|
أُريد أنواع لقصات الشعر
السلام عليكم ورحمة الله وبركاته
أخواتي العزيزات أبغى ضروري قصات للشعر الناعم والخفيف بنفس الوقت لأنو ناويه أقص شعري وأبغى مساعدتكم وياليت لو فيه صور لشكل القصه ؟؟ تحيتي لكم |
انا نصحتني الكوافيرة بقصة بسموها ديكراديه واطي
يعني الشعر بكون مطبق فيها طبقات لكن الطبقة الأقصر شي بتكون طويلة بحيث ما تكون الفروق بين الطبقات طويلة و بهالطريقة بتعطي كثافة للشعر انا من سنين و انا بقصها لكن بيني و بينك مليت و حابة غير و لذلك رح انتظر رأي الأخوات لكن انتي ممكن تجربيها اذا مو مجربتيها موفقة ;) |
الدكراديه
والفراوله والأناناس هاذي مليت منها ودايم أسويها مره على طويل ومره على قصير بالفعل أنا معاك أبغى أجدد لأني مليت والله تحيتي لك ولزيارتك |
اختي العزيزه
بما أن شعرك خفيف لآزم تختاري قصه بها تدريج حتى تعطي شعرك كثافه راح ابحث لك ان شاءالله ~ وبالتوفيق |
أختي همســـ
حياك الله وأنتظرك بفارغ الصبر والله تحيتي |
تعرفوا الكريه المدرج
انا شعري ناعم وخفيف وهاي فعلاااااااا عطت شعري حجم اكثر وحلوة مره وجايه بالزبط للشعر الناعم والخفيف إذا ماعرفتوها خبروني أحط لكم صورة |
مابقدر على زعل الحلوين:)
حلللوة هية القصة من قدام طويلة زي منتو شايفين وبتقصر للخلف ومن الناحية الخلفية فيه تدرج طبقات قصدي عشان يعطي حجم للشعر ولانه الشعر مايضل ثابت في المنطقة الخلفية فهوة بيجي على الجوانب فبصير حجم زيادة من كل الجهات http://up2.m5zn.com/photo/2009/3/17/...poufld.jpg/jpg http://up2.m5zn.com/photo/2009/3/17/...od1mb3.jpg/jpg خبروني عجبتكم؟ ومعروفة عند الكوافيرات من زمان بس ماتكونوا عارفينها ومو عاجبتكم وانكسف :25: |
ملك شادي
هالقصة كتير منتشرة بين نساء بريطانية وانا معجبة فيها كتييييير لكن و لا يوم تخيلت انها ممكن تزبط للشعر الناعم و الخفيف شعري لازمه شوية نفشة لما يكون بهالموديل غير انه قصرها مشكلة لأني صعب ضبها بالحجاب .. انتي مجربتيها ؟؟ |
ايوة ماريا قصيتها من حوالي شهر و شوية
حلوة كتير وبس ماشاءالله لاقوة الا بالله تبارك الله شعري طول بسرعة وصار ينربط زعرورة صغيرة بس ضبها تحت الحجاب قبل كان مش صعب بس بصير الشعر يشوك رقبتك وبدايق شوي وانا روحي بتفرفط بسرعة كانت وبحس بالحر بس انت ممكن تعمليها اطول انا قصيتها اقصررر اشي وبالعكس مخلوقة للشعر السايح و الناعم متخيلة شعر كيرلي ؟مو حلو طبعا وزي مقلتلك طريقة قصها من ورة في طبقتين تلاتة فوق بعض والشعر لانو بتحرك بتيجي شوية من شعر الخلف عالجوانب فبتعطي شوية حجم مممم مش عارفة كيف اشرحلك بالزبط بس بتعرفي شو المشكلة بس اغسل شعري وانشفو بتطلع بتجنن عشان مابكون شعري زيت بس بعد كم يوم شعري طبعا بصير دهني وبصير شعري لازق في راسي نوعا ما وبتبطل نافشة ياستي ارجعي اغسليه بعدها عادي انا بنصحك فيها حلوة بس ماتخليها قصيرة كتير لاني ندمت حابة شعري اطول بشوي بس عموما مش مشكلة برجع يطول بس انا قلت اخبرك اولها احسن وصحيحح هوة ممكن تنفشي شعرك بمكواة الشعر اناهيك بعمل احيانا مش عارفة كيف افهمك بس اكوي الخصلة من ورة مثلا وبنص الخصلة اعمل لفة بالشعر لجوة زي كانو فرشاة سشوار اسطوانية فهمتي علية؟؟؟وبعدين كملي الكوي بروح نافش الخصلة بس للاسف برضو يرجع يلزق الشعر بعد فترة بسيطة هادا بعتمد عنوع الشعر انا شعري مابثبت عاشي حتى بالجل ازا عملتو كيرلي و نشفتو برجع بعد يومين تفك الكيرلز ولاكانو عملتهم ان شاءالله شعرك مابلزق متلي هههه والاطراف كمان بتصير بدها تعديل بالمكواة ازا شعرك بزيت كتير وبلزق فالاطراف حتتغير فاهمة علية بس انا لابستعمل المكواة ولا غيرو حلوة زي مهية وخلص ازا رحت مناسبة ولااشي بزبطها طولت عليكي بس حبيت افصلك انت والبنات النتيجة النهائية قصيها خاصة لو وشك رفيع و طويل |
ملك شادي
شكرا كتير الك وشي مدور للأسف و شعري بلزق و دهني و مشكلتي بحط قمطة تحت الحجاب لذلك شعري كتير بنكبس و لو ما حطيت قمطة ما بثبت الحجاب و الله مشكلة... لذلك مو متخيلتها على حالي لكن أكيد رح فكر فيها بشكل جدي و رح حاول شوف الناس اللي مواصفاتهم بتشبه شكلي ازا لابقتلن و لا لأ شكرا كتير للتفصيل |
| الساعة الآن 12:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©