|
زوجي ترك البيت ولم يرجع ( آخر المستجدات )
السلام عليكم
تهاوشت مع زوجي لحد ما ترك البيت ولا رجع له مدة طويلة مع إنه يحبني وهو عنده زوجه ثانية والحين أنا محتارة ودي أرسل له رسالة لكن عندي كرامة ما أبيه يرجع إلا من نفسه ما هو من تأثيري إذا فكرت قلت الحين قال لي كل اللي يبي وشتمني وبعدين أحاول أنا وهو ولا على باله محتارة ما أدري وش الطريقة المثلى في التعامل مع هالمشكلة خلاص أنا أخذت موقف ولو رجع بيبقى أثر أحيانا أفكر بشي ثاني غير الرسالة وهو إني أحسن له بس ما أدري وش أسوي وأحيانا أقول أسكت على ما أنا عليه وأشوف آخرتها أنا ما همني حاجة عنده أنا مستغنية تماما وش رايكم وش المفروض إني أسوي الله يعافيكم ما أدري كيف يتحمل وأنا ما أقدر أتحمل ليش أنا أشتاق له وهو ما درى عني وين راح الحب المفروض إني أنساه لأنه خانني في مالي قبل واستغل غفلتي ليش أنا أشتاق له وأنقهر من تصرفه وهو المخطي في الأول صحيح إني أخطيت أنا ولا تحملته بس من يتحمل واحد متزوج ممكن تفيدوني بطريقة نافعة أنا لو سويت شي لا يمكن أرجع زي ما كنت لا يمكن أنسى الهجر هذا جرح قلبي الاشراف: تم تعديل العنوان |
انتي ما ذكرتي كم المدة الطويلة الي ترك البيت فيها ولا الموضوع بالضبط حتى نقدر نحكم لكن على كل حال انا اشوف ترسلي له رسالة عتاب محب لعله يلين قلبه واعتقد انه منتظر هذا الشي منك في حال كنت انت من اخطئ في حقه والله يصلح بينكم على خير |
الله يهدي سرك عزيزتي اجمل احساس
انا ما اشوف انه في بينك وبين زوجك كرامه الا اذا كان شي كبير جداً وانا او غيري مانقدر نحكم انتٍ ابخص المهم: انا اشوف ممكن ترسلي رساله حلوه وفي نفس الوقت دقه على قولتهم بس مو تجيبي عاليها واطيها يعني بالمعنى انه انت غلطت و و بس انا باقيه احبك او اي شي زي كذا ,,, وبتلقي اشعار كثيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــر تفيدك والله يوفقك يارب ,, واسمع عنك اخبار حلوه ياحلوه |
الله يعينك أختي
فعلاً فيه أسئله كثيرة تحتاج أجوبه أنتي الاولى والا الثانيه؟ عندك أولاد ؟ كم لك سنه متزوجة ؟ عنده أولاد من زوجته الاخرى؟ كم له طالع من البيت ؟ كيف خانك في مالك؟؟وأستغل غفلتك؟ أتوقع أنك زوجة ثانية وموظفة ومشكلتك معاه بسبب زوجته الاولى.... مجرد توقع .. |
الاشراف: تم نقله إلى قسمه المناسب (قسم المتزوجين)
|
الله يعافيكم على الردود الجميلة
أنا الأولى وفيه حاجات ماأقدر أنساها حتى لو رجع خلاص أخذت منه موقف لكن آذاني بالهجر هذا أشد الإيذاء الحمد لله على كل حال |
أختي كم له هاجرك؟؟
|
معلش حبيبتي يعني لا تنسي انه في زوجه ثانية
إتصلي فيه ولا تخليه يحس انه الزوجة الثانية مخلصة وأحسن منك لانك ما سألتي عنه هذه المدة الطويلة. بعدين هو مو صاير عليه شي عند زوجته ماكل شارب نايم وانت اللي بتتقلبي على الجمر. ليش تخلي هذا الشي يصير. كلميه وتوكلي على الله ولا تخلي الشيطان يكبر راسك عليه وعلى المشكلة لانه الشيطان احب ما عليه يفسد بين كل زوجين (( الله يبعد وساوسه عنا )) نصيحتي حبيبتي: في إهمالك للسؤال عنه لا تصبي زيت على النار لأنه انت الخسرانة مو هو لانه زوجته عنده وعين الله عليه... وانت شو؟؟ اعمليله أجواء وحسسيه انك ندمانة وانك بتحبيه كثير وانه الدنيا من غيره مو حلوة...( يعني حركات نسوان) وبشرينا بحل المشكلة ( لا تنسي ) الله معك حبيبتي |
الله يوفقكم جميعا
|
المسامح كريم
واذا كان ضربك لو انا بمكانك مااتصل ولا اسال على شان يعرف قد اللي سواه أنصحك بالدعاء صانع العجائب ادعي الله اللهم ردي لي زوجي ردا جميلا اللهم ارزفني العفاف والروق الحلال ادعي له بالتوفيق والهداية وسيعود اليك منقاد مشتاق وبعد ذلك ابدأي بالحوار الهادي عن كل مافي داخلك عليه حتى يذهب مافي صدرك يسر الله أمرك |
| الساعة الآن 08:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©