اخي خاطب واخاف يتغير بعد العسكريه,,
 

السلام عليكم


اخوي بيروح العسكريه من شهر الجاي و زوجته (كتبين كتابهم)خايفه انه يتغير و يصير جامد او او او


و الحين هم يتكلمون ع المسن و مسجات يعنى عايشين مع بعض و يعرفون كل شى عن بعض و هي الخوف

من التغير ذابحها و انا قولت لها هو يحبك و تعطيني امثلا خطيب فلانه زوج علانه

كيف انصحها و لمحت حق اخوي قلت له بعد الرجعه بتضربني :d و تتغير علينا

قال اي اي برتكب جريمه فيكم :d

مين قال انو العسكري قاسي وجاف بالعكس انا معظم عايلتي عسكر والحمدلله الكل يحسدنا على حبهم لنا واهتمامهم بنا وانا اشوف العسكريه كويسه للاولاد خصوصا الدلوعين زي ولدي لانه تنمي فيهم الرجوله وقولي لزوجة اخوك انو راح يكون افضل لانه بيكون محروم نها فترة التدريب وراح يرجع مشتاق لها ومتعلق فيها اكثر وهي لازم توقف معاه في هذا الوقت وتدعمه وماتحبط من عزيمته وهي فتره وتعدي وصدقيني راح تشوف فرق للاحسن

انا كل مره اقول لها بس هى عندها صوره مررررره مش كويسه لانه فى كثير نعرفهم

يرجعون جافين او تنتهى العلاقه الزوجيه بالطلاق و انا واثقه من اخوي بس هي قلبها رقيق :d

عادي العسكريه الناس مااخذه فكره عنها

انا زوجي كان بدوره قبل سنتين يقول فله وونااسه بس الصباح يصحونهم وتدريب ولازم يكون نظامي حتى مايتعرض للعقوباات وف الليل عااادي يمارسون حياتهم الطبيعيه مع زملائهم

السلام عليكم
أختي الكريمة أرجو منك أن تنبهي زوجة أخوك إلى أمر مهم وهو الغيبة وهو واضح في قولها زوج فلانة وعلانة
فلا يحق لها الحديث عن الناس بالسوء -أعلم أن نيتها حسنة ولكن النية وحدها لاتكفي- وهذا من الغيبة والله أعلم وهي منتشرة بين بعض النساء لدرجة أنهم يغتابون بدون انتباه ولا تفكير ولا يحق لكم الاستماع لهذا بل يجب الإنكار فأرجو منك أن تنصحيها بطريقة لبقة وتبلغيها رسالتي هذه بأسلوبك الخاص
فقد قال تعالى (ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب رحيم)
وقال صلى الله عليه وسلم في الحديث الصحيح (أتدرون ما الغيبة ؟ قالوا : الله ورسوله أعلم . قال : ذكرك أخاك بما يكره ، قيل : أفرأيت إن كان في أخي ما أقول ؟ قال : إن كان فيه ما تقول ، فقد اغتبته . وإن لم يكن فيه ، فقد بهته)
الله يحعلنا وإياكم موفقين

أما بخصوص موضوع السؤال فأعتقد أنها ماتشيل هم والموضوع بسيط والله يبارك لكي ولها ولأخيكي
ودمتي في حفظ الله

شكرا

الله يقدرني و اسكتها امس الساععه 3 فى الليل كلمتني نو هي تصيح تقول بيوحششششششني


و انا فى سابع نومه :d

اختي الكريمة .. هذي فكرة خاطئة .. خليها اتشوف المنتدى وتقرى رأي الاعضاء

احد اقربائي .. انسان لا مبالي كثير المزح وغير جدي . . وتوقعنا بصراحة ان راح يتغير ويصير انسان جاد شوي بعد العسكرية

والحين صارله 6 سنوات بالعسكرية .. لكن كما هو ماتغير فيه شي


والوالد الله يطول في عمره خدم 30 سنة ف المجال العسكري.. لكن ابدا في حياته ماصار جاف ومن هالكلام


تحياتي

بارك الله فيك

انا عطيتها السايت عشان تقرا ردودكم و تشارك و الحين تقول شلون اعيش شهرين بدون ما اشوفه بعد شهرين

بيسمحون له يطلع الخميس الين السبت العصر الله يساعدها

هههههههههههههههههه عاد لازم تصبر هي فترة وبتعدي

بالعكس هذا شعووور جمييييييييييل .. وراح تتذكره طوول عمرها

لان هالشعور بالشغف ماراح يكون موجود دايمن بعد الزواج وبعد ماراح يتعودون على بعض

فى ان شاء الله يوم تتذكر هالسالفة .. راح تنبسط كثييييييير وتقول وينك يا ايام زمان

تحياتي