هل الكوي يترك آثار على الوجه..
 

السلام عليكم ورحمة الله وبركاته
اخواتي وحبايبي زي ماتعرفون انه ملكتي قربت:14:
المهم انا عملت سنفره لوجهي من كم يوم وحسيتها طلعتلي شوي حبووب مع انه ماكان عندي ابد
وانا اختي اصلا بدت تتعالج مع دكتورة جلديه ومن اول مره حست بالفرق قلت خلني اروح معاها المره الجايه وتعطيني كريم بس يخفف هالحبوب البسيطه اللي طلعت عشان باقيلي كم اسبوعين على الملكه بس ورحت وياريتني مارحت:29:
اول ماشافتني قالتلي انتي عندك فيروساات وماادري ايش وكلام غريب انا اتفجعت بصراحه وقالتلي الحين بسويلك كوي على حبوب معينه انا سألتها هل بتترك أثر لانه ماعندي وقت قالت لا المهم سوتلي الكوي وطلع دم (لازم يطلع) والله يابنات انا شفت الدم من هنا بديت ابكي من هنا قلت عز الله اتشوهت في يوم فرحتي وجلست ابكي الين ماوصلت البيت وهي تقولي بكره تصحين ماراح تلاقين شي بوجهك وحطتلي لصقه وانا مااتجرأت افكها لاني خايفه يكون فيه أثر وانصدم وعطتني كريمات وادويه بس حلفت مااخذ ولا شي اخاف يبهدلني واناماعندي وقت للتجارب:(
بنااااااااااااااااااات ارجوكم اللي عمرها سوت كوي او سمعت عنه هل ترك لها اثر او لا؟؟؟؟؟؟ الله يخليكم والله ماني قادره انام اخاف اتشوه بعدين:rolleyes: واذا تعرفون ماسكات حلوه للبشره الدهنيه عشان الحبوب والتفتيح الله يسعدكم لا تبخلون علي
ارجوكم لاتخوفوني في الردووووووود لاني فعلا مختررررررررررعه

عفواً تم تعديل العنوان ليتناسب مع المضمون..

ايش رايك تروحي لطبيبه او طبيب آخر ، اسالي عن طبيب جلديه ممتاز في بلدكم وروحي له باسرع وقت وعليكي بالدعاء أخيه وعليكي بالصدقه فيها شفاء ..............................
و ايش مخوفك من وصفه الدكتورة الاولى ؟
اذهبي لطبيب آخر شاطر واعطيه علاجها ان كنتي خائفه
دعائك الصالح لي

أختي الفاضله :من قوانين الكتابه في المنتدى::عند إرادة نقل حكم شرعي لابد من توثيقه, ( مع مراعاة أنه بالنسبة للأحاديث والآثار فإنه يجب تخريجها وتوضيح درجتها وأن تكون على مذهب أهل السنة والجماعة )

السلام عليكم اختي الحبيبه

اولا الف الف مبرووك:14::14::14:

ثانيا حبيبتي لا تخافي ابدا لما كل هذا الخوف

انا عندي حبوب شباب منذ مراهقتي وكنت اذهب ايضا لدكتورة امراض جلديه وكانت تستعمل معي الكوي وكان نفس ما توصفين انه كله دم وجروح مكان الحبوب وهذا طبيعي ولكن لازم تاخدي الكريمات والادويه اللي هي كتبهالك بانتظام وانتي هتلاقي وجهك في يومين جميل لان الكريمات هي اللي تمحي اثار هذه الجروح اما الدواء الحبوب يكون لينظم الهرمونات في الدم علشان ميطلعش حبوب في وجهك تاني اطمئني يا اختي هذا طبيعي وما عليكي سوا ان تستعملي الكريم بانتظام ولكن اطلبي من الطبيبه ان تعطيكي غسول للوجه حتى يزيل منه الجراثيم وصدقيني انا مجربه كتير هذه الاشياء واحذري ان تهملي في الدواء

ولكن اريد ان اقول لكي على نصيحه استعملي دواء الاقراص (الحبوب) التي كتبتها لكي الطبيبه هذه الايام فقط قبل عقد القران ولا تستعمليه بعد ذلك اذا كان زواجك قريب(الدخله) علشان هذا يؤثر على الحمل ولا تخافي كل ذلك انا جربته وعندما تعالجت اصبح وجهي ابيض وجميل:28: والف الف مبرووك

الله يسعدكم ريحتو بالي وان شاء الله راح اروح اليوم واشتري الادويه ربي يخليكم ليا يااحلى أعضاء