|
زوجي يدخل مواقع اباحيه كيف اتصرف ؟
السلام عليكم
بصراحة ماعرف من وين ابتدي بس لما ضاقت فيني الدنيا مارجعت الا لكم من بعد الله سبحانه لاني متأكده انكم ماراح تتركوني وبتساعدوني بكتب لكم قصتي بالتفصيل وياريت تعلقون عليها وتعطوني لها حلول جزاكم الله خير اكتب لكم وانا مكسورة ودموعي مالية عيوني بسم الله الرحمن الرحيم انا متزوجة تقريبا من ست شهور بعد فترة خطوبة دامت ثماية شهور يعني تقرببا اعرف زوجي منذ اكثر من سنة زوجي رجال يخاف ربه وكل صلاة يصليها فالمسجد حتى صلاة الفجر مايفوت أي صلاة حنووون وقلبه كبير وطيب دايما يتصدق بفلوسه وملابسه يعني يصرف مبالغ كبيرة في سبيل مساعدة الغير مايترك صلاة شفع ووتر ويقرأ المعوذات يراقب ربه في كل عمل يسويه ويخاف من الحرام يعطف على الحيوان وعلى الاشخاص الكبار في السن والاطفال مش مقصر معاي أبد يعني من صرف ومعاملة حسنة والحمدلله وانا احبه كثير حنوون وقلبه طيييب وفيه اشياء وايد تحببني فيه صح احس مرات بجفاف صوبه لاني انا انسانه جدا رومانسية واحب الدلع 24 ساعه اما هو مرات يكون مشغول بشي معين وينسى نفسه بس لما اذكره اني محتاجه له يقرب صوبي انا جميلة بشهادة الجميع تخيلوا اشوف نظرات اعجاب الناس فيني بس مااشوفها بزوجي يعني عمره مامدح شي انا لابسته او شي انا سويته او حتى مايمدح شكلي يعني مايحسسني بانوثتي حتى بالجماع يأديه كأنه واجب انساني وخلاص مايستمتع ولايمتعني فيه ماعرف ليش وانا دايما اللي اطلب منه احسه بارد اغريه بكل الطرق بس احسه مايتأثر مو مشكله ماختلفنا انا موزعلانه من هالشي ومرات اسمع الناس تقول لي انتي تحيين مشاعر انسان ميته وانا اقول في قلبي وزوجي ليش مايتأثر؟؟ يعني مش مقصره معاه بشي مدللته اخر دلع كأنه طفل صغير حتى وانا حامل وتعبانه اكشخ له وأسأله اذا كان في خاطره شي وارتب له الغرفه حتى ملابسه ألبسه اياها اضحي براحتي علشانه حتى هله يقولون لي انتي وايد مدلعته حتى هو بنفسه يعترف اني مش مقصره لحد الحين انا ماعندي مشكله في هذا كله بس كنت ابي اشرح لكم قصة حياتي معاه المهم انه جاته دورة سفر لبريطانيا وحاولت اروح معاه بشتى الطرق بس مافيه فايده كان رافض الفكره سافر لمدة شهرين لبريطانيا وتوه راجع بس مكان يطلع وايد هناك اكلمه 24 ساعه بس بالليل كنت انام قبله بساعتين بسبب اختلاف التواقيت ومرات اسهر وانام معاه اممممم امس كان طالع واتصل لي علشان اشيك على شغله في كمبيوتره وعمري انا مافتشت في اغراضه ولاشكيت فيه لان مافي شي يستدعي اني اشك فيه المهم فتحت كمبيوتره وهو معاي ع الخط وعطيته الشغله اللي يبيها وسكر وبعدين انا كان خاطري ادش على موقع قبل لاسكر الكمبيوتر وانا افتح المواقع شفت انه كان يدخل على مواقع جنس ومواقع اباحية فيديو,, قلبي طاح في رجولي انهرت وتميت اصيح وهو كان للحين ماوصل انا فكرت ليش يسوي هالشي وهو مسافر وهو رجال يخاف ربه في كل شي وانا مش مقصره وياه ووين الوازع الديني !!! وهو كان يقول انه ماسك نفسه لين مايرجع لي المهم اني تعبت نفسيا بس مسكت نفسي وماحبيت اتسرع لين مارجع لي بس مافاتحته بشي وتميت طبيعية ولاكأنه صاير شي وانا فكره توديني وفكره تجيبني تعبت نفسيا بس ماحبيت اواجهه علشان مايخبي عني اغراضه مره ثانيه هو مفتكرني غبيه ومدمغه ماادري عنه مايدري اني اتصنع الغباء المهم ان لانوم حصلت ولااكل قدرت اكل وغير الحمال والتعب بس مابينت له شي ارجوكم ساعدوني انصحوني شاسوي احس اني مااقدر اتحمل اكثر جرحي بقلبي كبير ليش يسوي هذا كله وانا لما سافر طول الوقت ادعي له ان ربي يحفظه من الحرام وعيال الحرام وانا قريبه من ربي اصلي وادعي له لاحول ولا قوة الا بالله جزاكم الله خير لاتتركوني |
يا قلبي المؤمن مبتلى
وانا بصراحه ما اعرف كيف انصحك لكن اقولك ادعي الله وحسسي زوجك بحبك وعطفك واخبريه عن ما يضايقك منه اهماله لكي وتجاهله ولكن لا تقويله باللي شوفتيه لانه كده ممكن يتغير معاك وممكن يخبي عنك واسال الله له الهدايه والتقوى |
ان شاء الله نزوة وتعدي
يااختي زوجك من النوع الي يخاف الله ذكريه بالله وخوفيه من الي قاعد يسويه حتى ما يستسلم للشيطان ويضيع عليه دينه يااختي المقاطع هذي مصيبه حلت على المسلمين ادمن عليها كثير من الناس الله يحمينا منها خليه يسمع محاضرات سواء على التلفزيون او على النت الله يفرج همك ويشرح صدر زوجك للحق ويبعد عنه كيد الشيطان ويحفظ عليه دينه اكثري من الاستغفار والدعاء |
حبيبتي اولا السلام عليكم وحمة الله وبركاته تصدقي والله ان لما قرات رسالتك تخيلت انها مني لان نفس الموضوع من اول الرسالة لاخرها انا بس ماقدريت اخبي بصراحة انا اعترف انك اقوى مني لكن صراحة تسرعي ساعدني اني يمكن احاول مااظلمه لاني بوقتها فاتحته وانا دموعي شلالات وقلبي متفجر من الصدمة ومر علينا اليوم كله بكى مني ومنه واعترف لي انه اخذ الصور من صاحبه وكان حيوريني لكن ماحبذالفكرة لان الصور مقززة وقام بنفس الوقت مسحها لكن تصدقي انا حاسها خيانة ماادري ليش برغم في ناس كثيرة يقولون عادي مافيها شي حتى لوافلام بس انا مااقتنعت
المهم عزيزتي اذا كان يريحك انك تفاتحيه بالموضوع وحاسة ان تصرفه حيكون من النوع اللي بيحس بغلطه لاتتردي لكن اذا من النوع اللي بيكابر حاولي انك تجيبيلو قصص من خيالك عن صحباتك انهم بيعانوا من نفس المشكلة والله يهونها عليكي واسفة للاطالة |
شكرا Om mody و القانته على ردودكم
|
الورد الجوري 09
وعليكم السلام ورحمة الله وبركاته وانا اقرأ ردك رجعت ابكي مره ثانيه ماادري فعلا تعبانه من داخلي محتاره ليش سوى كذا تعبانه ع العموم جزاك الله خير ماعرف ايش اقولك |
بليز احتاج ردود اكثر لاتتركوني وفقكم الله
|
السلام عليكم ورحمة الله وبركاته
....................... ....................... و عليكم السلام و رحمة الله و بركاته .. المرجو منك أخي الفاضلة فتح موضوع بأسم مشرفين قسم المتزوجين على الرابط التالي : مراسلة الادارة . . . |
اختي green222
أعيدي كتابة الرد مرة اخرى لاني لم اشاهده اذا ممكن شكرا |
السلام عليكم ورحمة الله وبركاته
انا كتبت انو بس تحسي انو جالس على النت البسي واتدلعي وروحي قربه واعملي نفسك تجامليه من غير ما تنظري والمسي زوجك وخذيه من يده الي الفراش وقولي له الحلال جاهز وناطرك شعللي لياليه واشغليه انتي بالحلال اشربي قهوه في المساء حتي تكوني صاحيه والله فضلت وراه والحمد لله رب العالمين |
| الساعة الآن 03:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©