ماذا اهدي خطيبي اقتراحاتكم
 

الف مبروك والله يوفقك ويسعدكم وماشاء الله تبارك الله الله يبعد عنك الحسد والحسااد ويحفظك

وبنسبه للهديه ممكن انك تحطينها بصندوق خشب فخم ويكون فيه عود من الغالي او عطر غالي وسبحه برضو عليها القيمه وساعه ماركه طبعا من جوا يزينون لك الصندوق فمحلات الهدايا بالورد المجفف وترفقين معه كرت تكتبين فيه كلام حلو ودعوه ان الله يوفقكم مع بعض اوممكن طقم يتكون من اقلام ومحفظه وميداليه وكبكات وسبحه وساعه وبرضو بنفس الفكره الي قبل وممكن جوال وقلم فخم .. اذا من الرياض باريس غاليري عندهم اشيا حلوه وبنسبه لي مااحب اهدي عطور لاني ماادري عن ذوق الشخص بس اذا تعرفين وش يحب مو مشكله . واذا الرومانسيه زايده عندك حبتين ممكن انك تحطي شمعه كبيره حمرا تلقينها عند محلات الهدايا واشكالها حلوه وتحطين حبتين شوكلاته من باتشي مره سويتها لزوجي اخذت بطتين تجي بعلبه وحده وحده اكلها هو ووحده انا :) يعني الافكار كثير حبيبتي بس انتي فكري شوي وشوفي هو وش يحب ومحلات الهدايا بعد عندهم اشيا كثير حلوه انتي روحي وشوفي وجمعي لاتعتمدين عليهم انا مجربه كثير نادر احد يعطيك افكار . وموفقه يااحلى عروس

هدايا الرجال أعتقد إنها محصورة في أمور مثل :

ساعة

قلم ومحفظة نقود

مجموعة عطور

أو عود وبخور من النوع الأصلي


وإن شاء الله يساعدونك باقي الأعضاء

اشتري له سبحه من النوع المعروف في السوق مثلا (عقيق او كهرم او يسر او فيروز)
وساعة يد
لانها تدوم عكس العطور
بس بعد الخطوبة

تحياتي

مثل ما قالوا الأخوان

ماله داعي الهداية الحين

بعد الملكة والخطوبة بأسبوع .. اسبوعين .. ثلاثة ..

الحين لالالا

أحسها مو حلوه

دعواتي لك بالتوفيق والنجاح في حياتك الزوجيه والله يحببكم في بعض ولا يفرقكم :d:14:
بما اني رجل راح احدد لك هديه اتوقع انها مناسبه وغير كذا السعر متوسط بس في المقابل تقولين لي وش افضل هديه اقدمها لخطيبتي في يوم الملكه غير الذهب :22: واتمنا المشاركه من الاعضاء
افضل هديه تقدمينها لزوج المستقبل الهديه يجب ان تكون ذو معنا وبسيطه في شكلها وتكون باستمرار معه يعني مثلا تجيبين قلم للاستخدام اليوم ويكون شكله مو مزخرف بزياده يكون انيق او محفضة نقود تكون عليها كتابة الماركه بشكل انيق وصغير ويفضل اللون الاسود بالنسبه للبوك
ماركات انصح فيها ديور . دنهل . دولوتشي اند جبانا(يوجد عطر قمه في الروعه من هذي الماركه) ديبون.كريستيان انديور (احب الاقلام من هذي الماركه):d
ابتعدي كل البعد عن ماركة مونت بلانك التقليد نفس الاصلي :(
ولو تجمعين بين القلم والبوك يكون افضل والسعر راح يكون بين 1700 الى 4000ريال بس ركزي على الاناقه والبساطه لانها تدووم :22:
والمهم التغليف يجب ان يكون على مستوى راقي

انا عن نفسي اهديت زوجي ايام الملكه ساعه ماركه وبعدها بفترة طويله اهديته بيجامه فخمه مرره وكااان التغليف رائع وعجبه ماشاء الله تبارك الله لدرجة انه الى الان بعد الزواج مستخسر يفتح التغليف ههههههههههههههه