|
ممكن تساعدوني في حساب مصاريف الزواج
السلام عليكم
في البداية هذا البيت اهديه لكل عزوبي :d زهرة شبابك لا انقضت وانت مقرود .. وش فايدة راحتك لا صرت شايب واقول الله لا يبارك في الاسهم ولا في من سهل علينا الدخول فيها وغرر فينا وغشنا :( عمري 29 والحمد الله موظف وجمعت لي مبلغ كويس وكنت ناوي اشتري بيت لكن ضاااااع في الاسهم وفوق كذا تحملت قرض من البنك لمدت 12 سنه < مقهور والحين قررت اني اتزوج ومحتاج تساعدوني في حساب مصاريف الزواج لان مابي اقدم على الخطبه وانا مو جاهز للزواج خصوصا انه مافي احد بيساعدني يعني انا بساعد نفسي في كل المصاريف والمهر وغيره.. السكن راح يكون في بيت الوالد مكون من غرفتين مع دورة مياة -- طبعا راح اجدد الديكور والاثاث في الغرفتين و دورة المياة (اعزكم الله) احتاج اعرف كم المفروض يكون عندي مبلغ عشان اقدر اكمل النقاط من 1 الى 7 1- مهر ( للعوائل المتوسطة المعيشه في الرياض ) 2- ذهب 3- ديكور كااامل و اثاث لغرفة نوم 4- ديكور كااامل واثاث لغرفة جلوس 5- تجديد دورة مياة 6- حفله صغيره عائليه للرجال في البيت 7- سفرة لمدة 5 ايام (دبي او شرم الشيخ ) < ايام العز كان شهر عسل الحين صارت خمسة عسل :d بعد الاسهم واذا في نقاط ومصاريف نسيتها ياليت تذكروني فيها وسامحونااا |
وشلون نعرس ورصيدنا اليوم مفقود .. ... .. ... .. بسبب اسهم رائيسها نمرود خايب
هلا والله والله يعينك على المصاريف ,,, شف يابعدي خلينا نقول المهر حوالي 40,000 الذهب مالي علم فية بس خليه 8,000 وغرف النوم فية من 7,000 الى فوووق خيالك لكن شفت اشياء حلوة بـ 12.000 وكماليات غرفة النوم خليها 2000(( مفارش + سجاد + كراسي + الخ ...) غرفة الجلوس خلها حسب وضعك وافرشها اخر شي احسب تلفزون + دولاب للتلفزون بـ 4000 كنب حوالي 5000 وتقدر تخلية جلسة ارضية وتوفر لحد ما ربك يفرجها حمام وانت بكرامة نوع عن نوع يفرق وبعد الماركة والصناعة تفرق بس خلينا نقول 2000 مع التركيب حفلة الرجال ما تكلفك واجد احسب من ثلاث الي خمس ذبايح واسبوع العسل ياطويل العمر ما اقدر افتيك فية تعرف العزوبية سفراتهم غير عن العائلة كل واحد بقطتة لكن حط ببالك نوع الفندق ووقت السفر واسعار التذكرة وارشح لك مصر واخيرا مبروك مقدما ومنك المال ومنها العيال والبنوتات |
الله يسهل امورك اخي الفاضل
ويعوضك ويرزقك من حيث لاتحتسب بالنسبة للمبلغ اشوف ان 150 الف ريال تكفي ان شاءالله ويمكن تزيد للاشياء اللي وضحتها في النقاط فلنفرض ان المهر والذهب راح يكلفك من 50 الي 60 الف ريال فالباقي لمصروفات تجديد البيت وشراء الاثاث وعمل حفلة الزفاف والسفر علىكرة ماانصحك تسافر شرم الشيخ لانها ماتنفع ابدا كلها ناس عارية ومناظر خلاعية انا رحتها وماعجبتني صراحة وانت عاد رايح شهر عسل وتناوي تجلط العروسة ولا ايه الحكاية :d ودبي عاد راح تكلفك عشان لابد من التسوق وانت ميزانيتك يادوب على التماشي فاانصحك اذا معزم تسافر انك تروح جنوب افريقيا مرة روعه :22: بس صراحة مااعرف كيف اسعارها الان |
الله يعوضك بمالك
ويخلف عليك بالعوض الصالح انا ما عندي فكره بس حبيت ادعي لك |
أسئل الله الكريم أن يوفقك ويفتحلك أبواب رزقه ........
أتوقع في هالغلاء 150 الف ....... انا زوجي كلفته 100..... 30 مهر 10 ذهب 10 سفر 20 ترتيبات للبيت ..... 20 للحفله ........ و10 دعم للميزانيات السابقه اذا نقص شي زاده..... واهم شي ..... تنقيلك بنت الحلال اللي اهلها يخافون ربهم ويسرون للشباب الزواج........ .................................................. ... |
يعني من 130 الف الي 170 الف علي حسب كل شيء تختارة
|
انا للان كلفني الزواج الثاني حوالي ال150 الف
وانا للان لم اكمل اثاث البيت وبالفعل كل شي غالي ونار بس الفرق بيننا اني تركت الاسهم من زمان وريحت قلبي |
(غير مسجل)
مشكور على الرد والله يزوجك كانك عزوبي واذا متزوج الله يوفقك ويسعدك في زواجك روجي فوشي هلا اختي مو كثير 150 الف على زواج بسيط وعااادي؟ اذا ممكن تفصلين لي الـ 150 الف حقت ايش يعني مهر كم وذهب كم ووووالخ green222 مشكور جزاك اله خير على الدعاء *توت* مشكوره على الدعاء والله يسعدك في زواجك وتكاليف زواجكم جدا مناااسبه لميزانيتي بس احذف منها (( 20 للحفله )) مررروة مشكوره على المشاركة مهزوم الله يوفقك في زواجك وييسر لك امرك لكن اشوف انه جدا مكلف اذا 150 الف ياليت تفصل كم المهر والذهب وباقي المصاريف اذا مافيه مضايقه عليك ----- ميزانتي ماتزيد عن 75 الف واذا المبلغ هذا مايكفي لمصاريف الزواج و اكمال النقاط من 1 الى 7 نصبر على العزوبيه لين الله ييسرها |
75 ألف تزوجك نصف مرأة
و النصف الباقي اذا ارتفعت الأسهم بحول الله |
حط املك بالله .. وثق تمام الثقه ماراح يخيب ظنك فيه
انت توكل على الله واقدم .. وراح تشوف بأذن الله كيف ربي ييسرها لك :) بالنسبه لأسألتك ماعندي خلفيه لكن بحاول معك نقول 40 الف مهر 15 للبيت :) والحفله قل بتكلفك عشره وحق السفر راح تقدر تجيبه خلال الاشهر اللي قبل الزواج :)< بالاصح مدري كم يكلف .. على حسب وعليك الحساب ^_^ والف مبروك مقدما بالتوفيق |
| الساعة الآن 11:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©