|
هل يناسبني الاشقر
السلام عليكم ورحمة الله وبركاته
خواتي ابي اخذ رايكم في صبغة الشعر انا عمري ما صبغت شعري و لا سويت خصل و لا حنيته و لا شي و الحين افكر اصبغه بس خايفه وااايد من الشكل النهائي:24: انا لون شعري الطبيعي غامج (مب اسود بني بس غامج) و لون بشرتي ما اعرف ايش يسمونه بالضبط (مب بيضا و لا سمرا) بالنص استخدم كريم الاساس الدرجه الثانيه بس عند الذقن و حول الفم لوني شوي اغمج يعني الدرجه الثالثه في كريم الاساس (............................) المهم انا قلت لزوجي ابي اصبغ شعري و افكر اصبغه بني مع خصل شقرا قال اوكي اصبغيه بس اللون اللي انا ابيه (اشقر فاتح(ثلجي مادري بلاتيني) انا احب هاللون واااااايد و احلى درجه من الاشقر بس ما ادري احسه كلش ما يناسبني زوجي يقول لا بالعكس يناسبج وااايد و انتي بيضا مب سمره (انا مب بيضا مثل ما قلت لكم لوني وسط و بشرتي مب موحده عشان ارتاح بالصبغه) انا قلت له اوكي بسوي شعري طبقات الطبقه التحتيه اشقر ثلجي و من فوق لون شعري العادي او بني فانتوا شرايكم؟ و شنو الموضه؟ شنو الصبغه اللي تناسبني اكثر؟ اذا هالاشقر ما يناسبني ما ابي درجه ثانيه من الاشقر لاني اصلا ما احب الاشقر و زوجي ما يبي الا هالدرجه من الاشقر انا بصراحه ودي اتغير 180 درجه |
وعليكم السلام ورحمة الله
اختي العزيزه اول شئ الموضه الآن اللون الموحد ،، واللون الدارج لون الكابتشينو ولكن بما أن زوجك رغبته كذا لآزم ترضيه اللون الثلجي رائع جدا ومااخبي عليك هو يغمق البشره ،، ولكن لون البشره وحده مو مقياس عشان تحكمين اذا ناسبتك الصبغه اولا فيه كمان ملامح وجهك وفيه نوع شعرك والقصه اللي اخترتيها << حطي هالكلام براسك زين ^)^ وانا اقلك الخصل الثلجيه حلوووه وماعمري شفت وحده صابغتها وطالعه شينه فيها سواء سمراء او بيضاء ( بس اهم شئ اقتناعك) ولاتنسي رأي الخبيره اللي راح تسوي لك شعرك ،، وبالتوفيق يالغلا ~ |
حبيبتى اللون الموحد فعلا موضه لكن موشرط نمشى عالموضه فى لون الشعر والسبب اننا محجبات احس انه لازم نسوى اللى يعجبنا مانمشى مع الموضه وخلاص بالنسبه للون الاشقر مادرى احسه مايناسبك لانه يسود البشره هو محتاج بشره فاتحه كتير من رايى لون الكابتشينو يناسبك مرره وايضا اللون الاحمر مرره خطير وممكن تسوى لونين معا الاشقر مع الاحمر او الكابتشينو
|
لون البشرة لا بؤثر بقدر ما هو لون الحواجب و سماكتها
لأن الأجنبيات كلهن بعملوا برونزاج و بسمروا حالهن و بحطوا كريم أساس غامق بورنزي و بطلعوا حلوين مع الشعر الأشقر لكن اللي ما بزبط مع الشعر الأشقر هو الحواجب السميكة و الغامقة اذا حواجبك من هذا النوع فلا تفتحي لون شعرك نصيحة إلا اذا حواجبك بنية و رفيعة أو عادية لأنه رح يطلع شكلك فيه تضارب و مو حلو لو كانت الحواجب غامقة |
اولا مشكورين عالردود
اخت همسـ: ممكن تحطين لي صوره تبين لون الكابتشينو اللي تقولين عنه؟ انا عارفه ان الاشقر يغمج البشره بس دايما ألاحظ الاجانب يصبغون هاللون و يغمجون لون بشرتهم بس انا خايفه الناس اتطنز علي ممكن توضحين لي شلون الملامح لها تأثير؟ انا وجهي بيضاوي يعني كل شي يناسبه و ملامحي ناعمه و عن القصه بقص شعري و بصبغه في نفس اليوم بسأل الخبيره شاللي يناسبني بس طبعا ما اقدر اقصر شعري واايد عشان سي سيد ما يذبحني اخت تيررا: الاحمر بعد يعجب زوجي بس ما يعجبني (يعجبه اللون اللي يحطونه في دعايات صبغات الشعر) و هاللون ما يناسبني احسهما يناسب الا البنات اللي بشرتهم فاااااااااااااااااتحه جداااا اما الاشقر ألاحظ اللي يصبغونه يسوون مكياج برونزي اخت ماريا: اي هذا اللي انا ألاحظه الاشقر يطلع حلو عليهم و عن الحواجب حواجبي الحمد لله حجمهم حلو و كثافتهم زينه يعني مب كبار و لا ضعاف و مرتبين حتى ما يحتاجون تعديل بس ممكن اصبغهم صح؟ لاني شفت في برنامج انهم يصبغون الحواجب (اذا ممكن بصبغهم بني) المهم لا تنسون تحطون لي صوره توضح لون الكابتشينو و جزاكم الله خير |
شوفي حبيبتي انا برأيي تعملي خصل أشقر وليس كامل الشعر
لانه البلاتيني(الاشقر )) بيتعب الشعر كتير وبصير ناشف كتير مع الاستحمام والوقت. وبالنسبة لراي ماريا عجبني لكن إذا صبغتي الحواجب بيصير مناسب اللون لشعرك لكني انا لا احبذ صبغ الشعر بكامله بالاشقر. |
اقتباس:
ممكن اذا حجمهم حلو و مو كثيفين و لونهم بني انك تصبغي أشقر لكن متل ما بقولوا الأشقر دائما بدو مكياج :30: لا تنسي تشوفي حكم الصبغ اذا مباح شرعاً و لا لأ قبل ما تعملي أي شي بالتوفيق ;) |
ساندي حبيب:ثانكس عالرد
انا مرات اتخوف من الاشقر و افكر اسوي بني مع خصل بلاتينيه بس زوجي مصمم يا كله اشقر او احمررررر و هاللونين انا متخوفه منهم خاصه الاحمر احس الخصل تعطي شكل و تخفف من حدة اللون خاصه لو كان جريء بس اختي شلون الشعر يتعب من هاللون؟ يعني في النهايه الصبغه اتعب الشعر سواء كان لونها احمر او اشقر ماريا: انا عاد ما احب احط المكياج على طووول و حتى اذا فكرت احط مكياج بنتي تلعب بمكياجي و تنرفزني و عن الحكم الشرعي ما اعتقد ان الصبغ حرام استغفر الله ما ادري بس ليش ممكن يكون حرام:11: |
مرحبا ياعسل
على فكره انا ماانصحك تصبغي شعرك كامل بالأشقر >> انا اقصد خصل لأن كامل ابد مو حلوو حتى لوكنتي بيضاء ( خصوصا في جتمعنا الخليجي )) بخصوص لون الكابتشينو هو من درجات البني > وله تدرجات غامقه وفاتحه بس أنا اقصد هذا( شوفي لون الأرضيه )): http://www.up-00.com/xafiles/zHh49418.gif انا عجبتني هذي الصبغه لأني شفتها على وحده سمراء غامق اعرفها وربي مطلعتها شئ وكل اللي شافها يسألها عن اللون بس مثل ماقلت لك الملامح وشكل الشعر ونوعه >> تساعد على ابراز جمال اللون من عدمه طيب انتي سألتي كيف .. طبعا انا اقصد ملامح وجهك ،، وشكل حواجبك ( كثيفه أو لآ )) لأن الحواجب الرقيقه تناسبها الخصل وايضا نوع شعرك ناعم او خشن >>لشعر الناعم يتناسبه الخصل اكثر وكمان شكل القصه مدرج او ساده >> الخصل تنفع اكثر للشعر المدرج بخصوص صبغة الحاجب استخدمي كريم خافي الحواجب خصوصا اذا شعرتك رقيقه << يعطي منظر طبيعي مرره ~ ان شاءالله ساعدتك ياعسل وبالتووفيق يارب تطلعي احلا وحده نصيحه : انتي تبين تغييرين شكلك وزوجك مصر صح ؟؟ اذا شيلي من قاموسك كلمة اخاف مع كلمة مااحب وماتناسبني ~ لآزم الوحده تطور من نفسها وهي مقتنعه وواثقه ~ / ولاتنسي رأي الخبيره فهو اهم من كلامي ^^ |
اقتباس:
لان اللون النحاسي مو حلو كتير واللون الاحمر التوتي ما بضل لونة مثل مهو مع الاستحمام لونة بزول أسرع من الالوان الاخرى وهذه الميزة السيئة بهذا اللون. أما بالنسبة للبني فهو احلى شي وبناسب انواع البشرة البيضة والحنطيه( متوسطة البياض) ويمكن إدخال خصل عسلي يطلع الشعر يجنن. اللون الاشقر على الشعر بكامله يأذي يصير الشعر جاف كتير ويحتاج الي استمرارية في عمل حمامات زيت للشعر للمحافظة على رطوبته. (( صراحة انا كنت اعمل بصالون لمدة قصيرة وكنت اشوف مصايب عن صبغ الشعر بالبلاتيني. كان يقصف الشعر كثير (( انا ما بدي اخوفك لانه هذا يعتمد على نوع الصبغة ومهارة الكوافيرة)) انا عمري ما صبغت شعري ولا لون وكنت مثلك متخوفة لكني صبغته قريب للون الشعر الطبيعي ووحدت اللون حتى ما اجازف اكتر كوني اول مرة بصبغ ،وهلا عجبني الموضوع وبدي اصبغ شعري بني كاكاو ( غامق) اهم شي تستفسري من صاحبة الصالون وهي بتنصحك بالالوان الجيدة والالوان المفروض تبعدي عنها. وهذه بعض الصور عن صبغات الشعر: http://filaty.com/i/903/10029/10084.jpg http://filaty.com/i/903/96455/10086.jpg http://filaty.com/i/903/34907/10087.jpg http://filaty.com/i/903/62862/10088.jpg http://filaty.com/i/903/66821/10092.jpg http://filaty.com/i/903/34408/10094.jpg http://filaty.com/i/903/73130/10095.jpg http://filaty.com/i/903/10815/10100.jpg http://filaty.com/i/903/7.110/18572.jpg http://up2.m5zn.com/photo/2009/3/6/02/4sqqttxew.jpg/jpg http://up2.m5zn.com/photo/2009/3/6/02/cw4ket00y.jpg/jpg http://up2.m5zn.com/photo/2009/3/6/02/1trtkjkr2.jpg/jpg http://filaty.com/i/903/36446/hair1.jpg http://filaty.com/i/903/62710/10090.jpg انا عجبني آخر صورتين. إنت شو رأيك؟؟ الله يوفقك حبيبتي. |
| الساعة الآن 05:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©