|
زوجي يجرحني
السلام عليكم ورحمة الله وبركاته
اتمنى ألقى عندكم حل لمشكلتي.. زوجي طيب من داخله لكن فيه مشكله متعبتني حاولت ألجأ لأمي عشان تساعدني لكن تقول ما أقدر لأن زوجي شخصيته مب واضحه وتخاف تدخل بينا وتخسره مشكلتي ان زوجي يجرحني بتعامله الجاف... انا ماعرف اشرح بالكلام لان دايما اختار الكلمات الخطأ ويساء فهمي بعطيكم هالمثال "صار معاي اليوم" وقولوا لي كيف المفروض اتصرف معلومة لازم تعرفونها: زوجي ما يحب أو يتكاسل عن واجباته كزوج مثل لوازم البيت اليوم بعد الدوام اتصل فيني وقال لي انا بمر الجمعيه بعد الدوام بشتري لحم حق عزيمة يوم الخميس << انا كنت متوقعه اني بسير معاه لاني احتاج أغراض لولدنا.. بس قلت عادي بقوله اييب احتاجات البيبي... " بامبرز و جاي ميلوبه" فقط قلت له اني احتاج اشياء للبيبي وشرحت له كيف شكل الشاي قال لي طرشيه مسج كتبت له اسم الشاي والبامبرز ورقمه اتصل فيني معصب شوي قال : "انا رايح الجمعيه اييب لحم وطلعتي عشرين ألف غرض تبينه من الجمعيه" صكر يوم وصل البيت كنت انا يايه ابدل ملابسي من ريحة الطبيخ دخل قبل ما ابدل قلت له هلا والله هلا بالزين كله شافني بذيك النظره وبدل ملابسه قلت له شوفيك ؟؟؟ قال اسألي نفسج بس قلت لج بروح اجمعيه طلعتي لي بأغراض الدنيا كلها.. سكت ومابدلت ملابسي وطلعت عالمطبخ اجهز الغدا.. كان باقي عالرز شوي .. بعده ما خلص.. وقف عند باب المطبخ وقال ابا غداي قلت له باقي شوي قال بعصبيه شوي كان المفروض يكون جاهز الساعه ٣ وألحين الساعه ٤ شو كنتي تسوين !!! <<< يعني شو اسوي بالله عليكم !!! هذا كله جدام الخادمه نوعية العيش يباله طبيخ زياده شو اسوي يعني انا لين الحين ماكلمته عالغدا كان مكشر في ويهي ومايكلمني يوم خلص الغدا كان يكلمني عادي انا اللي مضايقني: ١. شوفيها لو ياب لي اغراض البيبي بدون هالكلام اللي يضايقني !!! ٢. ليش يعصب علي جدام الخادمه ؟؟؟؟ ٣. ليش يزعل من الأساس >> عشان طلبت منه اغراض لولده اللي هو مسؤول عنه ؟؟؟؟؟؟ أريد افهم انا في شو غلطت ... وكيف اتصرف مع هالموقف ؟؟؟ |
هلا بك يالغاليه اولا بقولك عن احصائيه عن اعلى نسبة طلاق متى وقتها وجدوا ان اغلب حالات الطلاق تحدث والزوج راجع من العمل يكون متوتر مشحون متضايق من عمله من زحمات الشوارع من موظفيه مراجعيه ثم يدخل على زوجته الزوجه هنا اما حالتين ان تكون شراره للانفجار ويفرغ كل ماوجهه فيها وعليها او تكون البلسم الرقيق الذي يمتص كل هذا بابتسامه رقيقه ورائحه عطره ووجبه جاهزه وكلها امور بسيطه بعد مايرتاح وينام اطلبي عيونه ويجيبها لك |
حبيبتي معليش مالك الا الصبر
يمكن هوكان معصب من شئ في العمل وماصدق شئ يفش خلقه فيه الله يعينك ويوفقك لكل خير |
اشكرج اختي على ردج السريع ...
صدقيني اعرف هالمعلومات القيمه اللي قلتي عنها .. ولو لاحظتي انا اسوي هالشي بس اليوم ماضبط التوقيت معاي يعني تحصل |
اشكرج اختي رومانسيه
المشكله هذا صار اسلوبه معاي دايما |
والله ضربتيلي على الوتر انا راح انجن منزوجي ونفس الش تقريبا عصب علي قدام الخدامه وانا صرت ابكي والله دموعي ماوقفت جلست بغرفتي ويطلع من البيت ويرجع ويلاقيني زي ماانا المشكله انه شايف حاله ماسوى شي المشكله انه عصب على حاجه تافهه وكان راجع بيتكلم معي ويضحك وفجاة عصب وانا لانه ابني صغير وكنت الصبح ماخداه على العلاج الطبيعي وجولي صحباتي العصر ودراسة بناتي وووو ......... كل هادي الاشياء مو طبيعي ارتبك منها
انا اسفه اخذت منك الوقت والموضوع بس هونيها بتهون وحاولي طنشي وبعدين لما يهدا افتحي معه الموضوع بس بهدوء ولازم يكون رايق انا زوجي ضل يتحركش ويمزح بس انا شايله من عملته ومش راضيه ارد عليه |
اقتباس:
انا لين الحين ما كلمته هو كان راقد لكن بحاول اكلمه قبل ما نرقد .. ماحب ارقد وانا زعلانه اشكرج اختي |
حبيبتي هونيها و تهون وبعدين الريال مثل ما قالوا الاخوات يوم يرجع من الدوام يكون تعبان و شي
عموما صالحيه بطريقة رومانسية و هدي باله انا صحيح مش متزوجة بس اللي اعرفة ان الريال عقله صغير و صدقيني تقدرين تميلينه تعاليلى ف وقت يكون هادي البال و اتقربي منه و ادلعي له و ناقشي بعد بس بهدوء |
لا كنت ناويه اطنشه بس انا بموت لو ماتكلمت بس كله شوي اذكره اني كنت زعلانه منه
الله يعينا يارب ويلا صالحيه وحاولي تعرفي ايش الي زعله |
نفس زوجي بالتمام والكمال ... مايحبني اوصيه على شي ... ولما يعصب مايراعي وجود احد ابد.
بس ان قلبه طيب بسرعه ينسى ... وحبيبتي بقولك شي ترى اكثر الرجال اذا جو من الدوام يبون الغدا محطوط وجاهز مايحبون التاخير لودقيقه ... ويمكن هالشي خلاه يعصب زياااده .. شي اخير بقوله لك .... تصرف امك مرررة ممتاز لان موكويس ابدا البنت تتدخل بين زوج بنتها وبنتها ... في كل الحالات ومهما كان الزوج طيب تكون كلمتها ثقيله ...وساعتها ترجعون حبايب وهي تصير الغلطانه ... يالله هدي اعصابك وترى الرجال يبون طوووووووووولة بال . |
| الساعة الآن 12:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©