ابني عمره ثلاثة اشهر وعند((فتق,,فتاق)) ساعدوني!!
 

السلام عليكم..

ابني من يومين يعاني من حراره شديده تنخفض شوي وترجع ترتفع .. رحنا للدكتوره وقالت عنده التهاب بالحلق وصرفت لنا مضاد وخافض للحراره ..

بعده بكم ساعه لاحظت انه في عضوه الذكري وبالتحديد فوق الخصيتين يوجد انتفاخ والدكتوره ذكرت لنا انه فتق.. ويحتاج عمليه جراحيه وطمنتنا عليه وقالت انها بسيطه وما تاخذ الا ربع ساعه..

بس انا خايفه كثير لانه طفل صغير على العمليه والبنج الكامل.. ارجوكم طمنوني اذا عندكم فكره عن الموضوع.. قلقانه كثير على صحة ابني وخايفه من العمليه..

هل الجراحه مناسبه له في هالعمر والا نصبر عليه شوي .. اذا عندكم خلفيه عن الموضوع اتمنى افادتي ولكم جزيل الشكر..

حبيبتي ...ابني حابين نختنه بالمستشفى
فقال لنا الطبيب عشان يستحمل البنج الكامل لازم يكون عمره 9 شهور ومافوق....

بس بنفس الوقت لي صديقة عانت طفلتهامن الفتاق و عمرها شهرين
عملوا لها عملية وماشاء الله عليها مافيها الا العافية..
فا بصراحة انا اصلا ملخبطة ... اسالي اكثر من طبيب و اكثر من استشاري
عشان تتطمني..
مقدره شعورك كام.. الوحدة تخاف على ابنها من نسمة الهواء فكيف التفكير ببنج و مستشفى
اللهم لك الحمد و الشكر ...الحمدلله انها حاجة بسيطة
لا تقلقي حبيبتي وياااربي مافيه الا العافية و ان شاء الله ربي يحفظه لك من كل
شر يا رب

تسلمين اختي noora
وان شاءالله بسيطه وربي يكتب لنا اللي فيه الخير ..

ان شاءالله بكره بنروح نعرضه لأستشاري وبنشوف رأيه بالموضوع ..

ياليت اذا احد يفصل لي العمليه وطريقتها خصوصا اذا كان عن تجربه وايش اسباب الفتاق؟ .. انا قرأت انه الفتاق بعد العمليه يرجع فهل هذا صحيح؟

الله يشفيلك اياه ولازم انك تراجعي الطبيب ولا تخافي من العمليه بسيطه وتكلي على الله