|
دجاج محشي لذيذ
هلا وسهلا فيكم حبيباتي الطباخات الماهرات ...
اليوم جبت لكم طريقة الدجاج المحشي ... بس للاسف مااعرف انزل الصور ياليت تجربوها انتم وتصورونها ... الدجاج المحشي ... المقادير ... ادجاجة صغيرة الحجم حبه كبيرة بصل ملح فلفل اسود 1 كوب صغير رز مصري خل وطحين للتنظيف ... مقادير التتيبيله .. 2حبه ليمون ملح فلفل اسود معجون طماطم 4 ملاعق زبادي 1ملعقه ميونيز 1ملعقة كتشاب 2 فص ثوم مبشور بصله صغيرة مبشورة نصف قالب زبده 1ملعقة صوص الصويا قليل جدا زيت زيتون الطريقه.... نظفي الدجاجة من الداخل والخارج جيدا طبعا بدون تقطيع ... تاكدي انك شلتي الزوائد والاوصاخ اللي داخل الدجاجه وخارجها ثم نظفيها بالخل جيد وغطيها بالكامل بالطحين واتركيها جانبا لين تجهزي الحشوة.. الحشوة ... احمسي البصل في قدر صغير مع زيت طبعا واستمري في الحمس الى ان يصبح لون البصل بني ويميل للبني الغامق وبعدين كبي عليه فنجال مويه وبعدين احط الرز المصري اللي يكون مغسول طبعا واحط عليه الملح والفلفل الاسود وبتلاحظي ان لون الرز صار بني ... استمري شوي في التقليب لين تنشف المويه.. اللحين غسلي الدجاجه من الطحين واحشيها بالحشوة ولو زاد عندك رز مومشكله حطيه في قصدير وخليه جنب الدجاجه في الصينيه بس اللي في تحطيه في القصدير زيديه مويه شوي عشان مايطلع ناشف... بعد ماتحشي الدجاجه وتحطينها في الصينيه ممكن تقطعين عليها حلقات بصل او بطاطس اوخضار مشكله وبعدين اخلطي خلطة التتبيله كلها وكبيها فوق الدجاجه ودخليها للفرن لمدة ساعه اواقل على نار هاديه ... ملاحظه .. ياسلام لوعندك اكياس الشواء وتحطين الخلطه مع التتبيله فيها كان ياسلام ... |
أحب الدجاج المحشي واحس الريحه
وصلتني_ ياسلاااام يسلمو اول مره يا أبل قرين اعرف انج تطبخين عبالي انج في قروب الخاملات مثلي!! |
>>>>>>>>>>
حياتي انتي ... والله اني طباخه بس الصراحه مالي خلق اصور وانزل صور وكمان مااعرف وبس اسمع انها حوسه ماابي اتعلمها ... عشان كذا ماانزل مواضيع طبخ لاني احس ان الطبخه اللي مع الصورة تعطي حماااااااس اكثر .. ويالله حبيتي شددي حيلك وطبقيها واعزميني ... |
شكلها تفتح النفس تسلم الايادي
والله يعطيك العافيه ولاتحرمينا من طبخاتك الحلوه ياعسل . |
تسلم ايدك شكلها مررررره لذيذه,,والوصفه سهله الله يعطيك العافيه,,
|
ممممممم تسلم ايدك.
فيها شيء جديد وهي التتبيلة. انا اعملها واكتفي في تتبيل الدجاجة بالبهار بس ولا مرة شفت هذه الخلطة. شكلها تعطي الدجاجة لون وطعم رائعين. |
كنت ناوية اعمل شاورما بكرة بس لما شفت الموضوع قلت خلينا اجربها وانزلها
بس هية لزيزة كتير يعني؟؟؟ولا بلاش اخد مقلب فيها ههه بمزح خلص بجربها اكيد بس حقللل الزبدة لانو كتييييييرة هيك دسمة :) انتظريني |
اقتباس:
|
اقتباس:
وتسلمين يالغاليه على المرور وترى انا وصفاتي كلها سهله:22: |
اقتباس:
هلا حبيبتي ساندي ... امي كذا تسويها بدون تتبيله وماتحمر البصر بس تحمسه وتصفره يعني ماتخللي لونه بني ... بس انا احب الاختراعات شوي ... وتسلمين على المرور |
| الساعة الآن 04:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©