|
اريد مساعدتكم..كيف اجعل زوجي يشتاق لي فترة النفاس ؟
السلام عليكم
انا قربت ولادتي ورح اروح بيت اهلي فترة النفاس كلها وهذي اول مرة ابعد فيها عن زوجي لانه اول حمل ابغى منكم فكرة او حركة بسيطة اسويها لزوجي تبقى طول فترة غيابي مثلا اخبيله رسايل او اوراق في ملابسه او اي فكرة ثانيه ابغى يكتشف كل يوم اني مخبيتله شي بس ماني لاقية فكرة حلوة ابغى طول فترة غيابي يبقى ذاكرني واتوقع رح يلقاها حركة حلوة مني فتكفون اتحفوني بأفكاركم عفواً تم تعديل العنوان ليتضح المضمون الإشراف |
وليه الافضل لكي ان تاخذيه معاكي عند اهلك افضل لكي ليكون معاكي المهم ربنا يتم ولادتك علي خير
|
حبيبتي الله يقومك بالسلامة
يردك بيتك سالمة غانمة والله احسن شئ تسويله اكل وتحطيه في البراد:22: علشان كل ما يجوع يتذكرك يجري على الثلاجة:d |
اقتباس:
كيف رح يشتاقلي اذا اخذته معي؟؟؟؟؟؟ شكرا للمرور |
اقتباس:
:23: لا اذا جاع بيت اهله تحت يروح عند امه وياكل ماعنده مشكلة تكفون عطوني افكار |
انا اقول انك تكتفين بشي واحد
حطي له صورتك وانتي طفلة او صورتك وانتي كبيرة في مخباه مرة وحده عشان يتفاجىء .. وبتكون كافية الرجل اصلن راح يتذكرك اكييييييد .. لان راح يكون مفتقدك في البيت .. البيت صار فاضي بدونك راح يحس بقيمتك اكثر .. راح يتذكر سوالفك لي حط راسه على المخدة راح يتذكر انك كنتي جنبه وتسولفي له وكل شي يذكره فيك كل شي لو مثلا راح المطبخ .. فتح الثلاجة بيتذكرك لو شاف الصالة ... شاف الاثاث الي انتي اخترتيه بيتذكرك اول مايرجع من العمل .. بيتذكرك اكييييييد بيتذكرك لاتحاتييييييييين ومايحتاج كل هذا لو حد قدملك وردة واحدة .. افضل من انه يقدم لك باقة وروود واهو اصلن كل يوم بيتصل وان ماتصل انتي ماراح تصبري وراح تتصلي فيه لا تحتارين ولا تشيلين هم .. وانا نمن رأيي لو تحطيله صورة لك في جيبه في ملابسه .. راح يتسنااااااانس عليها تحياتي |
اقتباس:
الف شكر عجبتني حركة الصورة :15: |
الله يقومك بالسلامه انا من رائي تحطين له ورقه وتكتبين عليها الاذكار عند دخول دوره المياه لا تنسى حبيبي ان تتعوذ00عند السرير اذكار النوم ومن هذا القبيل 000
|
اقتباس:
وممكن تحطي كتاب عند السرير قصص أو اي شي يحب يقراه |
اختي لاتتعبي نفسك ولا شيء .. فترة النفاس هذي هي تعتبر إجازة لرجل للفكاك من الحياة الزوجية الرسمية الى ذكرى الحياة العزوبية الخفيفة لذلك انا اقول.. اذا كان الرجل في فترة نفاس زوجته يميل الى الحياة الزوجية فأنه هو من سيقوم بالزيارة يوميا لها وسوف يقدم المفاجآت لزوجتة وهي عند اهلها وعليها ان تنتظر ماسيقدمه لها عند عودتها من اهلها الى بيتها اما اذا كان يميل الى الحياة العزوبية فلا ارى ان اية طريقة تعمل له ستفيد لأجل الاشتياق وان شاء الله يكون زوجك من النوع الاول..والله يقومك بالسلامة |
| الساعة الآن 05:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©