|
هذا ماسمعته عن العلاج بالطاقة ، كلام غريب
السلام عليكم ورحمة الله و بركاته
كنت قبل قليل اشاهد برنامج صباح الخير ياعرب على الام بي سي استضافو دكتورة خبيرة بالعلاج بالطاقة اي عن طريق الغذاء واسلوب الحياة المهم قالت كلام لا يدخل عقل ابدا قال عشان نحافظ عصحتنا يجب الامتناع عن الباذنجان اسمته بمخ الحية من كتر مهوة مضر البطاطا سرطان الارض عقولتها لانها تمو في داخل التربة وتمتص كل الفضلات والمواد السيئة البندورة الطماطم مضرة ولكن ليس زي البطاطا والبتنجان مسموح ناكلها كل فترة والاخرى في حال لم نعاني من مرض اما لو نعاني من مرض ممنوع تماما اللحوم والدجاج مضرين يزيدو السموم بالجسم الفاكهة سيئة وتزيد الحموضة في الخلايا الحليب والخبز يزيدو الحموضة في الجسم والخلايا وكل الاطعمة السابقة ارفقتها بكلمة(انها تسبب العفونة في الخلايا) هل هالحكي منطقي او يمس جزء من المنطق الطماطم معروفة بمضادات الاكسدة ومن جديد في ابحاث طبية تعمل على تعديلها وراثيا عن طريق الجينات لتصبح علاج فعال للسرطان البطاطا صحيح كترتها مش كويسة لكن مفيدة بقدر واتزان وفيها مواد مفيدة وفيتامينات والبتنجان سمعت عن فوائده لكن نسيتها بس المهم انو مفيد مش مسرطن ومعفن للجسم اللحوم والدجاج مهمين جدا حتى العلماء والاطباء قالو انو ان يكون الانسان نباتي بدون لحوم خطر على الصحة ومهم جدا تواجد البروتين الحيواني في غذاء الانسان لكن طبعا بدون اكثار يعني كثرة اللحم والدجاج مضرة انما تناولهم بقدر وتوازن مهم جدا لصحة الجسم الحليب ياعالم شو مالو؟المحارب الاول لهشاشة العظام ويبني العظام والاسنان ومهم جدا بالكالسيوم والبروتين يعني شو ضل شي ناكلو ؟؟؟ صراحة كلامها حسيتو تخيبص ومادخل عقلي ابدا فما رايكم ومن لديه خبرة في الموضوع فليتفضل يشاركنا الراي ومن عنده ابحاث او مقالات يزودنا ويعني خلونا ناخد اراءكم |
غريب جدا!
شو بدها ناكل يعني ؟؟ ما اعتقد انو الكلام صحيح .. والله أعلم |
عندك حق انا برضو تابعت الموضوع اليوم الصبح عنجد حسيت فيه تخبيص
ادا الفواكه مش كويسه واللحوم والحليب والنشويات والموز الي اثبتو عليما انه مفيد جدا لاحتوائه على ماده البوتاسيم حكت عنه بخلي الواحد يصير عنده عقل قرود وانتو الكرامه ..... شو ضل للواحد ياكله !! بصراحه غريب كلامها وكان بدي يكملو معها اللقاء لحتى نفهم شو ضل ناكله ويكون مفيد |
اعملو مثلي ما تاكلو شي
والله العظيم مش قادره اتعود على الوضع الجديد طايشه من قلة الاكل ارد غصب علي بعض المواضيع كل شويه زوجي يقول اوديكي المستشفى |
حنان امير شكرا الك على مشاركتك وفعلا امر غريب
وردة 2007 زكرتيني بقصة الموز عقد مهو مفيد بسبب البوتاسيوم ثبت انو قلة البوتاسيوم بتعمل قلق وارق وعصبية و مزاج غير جيد لهيك انا كان الي فترة بعد الولادة بالمرة حاسة حالي اعصابي تلفانة وصرت كل يوم اكل موزتين وعنجد لاحظت تحسن البوتاسيوم بحسن النفسية والمزاج وهاي جاي تقلك بسد مراكز الذاكرة وبعمل زهايمر !!! جرين سلامتك يا اختنا الغالية شو مالك؟الله يعينك حاولي تاكلي الاشياء قليلة السكر يعني في اطعمة خالية من السكر لمرضى السكر الله يشفيكي يارب ويعافيكي |
والله هذه القنوات لايأتي منها الا الغباء والفسق والفجور وانا اربا بكم يا اخواني ان تشاهدون مثل هذه القنوات التافهه ..
|
اختي مانت شكرا لنصيحتك
لكن هي ليست قناة اباحية لحتى مانفتح عليها القصد انو صحيح ممكن تجيب برامج تافهة او فاسقة لكن مش معناه انو كل برامجها هيك فالبرنامج هادا بجيبو لقاءات طبية و اشياء تخص الاسرة والمجتمع يعني وطبخ واشياء مفيدة للمراة وممكن هالقناة بجيبو برامج دينية لشيوخ معروفين فليش مانشوف الاشياء المفيدة الي بتجيبها؟؟؟ يعني عادي نشوف الشي الصالح والبرامج التافهة مافي داعي نشوفها يعني الواحد بعقلو بختار وليس لمجرد ان تكون القناة بتجيب برامج تافهة فنسكر عليها لكل البرامج لانو في برامج مفيدة ليش نفوتها بارك الله فيكي وشكرا الك ولمشاركتك ورايك اتقبله |
الله يستر لاكن حقيقي فيه بعض الاكل مضر
|
| الساعة الآن 02:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©