|
سؤال عن مشغل نسائي في جده
السلام عليكم ورحمة الله وبركاته حبايبي حبيت اسالكم عن مشغل نسائي في جده ويكون مضمون من ناحية الاخلاق والشغل واذا تعرفون كوافير تجي البيت ياليت تعطوني ......... لاني عندي فرح في جده وماعرف اي مشغل اروحله ياليت تفيدوني
الاشراف: تم تعديل العنوان لـ يتناسب مع المضمون...بالتوفيق,, تنبيه : يمنع وضع ارقام هواتف منعا باتا |
اعرف صالونات لتصفيف الشعر شغلها حلو
عندك manna center بحي الخالديه وعندك كلود مكسيم بشارع حائل وعندك jack desange في مركز الخياط شارع التحليه وعندك مركز جمالك برضه بمركز الخياط هذول اللي ببالي الان اما خياطه ماعرف اماكن وعلى فكره جده غير الرياض والشرقيه اللي تجي تصلحك في البيت دائما شغلهم مو حلو فافضلك تروحي الصالون بنفسك.. كمان حبيبتي الاماكن اللي قلتلك عليها اسعارها مرتفعه فمادري انتي ميزانيتك كم لكن شغلهم مضبوط ومميز 100% اذا استقريتي عليهم ممكن اقولك عن احسن العاملات هناك في الشعر والمكياج.. |
مشكوره حبيبتي وياليت تفيديني عن مركز جمالك وكم التوتل للتكلفه انا ميزانيتي 300 ريال شعر ومكياج
|
اذا تبغي شي ب300 في عندك ستارز بالخالديه شغلهم مرة رووعه ..وفيه لادونا بالمساعديه شغلهم برضه حلو منى مكياج..بالنسبه للمشاغل والله ماافيدك لانو انا والتفصيل مااحنا اصحاب:)
|
لا جمالك غالي اقل شي 400 وكل ماطال شعرك زاد المبلغ
فيه مشغل سهير رخيص التسريحه والميكاج ب100 بس زحمه يبغالك تروحين من الظهر موقعه جمب وطني الى في التحليه وفيه كمان مشغل الدانه في السلمانيه بس مااعرف وصفه بالضبط وانصحك ماتاخذين وحده بالبيت مايعجبني شغلهم وبنفس الوقت حووووووسه خبرينا على ايش قررتي :) |
اقتباس:
طب الباقي بكم الصبغه و تنظيف الوجه و الهاي لايت |
مشغل سهير ما يعجبني لانهم يكثرو الماكياج مرررررررره
وفي ستارز اللي في الخالديه مره ممتاز وحلو بس يبغالك 400 او 500 اذا شعرك طويل وفي سهارى اللي بالتحليه كمان حلو الشعر عند راضيه مره حلووو والماكياج عند عبير والتفصيل للاسف ما اعرف |
انا في جده والى الان مادخل مزاجي ولامشغل غير منه سنتر في المكياج والتسريحات مكياجهم ناعم ...
اما قص الشعر والصبغات المضبوطه وعلى ضمانتي عند مشغل الفاتنه في حي الحمراء اسم اللي تقص وتصبغ مدام اميره شغلها مره حلو وتحترم زبائنها مره القص عند مدام اميره 100ريال والصبغه على حسب طول شعرك |
مشكورين حبايبي بس ياليت تعطوني فكره عن مشغل الامبرطوره اللي في حي الصفا يمدحوه ناس وناس يقولو مو حلو ياليت تقولولي رايكم
|
حبيبتي الإمبراطورة عادي
تبغي مكياج حلو عندك صالون أحلام المها بالخالدية سويت عندهم بفرح اختي بس مكياجهم غالي 250 والشعر كلفني 200 ريال لأن شعري طويل واللي تعمل المكياج اسمها مها كانت تشتغل في ستارز وفتحت هذا المحل باسمها وعندك نوارة أول كان مو حلو بس الآن فيه وحدة اسمها أفنان مكياجها خطيييييييير مرة والله يجنن وكمان عهود مكياجها روووعة وعندهم المكياج ب 150 واذا تبغي ثقيل مرة 200 والشعر على حسب الطول واذا بالفير ولا لأ وجمالك مكياجهم عاادي جدا وما يستاهل ادفه فيه بس الصبغات عندهم خطيرة مرة خاصة مدام عبلة ومدام فاتنة وكمان صالون ريما هاذي مرة خطيرة ويغيروا الوحدة ويخلوها شكل ثاني بس كمان مكياجهم غالي 200 عندهم مدام خلود ومدام لينا مكياجها خطير وحتى تسريحاتهم حلوة أما سهير والإمبراطورة مابو شي مكياجهم بس مافيه فن بصراحة عادي لكن رخيص 100 ريال مكياج وتسريحة أتمنى أفدتك والله يوفقك تحيـــــــــــــــــــــــــاتي |
| الساعة الآن 11:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©