|
صار لي اربعة ايام في بيت اهلي بسبب مشكلتي مع زوجي
السلام عليكم ورحمه الله
بغيت استشيركم بموضوع جرئ وحساس بس مالي الا الله ثم انتم لاني ماابغى احد يعرف عن مشاكلي.... مره فالليل احكي على زوجي ان طالع فيني حساسيه فايدي من كم يوم ومخوفتني وماقال لي وريني ولا كاني اشكي له ولا حتى التفت يشوفها ......................... باخر الليل كنا نايمين وبدايه ..... مثل كل الازواج ولكن كان ولدي لسى مانام وننتظره ينام وقتها طلبت من زوجي شغله ابي اسويها (تكلفتها 500 او زي كذا:d) طبعا قال لي لا وحاولت اقنعه مافي فايده سكت وعادي لازعلت ولاشي وكملنا وضعنا ونام ولدي وتمت العلاقه بشكل طبيعي جدا طبعا انا ماكان قصدي شي بس لان كذا كذا ننتظر ولدي ينام ................. من بكرا صحى وطلع يتمشى مع خوانه ورجع المغرب حطيت القهوه وقلت له اني ابغى اروح لمركز الحبيب اكشف على الحساسيه قالي لا وعصبت وزعل وصمممت ولا كلمه ودخل للغرفه بعدها بشوي ولدي دخل الحمام الله يكرمكم وجلس يلعب قمت بطلعه قعد يصيح شالته الشغاله عشان لا يصحي ابوه وقعد يبكي وجته حاله هيستيريه وجبت الشطه اهدده زوجي وقتها صحى وشاف الشطه هزائني اني مااستاهل عيال ومنا عارفه ايش وطلع من البيت يحسبني حاطه للولد شطه طلع ولاقفل الباب دورت المفتاح ولالقيته طبعا سوا لي قصه انه انا شايله المفتاح (يقول ان كيدهن عظيم)ورجع وعطاني مفتاحه(بعد ماجلست ساعه بدون مفتاح وانا في حاله لايعلمها الا الله من الخوووف ) ودقيت ويالله وبالله رد يقول اني فالليل امن عليه بالعلاقه لاني طلبت منه الشغله وقت المداعبه وانا والله ماقصدي بس كنا ننتظر الولد ينام وانا لي كم يوم بطلب الشي منه ولاجا ببالي وانه ماسال عن الحساسيه لاني اخبي عنه وانا اخبي عنه الشي اللي منظره مو حلو (مااحب يشوف مني الا الشي الزين حبه مقرفه بطن متغير لونه هالشغلات اغبيها عنه) المهم قال لي لو ماجا سواق اهلك ياخذك بيروح ينام ببيت اهله حاولت امنعه وان السالفه ماتستاهل بس مرررره رفض ورحت لبيت اهلي وصار لي 4ايام هنا مادق ولاسال حتى اليوم الجو مررره عج وغبار فالرياض ولادق يسال عن ولده وهو فيه ربو وانا كان عندي موعد ولادق يسال ولاشي ارسلت له رساله انه مهما كان بيننا عيش وملح 6سنوات قال انتي تبغين كذا وعاجبك الوضع قلت انا انتظرك تدق نتفاهم لانه قالي روحي لاهلك ولما اهدا شوي نتفاهم ونتناقش شراااايكم بالمشكله............. هو يشوف اني امن واشترط بالعلاقه لاني طلبت هالشغله وقتها ولو هذا قصدي كان يوم رفض انا رفضت انام معه بس انا عااادي ولاكان شي صار وحتى هو كان جدا طبيعي ................................... الحين شرايكم انا من الجمعه عند اهلي ولا سال ولادق وارسلت له يوم السبت اطلب مصروفي وزعل وانه مااستحي اطلب منه طيب انا جالسه عند اهلي ولا ابغى يحسون انه عندي مشكله انا قايله لهم ان عنده انتداب لمده اسبوع والحين الاسبوع بيخلص:( ننتظركم |
طبعا هو يقول انه ماارتاح بحياته واني مطفشته مع العلم اني والله اني اسوي اللي اقدر عليه
وقبلها بكم يوم كنت اقوله وش افضل فيني يقولي تسمعين الكلام اذا منعتك من شي خلاص تسمعين كلامي يقول لي ان احب السوق والفرفره(هو يعذبني عند طلعت السوق مع خواتي مع اني بروح واجي معهم بس يقول لا خطر على حملك وهو شي مو يتعب الحمل محل محلين ونخلص شغلنا بس هو يرفض اتوقع لمجرد الرفض انو مو كل مايطلعون اطلع معهم )) وانا والله مااحب الا اذا لي شغله بس هو مقتنع ان كل الحريم يحبون السوق وانا اللي مانعك ولاكان ماتجلسين وانا اقوله قارن بيني وبين اللي حواليني وتعرف الفرق :( |
ما تخافي رح يرجع لك
انما انتي عليكي بالدعاء والرقيه الشرعيه عشان الحسد والعين والسحر وغيرو الشيطان لاحق الكل ومش تارك حد بحاله اكثري من الاستغفار وما فيها شي اذا همستي باذن امك وتخبريها وتساعدك تحلو الموضوع بهدوء خير البر عاجله قبل ما تطول المده والبعد جفا |
خبري امك بالموضوع
ولاتخافين راح يجيك ان شاء الله باالتوفيق |
صراحة القصة تافهة مش لهدرجة مستاهل زعل يعني يمكن يزعل بس مش لدرجة تروحي بيت اهلك
بس يمكن هوة مدايق منك اصلا وصارت تراكمات وطلعت ف الموقف هادا كتير بتحصل انو الواحد يخبي بقلبي ويكون مدايق ويسكت عالمواقف المستاهلة بسب بالموقف التافه ينفجر الله يهديكو لبعض انت حاولي وعملتي الي عليكي انا من رايي تتركيه شوي بيجي لحالو |
يا اختي عندك كم غلطه .. اول شي ان السرير مو مكان للطلبات او بث الشكوى او انك تقولي لزوجك انك مريضه .. السرير مكان للراحه و النوم و السوالف الحلووووه فقط .. يعني لازم تنتقي الوقت المناسب للطلباااات .. بعدين ليش يوم قال لك خلي السواق ياخذك بيت اهلك رحتي بدون ما تناقشيه .. يا اختي اذا قال لك روحي بيت اهلك لا توافقين ابد .. قولي له هذا بيتي و ماراح اطلع منه ابد .. مشكلتكم ما راح تنحل اذا رحتي بيت اهلك بالعكس راح تتعقد اكثر و كل واحد يشيل في قلبه على الثاني اكثر و تتأزم المسأله بدون داعي .. واذا قال لك اذا ما رحتي بيت اهلك انا بروح انام بيت اهلي قولي له براحتك وين ما تبي تنام نااام .. صدقيني ما يسويها حتى ما ينحرج مع اهله .. هذا مجرد تهديد فقط .. بعدين قضية السوق لازم تحلينها مع زوجك ... اذا ما يرضى انك تروحي مع خواتك هو ملزوم انه يوديك و كمان مو معقوله كل مره خواتك يروحون السوق انت لازم تورحين .. يعني حاولي انك تخلي روحتك للسوق مره في الشهر او في الشهرين .. اتفقي مع زوجك على يوم خميس او جمعه انه ياخذك هو للسوق لتقضية كل امورك حتى تظلي فتره طويله ما تروحي للسوق .. او اذا احتجي شي طارئ و وحده من خواتك رايحه للسوق خليها تشتري لك اللي محتاجته ..مو شرط انت تروحي بنفسك للسوق عشان تشتريها .. يا اختي الحياه الزوجيه و الزوج محتاجين للسياسه و الفهلوه و الذكاء الوجداني عشان تمشي الحياه .. انا لو مكانك ارجع لبيتي و لا انتظره انه يجيني .. قولي لاهلك انك بتروحين لبيتك قبل ما يجي زوجك عشان تنظفين البيت و ترتبينه .. هيئ الجو لمناقشه صريحه و هادئه و هاااادفه .. بعدين ابنك ليش تخوفينه بالشطه .. ليش تزرعين فيه الخوف .. هذا طفل ما يفهم .. الاطفال محتاجين الي طولة بال و سعة صدر و حنان .. اذا بكره شفتيه متعلق في الشغاله لا تزعلين لانها تحن عليه اكثر و ما تخوفه مثلك .. او اذا شفتي الشغاله تتعامل معه مثل ما انت تتعاملين معه بالتخويف و الترهيب والعقاب كمان لا تزعلين منها .. بالتوفيق ان شاء الله .. |
اقتباس:
كلامك درر ماشاء الله عليك اختي اميرات وفرتي عليا كل اللي كنت ناوية اقوله الله يكثر من امثالك... |
اقتباس:
انا لما نويت ارد ، كنت بكتب ها الكم كلمه ، ولكن سبقتني فيها اختي جزاها الله خير. ولكن فكره بسيطه اتمنى تجربينها. حاولي انك لما ترجعين البيت اهم شي يكون مو موجود ،وتكونين متأكده انه بيجي بعد فتره وجيزه عشان يمديك تضبطين نفسك وبيتك والامور با البيت ، ولما يجي يشوفك متزكرته ،يعني الله با الشغل العدل ، والكلام الزين. وبعدين موب عيب لو تتأسفين له ، وفري عقله با الكلام، انت حبيبي ، عمري ، من لي غيرك ، لو تزعل علي تضيق فيني الدنيا، انت عندي با الدنيا. اغلط علي ، وانا بتأسف لك ، انت تاج راسي. وبكل صدق ، ترانا احياناً وخصوصاً بوقت اختلاف وجهات النظر او سوء التفاهم نحب ها الكلام ويلعب بعقولنا لعب ويفرها فر، صدقيني بينسى كل الي صار ، حتى لو يأنبك، خليه يقول الي يقول، ان قال لك شي نزلي راسك، وقولي انا أسفه ، حسسيه انك ندمانه ، مع الاخذ با الاعتبار انك لازم تندمين على كل الي صار. المهم لا تخلين تمر ها الليله الا والنفوس صافيه ، وصدقيني، لما يطيح الحطب وتشوفين وش بيصير بعدها . بتتمنين انكم كل يوم تتزاعلون وتتراضون. اهم شي ، اهم شي ادعي لي :( |
الا خت اميرات كالعاده وفت وكفت اسمعي كلامها واثري من الدعاء والله يرده لك ردا جميلا
|
لا تخافي اختي رح يرجعلك ..اكثري من الدعاء و الإستغفار...و ما شاء الله عليها اميرات كفت و وفت..
اتمنى لك التوفيق |
| الساعة الآن 02:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©