|
ولدي مريض جدا واحتاج لخبرتكم.. *الماسة*
السلام عليكم ورحمة الله وبركاته إخوتي بجد انا خجلانة منكم ووالله اترددت اكتب لكم لكن ........ أنا احترت في مرض ولدي عمره سنتين و7 شهور يوم الإثنين اللي فات بدأ معاه مغص في البطن واسهال وإستفراغ شديد يمكن عشر مرات من العصر لفجر يوم الثلاثاء وديناه على المستشفى وأمره الدكتور بتنويمه لأن علامات الجفاف واضحة عليه والولد جدا هزيل ونومناه وعملوا له تحاليل ولقيو ميكروب في الدم وطول مااحنا في المستشفى والمغذي في يده وبدأ ياكل على خفيف (جلي/ شوربة/عصير تفاح/دجاج مسلوق) ووقف الإسهال والإستفراغ والحمد لله لكن مااعطوه ولا علاج أبدا مجرد مغذيات بس قلنا الحمد لله وقف من حاله وقبل خروجنا من المستشفى بساعة بدأت تظهر السخونة عليه أعطوه شراب فيفادول وخرجنا هذا الكلام يوم الأربعاء ورجعنا للبيت والحمد لله بدأ في تحسن لكن الولد مايقدر ياكل وماله نفس في شي صباح الخميس رجع الإستفراغ الله يكرمكم وصار كل ماأكل أو شر ب أي شي يستفرغ بعدها إلى اليوم يوم الخميس الوالدة حطت ليمونة على النار وعليها كمون وعصرتها في فمو ودهنته بزيت دافي الولد نشط شوي وقلنا يارب لك الحمد لكن اليوم الجمعة كل شي رجع الإستفراغ والإسهال والحرارة المرتفعة والله ماني عارفة اش اسوي المستشفى كتبوا لنا على مضاد وانا اشتريت ادوية من عندي وهي أنازول / ومطهر للمعدة خاص طبعا للأطفال /كابتين /وتمبرا الولد إلى الآن وهو تعبان ومايقدر يوقف والله مرمي قدامي على السرير لا حس ولا كلمة أن خااااااااايفة عليه والله أحضنه وأبكي نفسي اسوي اي شي من عارفة اش اتصرف؟؟؟ أبوه طول الوقت يمسكه ويلاعبه والولد كأنه بعالم ثاني ودحين جالس بحضن ابوه ولا يتكلم لا ياكل ولا يشرب ولا يلعب ولا فادته الأدوية أطبائنا الموجودين ماأستغني عن خبرتكم ونصايحكم بعد الله سبحانه إخوتي الأعضاء اللي مرت عليه مثل حالة ولدي ياليت يرد علية وينصحني ..؟؟؟؟؟؟ اذا كان في دكتور ممتاز في جدة ياليت تدلوني عليه ؟؟؟؟؟؟؟؟؟ ولا تنسوا ولدي من دعواتكم تحيـــــــــــــــــــــاتي |
الله يشفيه ويقوم بالصحة والسلامة
أنصحك ترجعون للمستشفى مرة ثانية يسوون الفحوصات مرة ثانية ويكون تحت الملاحظة أفضل .. طمنينا عليه .. |
وعليكم السلام ورحمة الله وبركاته
اختي الماسه ماعليه شر وان شاء الله يقوم بالسلامه انا بنتي الكبيره مره جتها نفس الاعراض ولما وديناها المستشفى نوموها تقريبا خمس ايام لقو فيها جرثومه بالدم وكانو يعطونها مع المغذي المضاد ولا اكتبو لها خروج لحد ماتطمنو على وضعها الحمد لله ياليت تودونه مستشفى ثاني ويفضل يشوفه استشاري اطفال طمنينا عنه يالغاليه الله يعينك ويصبر قلبك |
اختى الفاضة
اسئل الله السلامة لطفلك والاجر لكِ ولابية انصحك تنتبهي لسخونة الطفل منعا لحدوث تشنجات بسبب الحرارة ثانيا عمل فحوصات للدم والجهاز الهضمي واذا ما حصلتو نتيجة ايجابية عند الدكتور الاول روحي لدكتور ثاني وثالث ورابع اما بخصوص الانتكاس بعد خروجة من المستشفي فهذا بسبب نقص السوائل في جسمة والله اعلم يبدو لي ان ابنك يحتاج يتنوم في المستشفي واطمنئك .. ان شاء الله خير وازمة وتعدى |
الله يشفيه يااااارب ويعطيه الصحة والعافية اظن ان الاعراض مابتخف بسرعة لين ماتموت الجرثومة زي الناس فارجعوا عند الدكتور او روحو لاستشاري احسن واذا يحتاج تنويم فيكون احسن تحت ملاحظتهم حبيبتي لا تخافي ترى الاطفال كذا يتعبون الاهل بعدين يقومون زي الحصان ولازم يتعرضون للاشياء هذي انا ولدي لما جاله فيروس الروتا حسيت انه انا المريضة من كثر مااشوفه تعبان مسكين عدت علينا عشرة ايام الله لا يعيدها ياااااااارب والحمد لله بس لسه تجيه نكسات احيانا وتخيلي عنده فيروس الهربس يعذذذبه مسكين ويتعب لما يجيه بس برضو يقولون احسن الطفل لما يمرض وهو صغير تجيه مناعة بعدين من اللي شافه :)
|
أختي الغالية
الان العلاجات اللي يستخدمها فقط فيفادول ؟ هل كتب له الطبيب مراجعة ؟ اذا عندك نتيجة تحاليل الدم ياليت تكتبيها لي اذا مااستخدم اي مضاد حيوي سواءا في البيت او في المستشفى ياليت تودونه اليوم لطبيب باطنة وتشرحون له الوضع وتركزون على نقطة الميكروب اعطيه سوائل (عصائر) وراقبي درجة حرارته لحد ما تروحون الطبيب مايشوف شر يالغالية استهدي وتوكلي على الله مشكلته مو غريبة ولا نادرة وطمنينا عليه |
الله يشفيه ويقومه لك بالسلامه أن شاء الله
طمنينا عليه ياأختي |
اقتباس:
الله يجزاك بكل خير ياجنة الدنيا أنا ماأعتقد اني بارجع للمستشفى مرة ثانية لأنهم غشونا ومااهتموا فيه بس مغذي وخلاص واخذوا علينا 1500 حقت يوم واحد وهم ماتعبوا أنفسهم بمضاد ولا شي الله يسامحهم إن شاء الله بطمنكم عليه يالغالية مشكورة حبيبتي تحيـــــــــــــــــــــــــاتي |
اقتباس:
الله يسعدك ياجينز والله مااعطوه ولا مضاد ولا شي أنا شكلي بروح مستشفى ثانية بس قلت بنتظر اليوم وأشوف اش يصير معاه لأني غيرت الأدوية من عندي الله يستر بس الله يحفظ لك بنتك وأخوانها يارب ولا تشوفوا شر مشكورة ياقمر وجزاك الله خير تحيــــــــــــــــــــــاتي |
اقتباس:
اللهم آميــــــــــــن الله يجزاك بكل خير أخي الكريم أنا قلت بإذن الله بأطلب أشعة وتحليل للبطن وصدقتط انتكاس حالته بسبب نقص السوائل لكن كل مااعطيه شي يرجعه الله يحفظه ويشفيه الله يجزاك بكل خير ويبعد عنكم كل مكروه تحيــــــــــــــــــــــــاتي |
| الساعة الآن 12:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©