|
مطاعم الكاتم السعوديه؟؟
السلام عليكم
حبيت اسأل عن نوعية الرز اللي تستخدمها )))مطاعم الكاتم((( لأنها لذييييذه بشكل ماتتوقعونه ياريت احد يفيدني هذا اذا عرفتوا مطاعم الكاتم اتوقع انها مشهوره بالسعوديه ونظيفه نمبر 1 جاوبوا على سؤالي فوق بليييز |
اتوقع ابوكاس..لأنه اغلب المطاعم تتعامل معاه .. او اتصلي على المطعم و اسأليهم..اسهل لك
و بالعافية عليكم ..الله يهديك اختي سؤالك وقته غلط الواحد ميت من الجوع احس انواع التعذيب :d:d |
جوعانه يا كيوتي
اصبري مابقا شي على الريوق!! وين اتصل!! انا مو من السعوديه اليومين اللي فاتو كنت بزياره خاطفه )!!!( لحفر الباطن لفت نظري هالمطعم والله انا اللي اتعذبت مو انتي !! الله يعطيج العافيه ويرزقج الذريه الصالحه_ آمين |
... بس كيف شكل لوحتهم لانه فيه مطاعم كثيرة بهذا الاسم مثل الكاتم و بيت الكاتم.. ..بس عموما اغلب المطاعم اللي اشوفها تستخدم الكاتم تكون تستخدم رز ابوكاس
او العنبر او البشاور ( وتكون حبتهم طويلة و تحسين انها تذوب بالفم ..) وهذي الطريقة ضعي في القدر الكاتم زيت وافرمي البصل والثوم وضعي قليل من الهيل المطحون عشان الرائحة والنكهة و ضعيهم على الزيت وحركيهم على النار و ضعي طماطم مطحونة وملعقتين صلصة وملعقة صغيره كمون وبهار و ضعي الدجاج او اللحم وقلبيه ليأخذ النكهه وبعدها ضعي حبتان من الماجي وحبه فلفل حار وليمون ناشف ( لومي ) و عود قرفه وحركيهم و اضيفي الماء وحركيهم وغطي القدر الكاتم تمام (اذا طبختي باللحم سيحتاج وقتاً اطول) وبعد ما يينضج الدجاج اضيفي الارز المغسول و اكتميهم ( بس مو تخنقيهم :23::23: ما نبي جرائم ) لمدة15دقيقة او اقل على نار هاديه عشان ما يصير عندك الارز مثل السليق او الهريس :d:d.. و اذا حابه يكون الارز ابيض لا تضيفي الطماطم و لا الصلصة و هذه المفضلة لدي ..:22::22: |
تصدقين عاد انا عبالي
)الكاتم( اسم عايله !!! طلع /جدر يعني قدر او طنجره(((!!! صج اللي مايعرفك مايثمنك المطعم اسمه بيت الكاتم لأني بصراحه حبيته انا موشاطره بالمطبخ بس بجرب طريقتج وان شاءالله خير @حبة الرز تحسين انها منتفخه وقصيره |
اذا منتفخة وقصيرة اجل ابو كاس ..
و عندي لك طلبين ...اولاً صورة التطبيق للوصفة (في قسم الاطباق الرئيسية) و ثانياً صور من حفر الباطن مع التقرير ( في قسم السفر ) و اتمنى اكون افدتك..بس اهم شي اذا خايفة انه الارز ينحرق عليك اذا كتمتيه :25: فلا تكتمينه اطبخيه عادي عشان تتحكمي بكمية الماء ..و تعرفي اذا الحبة استوت او لا او تحتاج زيادة ماء لانها اول محاولة لك.. و بعد ما تتعودي على الارز و نوعيته اكتميه في المرات القادمة :29: و بالهناء و الشفاء |
حفرالباطن مافيها شي
عشان يتصور لأن الزياره كانت خاطفه!!! والطبخه ان شاءالله تضبط وانزلها |
اقتباس:
انتي ذكرتي ان حبه الارز منتفخه وقصيره يعني اكيد انه رز ابو سيوف اوابو بنت لاني انا مجربته على وصفك حبته منتفخه وقصيره |
كيوتي ،،،،،،،، من المحبه اعتب
كاتبه الوصفه و تطلبين من الناس تطبق وتنزل صور اشتقنا لطبخاتك الحلوه الي نشبع منها بس من الصوره من زماااان نفسي اسال عن كيوت باي و اكلاتها الجنان |
ملك نفسي
مشكوره وعلى كلامج واذا طلع نفس النكهه لج مني احلى دعوه يا أمر |
| الساعة الآن 03:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©