان وش استفادت ؟؟ صارت الحين هي اللي في موقف لازم تعتذر من زوجها .. لازم تعرف انها قبلت اعتذاره يعني الموضوع انتهى .. واللي في القلب يظل في القلب حتى تهدأ النفوس مع الوقت .. الله يهديهم . |
اقتباس:
يا ملك استهدي بالله وصلي على النبي .... أنتِ قلتِ إنها قبلت اعتذاره بالفعل. ثم ..ما فائدة الاعتذار إذاً إن لم يكن سينهي المشكلة؟!!!! وأنا في الحقيقة لم أكن أعني نظرة الرجل تحديداً للاعتذار ... ولكنني أعتقد أن كلنا كذلك ... وأنا شخصياً إن أخطأت في حق زوجي واعتذرت وقبل هو اعتذاري فسأفترض أن الموضوع انتهى ولا يجب معاودة مناقشته مرة أخرى. ومرة أخرى أنا لا أقصد نفسيتها وشعورها الداخلي فهذا سنتركه للوقت ... ولكنني أقصد مناقشة الأمر والحديث عنه. طيب هي لا تزال تشعر أن قلبها (شايل) ... إذاً يجب أن يكون أسلوبها أفضل حتى تستفيد من الموقف وتحصل على الإجابات التي تريدها .... أما أسلوب التشكيك ورمي الكلام فهذا ليس أسلوباً جيداً في التعامل بين أي اثنين .. ناهيكِ عن أنها أضعفت موقفها كما قالت أميرات. |
بسم الله الرحمن الرحيم
برأيي ، انه اذا حدث نقاش بين الزوجين وجلسة كاملة وفتحوا الموضوع بالكامل ، وتناقشوا وكل طرف ابدى وجهة نظره في الموضوع و اتفقوا انه غلطان و صار في مسامحة من الزوجة ورضيت ، وانتهى الموضوع ، الأصل ان لا تقوم الزوجة بعد هذا برمي اي كلمة ! لأنها كبيرة و مسؤولة عن نفسها ! وهي سامحته ، يعني باعتبار "فورمات" ، اما اذا كل كم من يوم بدها تعيد و تزيد و تفتح الموضوع من أول وترمي كلام ، هذا الموضوع صعب جداً على الرجل و مستفز للغاية ... هذه وجهة نظري في الموضوع ، والله يصلح بينهم ويوفقهم ،، والله المستعان ... |
اميرات ومهرة معكم كل الحق
لكن لانها صديقتي انا منحازة معها اضافة اني فيه شوية عصبية و قليل من اللامنطقية ورفض للواقع والمنطق لهيك بدافع عن صديقتي ضد زوجها وبتخيل نفسي مكانها كيف حفكر الله يهديني ويهديها ههه شو نقول بس |
الب رسلان انت معك حق
وقلت هالكلام الها لكن هية بتقول كل يوم بتزكر اسئلة جديدة وبخطر عبالي اسالها وازا ماسالتها حضل اوسوس فيها هية بتيجي تسامحه لكن مش هاين عليها انا قاعدة بنقل الها ردودكو بس بلساني قال يعني انا الي قلت الكلام هادا وانو رايي:D شكرا الكم والله يهدي النفوس |
والغلط راكب الزوج من ساسو لراسو
غلطته اكيد كبيره جداجدا ويعني الموضوع مش بسيط تصفى النفوس والزوجة تاني يوم يرجع الها الغضب والديق والحزن طبعا لانها سكتت وقفلت على الموضوع وهي مش مقتنعه وصراخ وعصبية و يعني كانو صاحب حق لماشافهارضيت بسهوله اعتقد انه غلطته بسيطه ملك صحبيتك معاها حق وهو فعلا كان مفروض يستحي من غلطه لكن ايش العمل هلاء هي عندهااولاد واكيد ماحد هناك ناقص مشاكل الله يعينهم على الي فيهم بس والله صعبه بعد كل الي عمله انت طبعا لازم تهديها قد ماتقدري وخليهاتحاول تعتذرله لاتزعلي مني بس بالاخر بتروح على الزوجه هو بكل بساطه بياخد غيرهابالاول والاخربيضل رجال ومعروف انه الرجل سريع الانفعال وكونه اعتذر وبرر فهذادليلل على انه فعلا بيحبها انا لو مكانها اكيد راح اعتذر بعد مااطلع كل الي عندي والله يارب يهون عليها وملك ماتخافي اكيد هي ماراح تعرف انك كتبت المشكله وتقبلي مروري بارك الله فيك:) |
رانيا شكرا الك وبارك الله فيكي
هديتها قد مااقدر لكن في داخلي بقول إن شاء الله ماتهدى ههههههه صراحة قاهرني زوجها لا كمان مبارح رجع ونام بغرفة تانية بعد كل الحجات الفظيعة الي قالها صديقتي بتقول يارب اموت عشان يرتاح وقتها مانن عليها بقلها انت وحدة مفروض تموت وارتاح منها وولادك يصيرو يتامى عمرك شفتي راحت قالتلو ليش انت الي بتقرر مين يموت ومين يعيش الله يعينها ويعينو على مخو |
| الساعة الآن 01:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©