|
خطيبي وغرورهـ
.. السلام عليكم ..
كيفكم ،، اخباركم ،، ؟ ان شاء الله تمام انا مخطوبة وسارت شبكتي والحمدالله لكن عندي مشكلة مع خطيبي هو الحمدالله طيب وحنون وكل حاجة لكن انا تعبانة معاهـ فـ شغلة واحدة انو شايف نفسو حلو ودايما يقولي انا حلو وانا كل الناس تطل فيا والبنات معجبين فيا مع انو مو داك الجمال اي نعم وسيم ومقبول لكن مو داك الجمال لدرجة اننا كنا بنتفرج ع صور الشبكة وقلي فـ دي الصورة انا احلى منك انا حلو ماشاءالله انا سكت ماعرفت ايش ارد بس نفسي اعرف ليش شايف نفسو لدي الدرجة وغير كدا بنات خالتو شايفنيو احلى واحد في الدنيا فـهو شايف نفسو بزيادة وانا الحمدالله مايعيبني شي لا جسم ولاشكل ولا حاجة والحمدالله جمالي مقبووووول ومني عارفة ليش شايفو مرة عليا ومو حلو لما الرجال يشوف نفسو انو هو احلى من مرتو ايش الحل ؟ بليز مساعدتكم وربي تعبت الاشراف : عذراً لفظ المشيئة يكتب على هذا النحو : إن شاء الله |
ابارك لك واتمنى ان يوفقك الله في حياتك كلها
يبدو ان زوجك متاثر من بيئته وانهم يكثرون من مدحه وهذا ظاهر من كلام قريباته عنه هذا الطبع من الصعب تغييره في فترة قصيرة - هذا اذا تغير اولا عليك ان تتفبلي ان هذا عيب بزوجك - والرجال لاتخلو من العيوب ثانيا حاولي توصلي له انك معجبة بشكله جدا ولكن الاكثار من مدح نفسه يضيع عليك ان تري بنفسك هذا الجمال والله يسعدك يا رب اختي الازواج في الحياة الواقعيه فيهم من العيوب ما تتمنى ان يقتصر العيب على مثل عيب زوجك فقط |
اولا مبروك عليكم اونشالله زواج الهنا يا رب
انا من رأيي انو مو عيب ان الرجال يهتم بنفسه ومظهره وادا الله رزقه بالجمال فالحمدلله والشكر لله بس ادا هوا شايف نفسه انه مررررة حلو هادا عيب فيه انتي الي عليكي انو تبيني له ان البنات يحبوا في الرجال الحنان والعطف والقوة إلخ المهم لازم يعرف ان البنات تركيزهم الاكبر مايكون في جمال الرجال بل بأخلاقه يعني لما يقولك شوفي والله انا طالع مرة حلو بالصورة قوليله امدحيه بس بعدين امدحي فيه شي ثاني وركزي في مدحك مع الوقت اعتقد انه تفكيره بيتغير لكن ابدا لا تقوليله ان جمالك عادي لأنك راح تجرحيه بالتوفيق انشالله |
بيني له بعدين إنه مثلا فلان ، زوج أختك أو أي أحد من أقاربك واحد رائع لإنه ما يحب يمدح نفسه
أو العكس ، قولي فلان ما يعجبني دايم يمدح حاله و المرأة ما تحب الرجال اللي كذا و دايم حاولي تبيني له إنه الناس تمدح في جمالك و زي كذا |
مررررررة شكرا ع ردودكم
افدتموني وجزاكم الله خيرا |
| الساعة الآن 10:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©